ISAYA 35:5 - Biblía Axweesantá Hhohho' ar Mungú 2004

⁵ Daqaní taampu niri qaytsitiyá' nee iawasli iri axás.

ISAYA 35:5 Iomraidhean Croise

YOBU 33:16

Qoomár bir guiyá' muu gun ia' xawis, giri daandeemo feehhamiis ar naanaqaangós,

WARA'AMI 146:8

AAKOÓ MUNGÚ taampu giri ila' qaytsitis, AAKOÓ MUNGÚ kudá' ta slahh'eemisi gin alee/iis, AAKOÓ MUNGÚ múk hota ganaá' gu slaa'.

TI'INAANGW 4:11

AAKOÓ MUNGÚ iri oó', «Heé afkú hee gwaa axweesántí tleehh aa heemá? Laqaá heé afaawasli nee iawaslero, nee heé xuumiís nee oo taampaaro gaa tleehh a heemá? A anuú AAKOÓ MUNGUHEEKÁHE?

AXWEESANOÓ SAGALOOA 20:12

Iiár axamiis nee iltá xumiis, sleémeero tsaraawo a AAKOÓ MUNGÚ gina tleéhh.

ISAYA 29:18

Baalaadae múk ia' waslén axweesantá baraá kitaábu barka soomuús ga axaas, nee ilaá taampu niri qaytsitiyá'.

ISAYA 42:16

Aníng múk taampu un geerahaár ar loohír i baloó xuiaaká. Inooín in geerahaár baraá loohír ni xuiaaká, Giwtír geeraaín an warqeés tawa gwa/aateema, yaamaá wa/eeraá koomá' in tlapu tleéhh. Adoorí an adór ni tleehh. Nee án inooín i geexawaaká.

ISAYA 42:18

Kuungaá matoóya, iia qaasaak, nee kuungá' taampu qaytsité'.

ISAYA 43:8

Mukwí geerií duuxare', kudá' ilaá koóm ala tam adoorihe i xumisiaaká, mukdá' iaá koóm ala i axmisiaaká.

ISAYA 48:8

Kuungá' kaangwí ugwa axasi'iiká, sleeme ugwa xui'iiká. Iimír iimu/uungo iaahúng i xaaxay'aaká, asma aníng a xuú' adór kuungá' tara naagisé' al/aymaaro, nee iimír xwaylarhunge tunduna báy, dee/anuuse.

ISAYA 50:4

Aakoó MUNGÚ aníng iga intsaahhatís axweesantá qooma as múk a diqay tsatmiit nguwa /uurií haniís. Umuú matlaatleero in tleemiis as nguwa iiaárií qaas gawaá tidá' iwa intsaahhatimisi.

ISAYA 50:5

Aakoó MUNGÚ iaaeé' gaa xawís, nee aníng aga dee/anutiiká dirose laqaá inós ugwa si'iiká.

YEREMIA 6:10

Xáy, heé ni ádbaw a heemá oo gi gurbuú' as tawa axaasi? Ga/aaweek iaaín naa giwiyé' ya/abtor'eé' axaasaro ngi aleeslay'aaká, Axweesantá AAKOÓ MUNGÚ dir'ine a gár waaqa'atiit, ngi i qwalaala/iaaká.

Matayo 12:22

Qoomaadae heé neetlaame aa eér kunguri huúw amór Yesu. Heedaádá' a taampa, slám a heé afa wásl. Yesu guri hungu/uús, heedá' afa wásl iri axweés, nee iri xumiís.

Matayo 21:14

Qoomár Yesu iwa baraá Doó Mungú i dirii'i, taampu nee taqooraywo nguna i daqayé', inós giri hungu/uumiís.

Luka 4:18

«Aako aníng iga Qeeruuwós i haniís, asma inós aníng iga tsawaár, Ya/abtór hho' ngiwa alki/iit dír narkuute. Iga ya/aáw amór múk baraá tseegamo as kángw gweermor'ín nguwa ooár aw, nee taampu iwa malé qaytsitiya', nee kudá' ta slahh'eemisi ngiwa amohhooár i haniis,

Yohana 11:37

Bahh'alé ta kaahi, «Kwí bar taampa gana ila' qaytsitís, ala gwa'arár heewí ila/aro geera gaa aleeslaykáhe?»

Yohana 9:39

Yesu iri oó', «Aníng nina hardáh baraaká' yaamu as kwasleema, as múk xumiisaaká iwa qaytsiti, nee múk xumiís iwa taampuuti.»

Tlehhema'aá ya/Abuuse 26:18

Kuúng ilaaín in qaytsitís, nee inooín in warqés baraá giwtír wa aleeró, tari dah baraá gwa/aateema, nee in baraá /uuruú Neetlángw wa dúx, nee kiri húp amór Mungú. As kahhó' tlakweemaaín kiwa gurtlay, nee niwa aaluusér Mungú tleehhiitiya' baraá tla/ángw kudá' taa hhoohhoeés, asma aníng iwa haratlinti'iiyé'.› »

Efeso 5:14

Gaarí an gár tasa oó', «Tláw, kuúnguudá' guaiím, waasleé/ baraá múk aa qaátl wa ale, daqaní Kristo kuúng u i gwa/aat.»