ISAYA 34:3 - Biblía Axweesantá Hhohho' ar Mungú 2004

³ Tu'uuín kin tsee/ií kwakwaahh, tsutsuír tu'uuín yaamu giri tsatát, Tseerduín niri gawaá tlom'i wá wa/iyá'.

ISAYA 34:3 Iomraidhean Croise

ISAYA 10:4

Gár ti meta' aqo an kulala'amitá' tla/ángw múk taa tseegi, laqaá an pahhá' baraá tla/ángw múk ta baraá slaqwarár wa tsu/i. Tam adoorihe, AAKOÓ MUNGÚ muneerós gaa gu/iiká, tam hamí dakós i loloqoosárí kaahh.

ISAYA 34:7

Sare/ kun tsuu/ dinkwa nee inooín, awér batlaay nee ar urene kiri tsuu/, yaamuuín niri naa/iyá' tseerduuwo, hhaper'ín iri wahhát as di/i.

ISAYA 66:24

Aluuwo inooín tari tláy tuaá mukdá' aníng iga aahh ngiri xuxu'úngw ayá', asma naanagadá' tu'uudá' /aay i baloó qatlká, tam asltidá' gi /aay i baloó gwa'ká, inooín tari gár ta aahhi nee muu sleémeero.»

YEREMIA 22:19

Inós kun fool ar ilaiwa/ame wasle adór daqwaay, kungun duuruux, kuri kwaahh amór saaw dír afkú gixsár Yerusalemuro.»

YEREMIA 25:33

Baalaadae awa ta tsu/i nee AAKOÓ MUNGÚ i qaatiyá' bihhaá wák awa yaamu ay bihhiiqá'. Ki sa tsuunqumisiiká, sleeme ki burumburiiká, laqaá ki foliitiiká, aqo nin meetiyá' gawaá daanduú yaamu adór tsuunkoó hikwa.

ESEKIELI 14:19

«Laqaá barnaxes pu/i ngin huwa gawaá daanduú yaamuuká', nee buhhtaaeene muu nee makaywo ngiri tsuú/,

ESEKIELI 32:4

Aníng kuúng un kwaáhh uri slaahh ar yaamu uri slaáhh ar tseetsee/amtá /awaak. Tsir/ór doori ngiri iwitiís gawaá daanduuwók. Nee makaá sla/a sleémeero ngiri aaxiís ar fu'unaywók.

ESEKIELI 35:6

Gawaá adoorihe Aakoó MUNGÚ i kaahi, ‹Adoodá' aníng nir hotaatima, aníng kiíng i amohhe'eés ar tseererók kawa ku'uusi, nee tseererí kiíng i eeharahát, asma kiíng tiwa kuunday raa/aát, gawaá adoorihe kiíng tseere i alkoón.

ESEKIELI 38:22

Aníng Gogu un slaáhh ar tiqtír pu/i nee qatlór yaariir. Aníng tluwoó yaariír ngu huúw, nee tluwoó tlaa/eewo, nee asla nee kibiriíti i gawaawós nee gawaá slaqwaruuseerós nee dír xoorduudá' sleémeero kudá' nee inós dinkwaárií diriiá'.

ESEKIELI 39:11

«Baalaadae aníng dír Gogu kway fooli an sláw baraá yaamaá Israeliwo, baraá Tlapár Aauuse, tidá' ta bay Abdarimu, bihhaá da/aáw awa Tlawtá Diwi. Gogu kun didií fool dinkwa nee slaqwaruuseerós sleémeero, nee múk aauuse kuri ilaa/ as miwa loohidár óh. Tlapár slaqwaruusér Gogu, tidá' ta bay, ‹Tlapár Hamoni-gogu.›

ESEKIELI 39:4

Kuúng a gwá' gawaá tlom'aá Israeli, kuúng dinkwa nee slaqwaruuseerók sleémeero nee xoordaá dinkwa nee kuúng. Aníng slaqooín in haniís as kiwa /ayi nee tsir/ór gawaá doori ar umuú kalaywo nee makaá xaraaslá'.

Yoeli 2:20

Slawtá ingigi tidá' /iikú daahh a saweés dirhunge, aníng ngiri guús baraá yaamaá xaanxaay nee deewa'ame. Daqtá geerií dirii' iri dát baraá tlawtá da/aáw, nee daqtá alií dirii' i dát baraá tlawtá /uwa, nee dixtir'ín nay tleér, tsutsuir'ín yaamu gay tsatát, asma muruú urén oo tlákw nguna tleehhiyé'.»

AMOS 4:10

«Aníng kuungá' nuna pú/tií tleés adór tooaáng naa tleés baraá yaamaá Misri. Aníng masoombarhúng ana tsuú/ baraá slaqwaarár wa ale, farsuuhúng oo slaqwara una ar tláw. Tu'u baraá marayhúng ngiri dalaa/iyé', tsuts'ir'ín baraá duungerhúng gay hatsís. Tam adoorihe kuungá' naa amor'eéní ki/i'iiká. Anuú AAKOÓ MUNGÚ tí ngina oó'.

NAHUMU 3:3

Slaqwaruusér faras gwa i tsa/aan nun i haraatláy, paangaduuín nee lawluuín i mitsiihhiyá', múk taa tsuú/ a tlaftá yaariir, ufér tu'u i alhhe'eesoó koondaaká, muu ya'aaín giri tuunqala/án gawaá tu'uudá'.

Geehhoeemaá 14:20

Mamaá sabiíbu kiri baraá bohongwdá' wa tsoo/iít, tsee/aá gixsa. Tseere niri baraá bohongwdá' wa wá/, iri hardát ay afi qoomár afér faras, tlenaango a adór kilomiíta tsiire tám.