ISAYA 36:8 - Biblía Axweesantá Hhohho' ar Mungú 2004

⁸ Gimsé' qwalaas al'axweesantá wayda tleehhaak nee aakooeé', waawutmoó Ashuru. Daqaní aníng farsuú kumér tsár ngu haniís kuungá' bar múk gu i tsa/ám u sleera'a.

ISAYA 36:8 Iomraidhean Croise

1 WAAWITÁ 20:10

Ben-hadadi afo gari ya/aáw amór Ahabu iwa kaahi, «Mungui aníng i gaasiye' nee ar hatlá' ngi doogiye' gawaaeé' ale, barnaxés hhapér yaamaá Samaria taataahha ngaa bú' dír slaqwaruuser'eene.»

1 WAAWITÁ 20:18

Ben-hadadi iri oó', «Inooín slafi ohiimare', gár nisa hardihiyé' tam slaqwara laqaá wayda.»

2 WAAWITÁ 14:14

Iwa hardáh sahaábu nee peesaaro nee xoosladár baraá doó AAKOÓ MUNGUHE nee tidár baraá doó waawutmowo nee mukko giri ar tláy, iri kií/ Samaria.

2 WAAWITÁ 18:13

Qoomár kurkú mibaá nee tsiyáhh oo waawuti'iimár Hesekia, waawutmo Senakeribu oo Ashuru gixsadaá Yuda sleémeero kudá' taa tleéhh ar koo/ír gawden gina i haratláy, nee giri hayóh.

2 WAAWITÁ 18:23

Gimsé' daxta axweesé' nee aakooeé' waawutmoó Ashuru, daqaní aníng farasuú kume tsár ngu haniís, bar kuungá' múk faras gu i tsa/ám u koondá'.

ISAYA 36:2

Waawutmoó Ashuru geeraharusmoó úr oo slaqwaruuseerós guri ya/aáw amór Lakishír wa alé, amór waawutmo Hesekia baraá gixsár Yerusalemu. Geeraharusmoodá' ina sihhiít dír maparír ma'aá wa/amis baraá tlahhsa, bihhaá gawa awa loohír ur ar dír hhuntsitór kaw.

ISAYA 36:7

«Ala kuúng bar kat, ‹Atén AAKOÓ MUNGÚ, Munguúrén un harahhifaán.› Xaysé' Munguúdá' Hesekia aa kiteeraá ilahhooa feé/ nee wa/aamér gawa aa feé/ an kwisingekáhe? Múk Yuda nee oo Yerusalemuwo guri báy, ‹Dír kitaangwí wák na wa sluufmisaak?›

ISAYA 36:9

Kuungá' sagadiyusmoó niiná baraá sagadiyuusér aakooeene adór ngura ki/isé' bar kuungá' aqo alee/isoó Misri un daamarandá' nee mukdá' faras ngwa i tsa/ani?