ISAYA 34:6 - Biblía Axweesantá Hhohho' ar Mungú 2004

⁶ AAKOÓ MUNGÚ i paángár kón, aa da/atuúr tseerero, wayo ngaa oohiyé' tseerdu a adór kuqaá deeloó bee/aangw nee oo aara, tlawaanqa a tidár guumbayayáuú gwaandaawe. Asma AAKOÓ MUNGÚ amór Bosraro i ilahhooár muruú ta tsu/i ga hanmiis, tsu/utár yaariir baraá yaamaá Edomuwo i deer.

ISAYA 34:6 Iomraidhean Croise

2 SAMUELI 1:22

«Ga/alér Yonatan kureeriwo aa baloó alií ki/iiká, paángár Saulo aa baloó tawoó ki/iká, kár ee, miguuse gan tsu/a/iín.

1 QOM'I 1:44

Bela iwa gwaá', Yobabu garmoó Sera oo Bosra kitángw Bela guri óh.

WARA'AMI 137:7

AAKOÓ MUNGÚ, múk Edomu iinslaweek, adoodá' bál gixsár Yerusalemu kara hayóh, kudá' naa kaahiye', «Fee/aak, fee/aak, iihhafiirirós.»

ISAYA 29:2

Tam adoorihe, aníng Yerusalemu a slahh'eemiís, tari /aa/amín nee tari tsuunqumiis, gixsarí iri kitángw ilahhooa tleehhít.

ISAYA 34:5

Asma paángar'eé' aga amohhe'eés gawaá doorí wá ale. Ga/aaweek, nin awét as múk Edomu nguwa tlaq, nee múk naa istí tsaát nguwa qwaarees.

ISAYA 63:1

«Heewí a heemá oo Edomúr daáhh? Kwí Bosrár daáhh oo tlabaawós tseere aa leér. Heé tlabaá xirif ngaa dahaas a heemá? Kuqá' a heemá oo hi'iít ar /uuruwós oo yaariír?» «A anuú AAKOÓ MUNGÚ kudá' gan'amuú káh, kudá' aleesleemuú ba/ama gu koóm.»

ISAYA 63:3

«Aníng sabiíbu una kilooeé' kal/aám baraá tla/ángw muko heé aníng iga alee/iis i kaahh. Aníng xoordu ina kal/aám ar buhhtaaeé' nee ina nakaa/arúw ar xarasleemaaeé'. Tseerduuín naa tsinqamaamitiyé' baraá tlabaaeé', tlabaaeé' sleémeero naa ló'wa slasla/aruuruyé'.

ISAYA 65:12

Aníng aga qoomeés tunduwa tsu/i ar paánga sleémeeró tundun tsuú/. Asma qoomár nuwa ateetiim, aga ooindi'iiká qoomár niwa axwees a axamisa'aaká. Ala kuungá' muruú tlákw una tlehhé' dír geeraaeene, nee tidá' aníng i sla'atimisaaká kari tsawdé'.»

YEREMIA 12:12

Gawaá tlom'aá kwankwaari sleémeero awa baraá xaanxaywo, mukdá' gi hhaamiís naa hardáh, paángár AAKOÓ MUNGÚ i hardát as yaamu ngiwa hhaamis, bartaqá' wa aleeró ay tiqá' hee tumu wák oo waydúr hoót i kaahh.

YEREMIA 25:34

Tsuunqumisé', kuungaásingaá de'eemusér muk'eé', nee /aa/é'! Baraá da/arár wa gwaangwaraa'amiité', kuungaá de'eemusér bee/aangw! Deelór kuungá' tunduwa tsu/i, nee tunduwa diyaa/i naa hardát. An pahhá' adór xooslár hhohho'.

YEREMIA 46:10

Baalaarí an baalár Aako, MUNGÚ Aleesleemusmo, an baalár inós li/ay nguwa bui. An deelór wakuuserós ngiwa sakwasleemuti, mukwí paánga gun /ák ay dír i hhe'es. Tseerer'ín gan wát ay dír i ax. Asma Aako, MUNGÚ Aleesleemusmo ilahhooár muruú ta tsu/i ga hanmiis amór yaamaá /iya awa iisaapoó yaaér Eufrate.

YEREMIA 49:13

Asma aníng lo'o aga /aáy adór gixsár Bosra kar dír dae tlaaq tleehhi, nee a dír waaqaseengw, nee dír taa hhitín nee ar taa lu'ús. Gixsaduuwós awa hatlá' sleémeero ki hhitín.

YEREMIA 49:7

Axweesantí an tidá' AAKOÓ MUNGÚ Aleesleemusmo aa oó' daanduú múk Edomuwo iwa kaahi, «Xáy, sagalooa i káhha baraá Temaniro? Xáy, kudá' daharuú koomá' hara'aya aa qwádi dir'ine? Sagaloa aa qwanaay hhe'ési?

YEREMIA 50:27

Slaqwaruuseerós tidár adór awe tsu/aak, mawaak i /eetiye' dír tsu/uta. Tsaxwaaín asma deelor'ín naa hardát, qoomar'ín ar muxta naa xeér.

YEREMIA 51:40

Inooín in baráy /aytiís adór deeloó bee/ángw ta tsu/i, adór gwaandaawe nee gurtaawe.»

ESEKIELI 21:10

Kaa duúq as iwa tsu/ut, kaa /awaakeés as iwa war'eeliin adór mankari.

ESEKIELI 35:15

adoodá' kiíng tara qwalá/ as yaamaá Israeli kiwa xaanxay tleéhh. Gawaá adoorihe aníng kiíng i harasihhiít. Kiíng tloomár Seiri a xaanxay tleehhít, dinkwa nee yaamu sleémeero awa Edomu. Qoomaarihe daqaní kuungá' a tsahhá' adór aníng tar AAKOÓ MUNGÚ.› »

ESEKIELI 35:8

Tlom'iiwók i hatsiís tuaá múk taa tsu/i, nee baraá gongoamawoge nee tlapu mukdá' sleémeero taa tsuú/ wa/angwdá' guri dalaa/.

AMOS 1:11

AAKOÓ MUNGÚ i kaahi, «Aníng múk Edomu u mawaaká muxtaaro asma tlakweema tlakweema ngiwa tlehhaahhitiyé'. Asma inooín hhaeeín awa Israeli ngina slakaatiyé' ar paangadu, inooín tam gurtleemú niiná daanduú hhaeeine ngu kona'aaká. Buhhtaaín nina kumaamitiyé' umuú daqto.

SEFANIA 1:7

Xasliít dír geeraá Aakoó MUNGÚ, asma deelór AAKOÓ MUNGÚ naa naká/, AAKOÓ MUNGÚ ilahhooár mruú ta tsu/i gaa amohhe'eés as dahaayeerós ngiwa hhoohhooeesi.

DABE 32:14

Inooín di/i nee ilwa ngina dír hikwá wa slayé'. Di/tá bee/aangw nee ar gwaandaawe ngina slayé', daqoroó Bashani oo awe nee aara, dinkwa nee angaánoó ló'wa hhohhó'. Difaáír /aben ar mamaá sabiíbu ana wahaandé'.

DABE 32:41

Barnaxes paángar'eé' ar qwiirii/ aga aandé', nee dakw'eene sakwasleema aga tleéhh, aníng li/aay u buú' dír wakuuser'eé'. Mukdaádá' aníng i ahhiít u sakwasleemuút.