ISAYA 35:8 - Biblía Axweesantá Hhohho' ar Mungú 2004

⁸ Loohír ur baraadae i deer, inós ka bay «Loohír hhoohhoo'.» Múk daba' tlákw loohidá' ga kala/iiká, ala aqo har múk Mungú kilooín. Inooín tam ki iimi bo/e ala i qwaariiaaká baraá loohidae.

ISAYA 35:8 Iomraidhean Croise

WARA'AMI 118:20

Afkú Doó Mungú kwí an kudá' múk ganaá' ir oohi.

WARA'AMI 119:130

Alki/ituú muruudá' kuúng ta sla', gwa/aateema ngin huwahuuw, múk gár xuaaká gu xu'utimis.

WARA'AMI 19:7

Dabér AAKOÓ MUNGÚ i qoón, hee gu /uurií hanís. Axweesantá AAKOÓ MUNGÚ a ló', sagalooa ga hanmís dír kudá' ngi kooma'aaká.

WARA'AMI 23:4

Aníng tam waaraahha ar baraá giwtír tsaxwaá gwa'ara, muruú tlákw u daimiitaaká, asma kuúng a dinkwa nee aníng. Qadisaywók nee hhartók in gurkwa/amisiyá'.

AXWEESANOÓ SAGALOOA 16:17

Gár slahhaa' dír heé hhooe a tlakweema gin geewakáy, nee heé hotaawós gaa harmagaahh a slafiingw gun amohhe'eemiis.

AXWEESANOÓ SAGALOOA 4:18

Ala loohír heé ganaá' a adór tsiraahhór tsee/amá, tse/amangwí in kumaamiit ay /ametleemu.

AXWEESANOÓ SAGALOOA 8:20

Aníng an hoót ar gan'amu nee tlehhma'aá ganaa'á' in eeharahár.

AXWEESANOÓ SAGALOOA 9:4

I kaahiya', «Umuúqo heé iimiboó/ i baraá dó'í dahi.» Tam heé saga/aár ku babay,

ISAYA 11:16

Didá' iri loohír ur tleehhít ar Ashurúr daahh, asma panoó mukós kudaádá' aa Ashurúr i meet, adoodá' aa tleehharut qoomaadá' múk Israeli niwa yaamaá Misrír wa ti'iít.

ISAYA 19:23

Baalaadae loohír ur ni Misrír wa tleér ay Ashuru, múk Ashuru nee múk Misri tiri haraxaxayá'. Múk Misri nee oo Ashuru Mungú nguri dinkwár sluufmiisiyá'.

ISAYA 30:21

Baraá loohiro bar papaaslá' bartá doó basáy laqaá ar doó /iyáy, afo aqo axasá' amór aluuhúng ar kah, «Loohi a tí, loohirí nar oohaak.»

ISAYA 33:8

Loohidá' ur gár ga ohiim i káhh, hhaytusmoó loohidár waraáhh i kaahh, Al'axweesanay kwa warqemamiís lamabu'uuse kaa waqaá' heé hee gu heé wá tsatsahhaám i kaahh.

ISAYA 4:3

Slám panaydá' aa Siyónírí meet nee kudá' taa geexáy baraá Yerusalemu, kin bay, «Múk hhohhó' oo Mungú.» Kuká' an kudá' taa gooín baraá kitaábuuwós tawa múk baraá Yerusalemúr wa hoót.

ISAYA 42:16

Aníng múk taampu un geerahaár ar loohír i baloó xuiaaká. Inooín in geerahaár baraá loohír ni xuiaaká, Giwtír geeraaín an warqeés tawa gwa/aateema, yaamaá wa/eeraá koomá' in tlapu tleéhh. Adoorí an adór ni tleehh. Nee án inooín i geexawaaká.

ISAYA 43:19

Ga/aawaak, aníng muruú /abén u tleéhh muruuwí hám naa qaroó ti'iít, kuungá' ugwa aandi'iikáhe? Aníng loohi a tleéhh ar baraá tla/ángw darma, nee yau ngiri baraá xaanxáy wa wa/ás.

ISAYA 51:10

Ahaá kudá' tlawi gaa kahaas a kuungekáhe? Kudá' iloodá' uren awa ma'aay gaa kahaas, kudá' loohi gaa baraá iltá ma'ár tleehh as kahhó' mukdá' taa ba/amís iwa waaraahhi.

ISAYA 52:1

Tlawáng, tlawáng, kiíng gixsár Siyoni /uuru slaweek, Kiíng Yerusalemu, gixsár hhoohhoo', tlabaawók awa hhohho' dahaaseek. Heé ta hhehhe'eesiiká laqaá oo slasla/aár amoorók ngi kayká.

ISAYA 52:11

Tlawsé', tlawsé', gixsár Babuloni geexawaak, gár slasla/aar ma kwatimitara'. Ti'iité' baraá gixsaro, ti kiloohúng hheehhe'ese' kuungaádá' xooslár AAKOÓ MUNGÚ loohisá'.

ISAYA 57:14

AAKOÓ MUNGÚ iri ooi, «Loohi tleehhaak, tleehhaak, amohhe'eesaak, dukuutse hingesaak baraá loohír muk'eene.»

ISAYA 60:21

Muu sleémeero tari múk hota ganaá'. Inooín yaamu kin aal ay alhhe'eesay wasle. Inooín an harma/itaeé' ar dabaaene naa dahaás. As kahhó' aníng ti xirfayees.

ISAYA 62:10

Kuungá' múk Yerusalemu, afér gixsaaro tsee/ay ti'iitaak, loohi amohhe'eesaak as muu. Loohír ur tleehhaak, tlaa/e hingeesaak, laya laqamaak as muu.

ISAYA 62:12

Kuungá' tunduri bay, «Múk hhohhó' oo Mungú, Múk AAKOÓ MUNGÚ aa gweér.» Kiíng Yerusalemu tiri bay, «Gixsár taa leeleéhh, Gixsár ta baloó geexayká.»

YEREMIA 31:21

Loohirók tí alhooreseek, kikiár u geerahaar slahheek, ma sagaqwaaraar loohidá' ur ooharo, tidá' taa ót qoomár tawa tlatleer. Aá Israeli, kií/, amór do' ii ki/eek baraá gixsaduuwók.

ESEKIELI 43:12

Ga/aaweek, dabér AAKOÓ MUNGÚ adór i diri' a adoorí: Yaamuudá' sleémeero Doó Mungú ngwa harweeriye' gawaá sagér tlom'i masók a yaamaá ló'wa hhoohhoo'. Adoorí an adór dabér Doó Mungú i diri'.»

ESEKIELI 44:9

«Gawaá adoorihe, anuú Aakoó MUNGÚ a kah, hee tumu wák oo ta pa/ángw dahmá i haniisi i kaahh tam oo xooro gaalá, oo taa hheehhe'eesiiká slaqwto laqaá muunahe, laqaá oo aníng i ilaiwawa/aaká, oo taa ya/aámár dahmií haniisi i kaahh ar didá' hhoohhoo', tam hoomaadá' ayaahúng hoot sleeme.»

Yoeli 3:17

«Gawaá adoorihe kuungá' múk Israeli kay tsahhá' adór aníng AAKOÓ MUNGÚ tar Munguúhúng, oo baraá Siyonír hoót, tloomar'eé' ar hhoohhoo'. Yerusalemu iri hhoohhouúr, tam dahaayér waaraahh i baloó baraawós i datká.»

TLAHHOÓ LAÁWI 26:6

«Nun waydií haniís baraá yaamuwo, tam tari guá', tundu dae tlaaqiiká. Makaá xaraaslá' in hingeés baraá yaamuwo, nee yaamuuhúng slaqwara gi baloó haradatká.

Matayo 1:23

«Ga/aaweek, /amaatliito'o i tsít, na/oó garma gu xwayluúr, umuuwós kuri bay Imanueli.» gídaabárós, «Mungú i dinkwa nee atén.»

Yohana 14:6

Yesu iri oó', «Aníng an loohi nee looeema nee slafiingw. Heé naa dir'ér oohiiká, i amór Baabá i hardihiiká.

Yohana 7:17

Hee barnaxes sla'aarír kudá' aníng iga ya/aaw gaa ya/án tleehhamooro, kángw intsaahhastadá' daqaní gu tsaahh, áx amór i dahh a amór Mungúhe, laqaá án kilooeé' an axweés.

Efeso 2:10

Asma atén a gadiyér Mungú. Inós atén tina tleéhh ar baraá Kristo Yesu, as atén tlehhma'aá hho' kiwa tleehhaan, kudá' Mungú aa qaroó amohhe'eés as atén kiwa eeharaan.

1 Tesalonike 4:7

Asma Mungú atén taa ateetiiká as slafíngw tsaatu'uuma kuwa ar hootaan, ala tina ateét as slafíngw hhohhó' kuwa ar hootaan.

2 Timoteo 1:9

Inós atén tina ba/amís, tiri ateét ar ateetamór hhohho'. Adoorí gana tleéhh, ala as tleehhemi'iireneeká, ala gana tleéhh as adoodá' inós aa slaá', nee as gurtleemuuwós. Gurtleemuuwós kwí nguna haniís ar baraá Kristo Yesu iimír qoomaadá' gár taa iimu/ún iwa kahh.

Ebrania 12:14

Wayda leeleehhaak, tawa hota' ar wayda nee muu sleémeerowo. Nee hhoohhooeema leelehhitaak, asma heé Mungú gu ár i kaahh, hhoohhooeema bir kahhiyá'.

1 Petro 1:16

Asma Gooi i kat, «Kuungá' masók a múk hhohhó', asma aníng ti hhoohhoó'.»

2 Petro 3:13

Ala Mungú al'axweesani ngina dirén i haniís, ar dooraá /aben kiwa slawaan, nee yaamaá /aben. Baraadaádae gár dáw a gan'amu. Nee atén muruuwí un haraxuaán.

1 Yohana 2:20

Ala kuungá' tunda Qeeruú hhoohhoó' i haniís nee kudá' Hhoohhoó', gawaá adoorihe kuungá' mura' sleémeero u xuá'.

1 Yohana 2:27

Kuungá' tunda Qeeruú hhoohhoó' oo Mungú i haniís. Nee Qeeruuwí hhoohhoó' tinda kuungá' i haniís, inós bir baraahúng wa hoot, daqaní hee kuungá' gár nus intsaahhatimisi i káhh. Asma Qeeruudá' tinda kuungá' i haniís, inós mura' sleémeero ngu kuungá' i intsaahhatimis. Nee gár ni kuungá' i intsaahhatimisi a looeema, a lamtooká. Tidá' kuungá' nuwa intsaahhatimisi oohaak, ta baraawós wa hotá'.

Geehhoeemaá 21:27

Ala gár slasla/aar ar baraadá' i dah i káhh. Nee slám heé muruú slasla/arén tlehhahhiít, nee heé lamusmoowo i dahiaaká baraadae. Ala múk baraadá' i dáh, a kudá' kilós umer'ín taa gooín baraá kitaábuuduú slafiingw oo Deelmoó bee/i.