ISAYA 34:16 - Biblía Axweesantá Hhohho' ar Mungú 2004

¹⁶ Kitaábuú AAKOÓ MUNGÚ soomuusaak, tam makiito'ór wák ar taa dakuús i káhh, umuúqo makiito'ooro i deer nee hho'oorós. Asma AAKOÓ MUNGÚ tí afkose gaa hara'ayín nee qeeruuwós makayká' sleémeero gina burumbuúr.

ISAYA 34:16 Iomraidhean Croise

IIMU/UUNGW 6:17

Nee ga/aaweek, aníng tluwoó ló'wa úr ngu huúw baraá yaamu, as umuúqo gár slafa ngiwa hhitiim, as miwa deerút baraá yaamuwo. Umuúqo gár baraá yaamií diriia i gwá'.

WARA'AMI 33:6

Ar axweesantá AAKOOWO doori nina tleehharuutiyé', muruú gawaá doori sleémeero ina tleehharuút ar afkós.

WARA'AMI 33:9

Asma inós ngiwa oó' iri tleehharút, inós iwa ilawaáts iri deerút.

AXWEESANOÓ SAGALOOA 23:12

Masók inslawaywók i dír intsaahhatisa, iiarók qaaseek dír axweesantá xu'uti.

ISAYA 1:20

Bar aga sié', tay dee/aanuté', tundu qwaarees ar paánga, asma AAKOÓ MUNGÚ tí gana oó'.»

ISAYA 14:31

Maraay ni tsuunqumiisiye', gixsadu ni /aa/iye', kuungaásá xoorór Filisti gur'e ma'aay ngi dalaa/iye', Asma asla ni /iikú wa hi'ít, slám heé bihhií parangaá/ i kaahh baraá slaqwaruuser'ine.»

ISAYA 21:17

Miguusér niina, tidá' maheeraá tlaquut ar múk Kedari, in mét. Anuú AAKOÓ MUNGÚ, Munguú Israeli, tí ana oó'.»

ISAYA 30:8

Mungú aníng iri báy, «Tláw /aymi'iiká' gooimeek gawaá peehhi, dír geeraaín tiwa gooiin baraá kitaábu ti dahas, as kahhó' iwa lamabu'uungw tleehhitiyá' de'emaá hi'iita'a ay alhhe'eesay wasle.

ISAYA 40:26

Axáy gawa i qaytsitaak, heé muruuwí gwa tleehh a heemá? Inoósuwí an kudá' slawowós gi geeraharahaár, inooín sleémeero gin ateetín ar umer'ín, asma inós an kudá' aleesleemuú yaariír gu koóm, nee /uuruuwós ku yaariír, gawaá adoorihe ar qwaar tam ar wák i káhh.

ISAYA 40:5

Daqaní xirfuú AAKOÓ MUNGÚ iri geehhooúy, muu sleémeero guri ar.» Asma adoorí AAKOÓ MUNGÚ gaa oó'.

ISAYA 58:14

Daqaní kuungá' qwal/amaaye a dír AAKOÓ MUNGÚ wá sleerá', aníng kuungá' nuna aleesleemií haniís oo umuú gaaro kawa arba/a' gawaakaá daanduú yaamuwo. Daqaari'iimár Yakobo baabuúhúng kari /agá'.» Adoorí afkú AAKOÓ MUNGÚ gaa oó'.

DANIELI 10:21

Ala aníng kangwdá' taa gooín baraá kitaábuuduú looeema ngu dirógí xu'utís. Heé hatlá' i kaahh oo aníng i alee/iís slaqwararo aqo har Mikaeli, malaykamooduú xuumusmoó múk Israeli.› »

AMOS 3:7

Ar tsuuwa ló', Aakoó MUNGÚ gaa ga tawo tleehhiiká, bar naaqoorós ngaa geehhooeesiiká dír sagadiyuuseerós tidár aaruuse.

SEKARIA 4:6

Aníng iri báy, «Gaarí an axweesantá AAKOÓ MUNGÚ ar aa oó' dír Serubabeli iwa kaahi, ‹Arba/ati a sleeraaká ar /uuruuwók, laqaá ar aleesleemuuwók kilós, ala an sleér ar /uuruú qeeruueé'.› Anuú AAKOÓ MUNGÚ Aleesleemusmo tí an káh.

MALAKI 3:16

Naxés kudá' AAKOÓ MUNGÚ ngu ilaiwawa/á', nina kilooín axweesiyé'. AAKOÓ MUNGÚ iia gana qaás, iri axaás, kitaábuú inslaslaangw kway gooín dír geeraawós wa alé, as daanduú kudá' AAKOÓ MUNGÚ ngu ilaiwawa/á' nee umuuwós ngu aldakuutá'.

Matayo 5:18

Án a kah, looeemaawo, ay dír doori nee yaamu i waarahhiya', ala gooír niina adór afkú laqwa laqaá tam ar ló'wa niina ta afkú laqwto ar baraá hara'ayaárií dirii' i baloó waarahhká ay dír sleémeero kay boo/eesi.

Luka 21:33

Doori nee yaamu i waarahhiyá', ala axweesante'eé' i baloó waarahhká.»

Yohana 10:35

Atén a xuaán adór Gooi ir warqeeraaká baloó alé. Gawaá adoorihe, Mungú mukdá' aa axweesantós i haniís guna báy, ‹Kuungá' a mungui.›

Yohana 5:39

Kuungá' tidá' taa gooín baraá Gooiro a mak tsee/ariindá', asma kawa xua', kuungá' slafíngw alhhe'eesay wásl u koondá' baraawose. Nee Gooisíng an tidá' aníng i lamabu'uum.

DABE 31:21

Qoomár slahh'amaaye birnga sleér, daa'angwí gi inslawtis as tawa lamabu'uungw, asma gunqarutaro daa'angwí i ya/anká dír afér na/ii'íne. Asma aníng gár inooín ta qoomeemesi a xuú' dír aníng inooín ngira huwiiká baraá yaamuudá' naa lo'ór wa /aáy ngiwa dir'íní haniis.»

YOSHUA 1:8

Kitaábuuwí oo dabe umuú qoomaaro soomuuseek. Nee intsaatsahheek tlatla/aangw nee xweeraawo, ala gár taaqo gooini baraá kitaábuuwí ale boo/eeseek. Daqaní kuúng amohhooa a sleér nee diihhooa baraá hotangoge.

2 Petro 1:19

Gawaá adoorihe atén axweesantadá' aaruuse aa alki/ít an ló'wa haratlintiaán. Kuungá' adór hho' aga tlehhé' barnaxes axweesantadá' aga alqaytsité'. Asma axweesantadá' a adór tsaa'astá baraá giwtír wa oh, ay dír iimi i /awaakuur, nee ay dír tsatsee/ír Haymú i geehhouur baraá munerhunge.