ISAYA 36:14 - Biblía Axweesantá Hhohho' ar Mungú 2004

¹⁴ Waawutmo i kaahi, Hesekia mu aleeya/aa/amaara' nuwa al/agin. Asma inós kuungá' tu/uto nu aleeslayká.

ISAYA 36:14 Iomraidhean Croise

2 WAAWITÁ 19:22

kuúng heé ta niqiin nee oo ta /oosliisliin a heemá? Xáy heé ta i tseeamiin a heemá? Heé ta daara/ángwár ga/eer a heemá? A kudá' hhoohhoó' oo Israeli.

2 QOM'I 32:11

Xáy, adoorihe Hesekia kuungá' nun tsu/utár wa slaiikáhe ar qwari nee waxe, nuwa babay, AAKOÓ MUNGÚ, Munguúhúng nu ba/amis dír waawutmoó Ashuruwo?

ISAYA 36:15

Hesekia mu ale ya/a/amaará' nuwa harahhiifórí qamiín ar AAKOÓ MUNGÚ kuwa harahhifa', iwa kaahi, ‹AAKOÓ MUNGÚ atén ti ba/amis looeemaawo, gixsarí ka hayohiiká nee waawutmoó Ashuru.›

DANIELI 6:20

Iwa tseewúy bihhaá mar'i, Danieli guri ateét ar afór gurhaami, iwa kaahi, «Daniéli, sagadiyusmoó Munguú slaáf. Xáy Munguúwók kudá' ta sagadiyumaamis umuú daqto ugwa aleesláyi tu/to dír direeriwo?»

DANIELI 7:25

Kwí Munguúduú Gawa gu /ooslislín nee mukdá' hhohhó' oo Munguú Gawa guri baramaanuús. Inós ado gan leeleehh ar qooma ngir warqeesi nee dabeero, nee múk hhohhó' ku gawaá dabaawós i qaas har afiqoomár kureeri tám nee tlaqi.

2 Tesalonike 2:4

Inós a Wakaarusmo, inós tin oo úr tlehhiit dír muruudá' sleémeero muu i sluufmiisi adór munguii'ín wa ale. Slám ti ureemiis dír muruudá' sleémeero oo hhohhoe. Nee inós in baraá Doó Mungú i iwtanángw aa'áy, iwa kaahi, «Aníng a Mungú.»