ISAYA 34:10 - Biblía Axweesantá Hhohho' ar Mungú 2004

¹⁰ Tlaatla/aangw nee xweeraawo asltí i baloó gwa'aká, quuirós in sihhmaamít ay alhhe'eesay wasle. Yaamu iri xaanxaay tleehhitiyá' qari sleémeero, heé baraá yaamuudár waaraáhh i kaahh kureerisleém.

ISAYA 34:10 Iomraidhean Croise

ISAYA 1:31

Múk /uuremaá koóm iri adór kataánír kaaharen tleehhiit, nee tlehhmi'ii'ín tari adór tsitór asla. Inooín nee tlehhmi'ii'ine asla gin dinkwaárí fák, heé gaasaro ga aleesláw i kaahh.

ISAYA 13:20

Múk baraadí hotaá áw kureeriwo i kaahh, tam baraá qari sleémeero heé baraadá' wa hoót i kaahh. Ma/arabumoó heémaarós ga baraadií siíhh i kaahh, tam de'eemuusér bee/angw'ín gu baraadií deeliis i káhh.

ISAYA 24:1

Ga/aaweek, AAKOÓ MUNGÚ yaamu gi hhitín, nee giri dewa'atis. Inós faltá yaamu gan tukuntuuk, nee yaamuloouusér baraadá' hoot gari diyaa/.

ISAYA 34:17

AAKOÓ MUNGÚ umuú makiito'ooro gaa dirósí haniís, yaamu dakose gina ka'amiís dir'íní ale ar hhutlmoó qoomeemes. As ngiwa aaliya' ay alhhe'eesay wasle, niri baraadá' wa hootiyá' qari sleémeero.

ISAYA 66:24

Aluuwo inooín tari tláy tuaá mukdá' aníng iga aahh ngiri xuxu'úngw ayá', asma naanagadá' tu'uudá' /aay i baloó qatlká, tam asltidá' gi /aay i baloó gwa'ká, inooín tari gár ta aahhi nee muu sleémeero.»

YEREMIA 49:18

Adoodá' gixsár Sodoma nee Gomora nee ayeemoodá inslaawaydá' kira hhitín, anuú AAKOÓ MUNGÚ tí ngina oó', hee tumu wák oo yaamuudá' wa hoót iri kaahh, laqaá tam oo baraadá' i deél i kaahh.

YEREMIA 7:20

Gawaá adoorihe anuú Aakoó MUNGÚ a kah, «Buhhtaawo aníng an daa/atúw dír yaamuuká' gawaá muu nee makaay, nee xaa'aá baraá qamu, nee balángw baraá yaamu. Sleémeero asltá ta baloó gaasiiká gin al'ót.»

ESEKIELI 29:11

Heé baraadár waaraáhh i kaahh, laqaá makiito'o. Heé baraadá' wa hoót i kaahh ar afiqoomár kureeri mibeeraá tsiyahhe.

NAHUMU 2:10

Ninewi ina mét ar gaa wasl nee ar deewa'ame nee hhituru'uuma, tam gur'ér muu ma'aay ngay dalaa/iyé', gurungeeri'ín tiri tuu'utiyé', afeetler'ín aa sikimít, gitsee/er'ín iri bahyuyuúr as dae.

Geehhoeemaá 18:18

Mukwí iri ló'wa /aa/amín qoomár quui kawa ár ar gixsár Babuloni asla ngiwa al ót. Tari oó', «Gixsár ur ar adór tí i deéro?»

Geehhoeemaá 19:3

Tari malé oó', «Mungú i xirfuuti! Quui i gawaawós wa sihhmaamít ay alhhe'eesay wasle.»