ISAYA 36:4 - Biblía Axweesantá Hhohho' ar Mungú 2004

⁴ Geeraharusmooduú slaqwaruuse iri oó', «Tlawsé', waawutmoohúng ku beera', waawutmoodá' úr oo Ashuru i kaahi, ‹Gár ta ak ló'wa harahhif a milá masa tawo migís?

ISAYA 36:4 Iomraidhean Croise

2 WAAWITÁ 18:17

Naagáy waawutmoó Ashuru geeraharusmoó úr oo slaqwaruuse nee geeraharusmoó úr oo askaári nee geeraharusmoó múk taa karmuumúy dinkwa nee slaqwaruusér yaariir, gari ya/aáw amór Lakishi wá ale ay amór waawutmo Hesekia baraá Yerusalemu, niri hardihiyé' baraá Yerusalemu. Inooín niwa hardihiyé' nay sihhitiyé' bihhaá maparír ma'aay tidár bihhaá loohidá' ur, ar amór didár hhuuntsitór kaw.

2 WAAWITÁ 18:5

Hesekia AAKOÓ MUNGÚ, Munguú Israeli guna ló'wa haratlintií'. Baraá yaamaá Yudawo waawutmoó adór inós i kaahh, tam dír waawitaádá' aa giirini, laqaá kudá' aa waawuti'in aluuwose.

2 WAAWITÁ 19:10

«Hesekia waawutmoó Yuda bawaak, ‹Kuúng ma ya/aamaar tuwa tawo al/agin nee Munguúwók, kwisíng ta harahhif, uwa babay Yerusalemu ka baloó hayohiiká nee waawutmoó Ashuru.

WARA'AMI 42:10

Baramaanuuser'eé' i /ooslisliín tlaatla/aangw sleémeero, adór inkaahhoó sooní wa ale, tawa kaahi, «Munguúwók i amá?»

WARA'AMI 42:3

Tlaatla/aangw nee xweeraawo an /aa/amamiím, hhirhheerieé' nay adór muruú /aymar'eé' tleehhitiyé'. Tlaatla/aangw sleémeero muu in yaahamiis tawa kaahi, «Munguúwók i amá?»

AXWEESANOÓ SAGALOOA 16:18

Heé hhitiruút in ala daaraa/uut, nee dee/aanu in giirín dír hee ira huuiiká.

YEREMIA 48:14

«Xáy, múk Moabu adór kuungá' tar oa', ‹Atén a miguuse nee pihhuusér slaqwarár baal›?

DANIELI 4:30

Waawutmo iri oó', «Ga/aawak áx adór gixsár Babuloni i diri' uraywo, tidá' aníng naa tleéhh ar aleesleemueé', as tawa gixsár ur ar waawutmo i hooti nee ar xiríf baraá waawuti'iimar'eene.»

Yuda 1:16

Mukwí a múk tawó qununuú/ nee oo naeetuús. Nee laatí inooín a múk ilatleerir'ín eeharahár. Mukwí axweesanoó daara/aangw gun ar axwees, nee bartakaaro in ilaáhhe'eemisiyá' dír múk urén as slaasláw kawa dir'ín wa slay.