ISAYA 33:6 - Biblía Axweesantá Hhohho' ar Mungú 2004

⁶ Mungú tari kudá' tundus dinqisiiká baraá slafingwhunge, nuri ló'wa ba/amiimis, nuri sagalooárí hanmiis nee xu'utiro. Qaasirhúng ar ur tari AAKOÓ MUNGÚ kuwa ilaiwawa/a'.

ISAYA 33:6 Iomraidhean Croise

2 WAAWITÁ 18:7

Naagáy AAKOÓ MUNGÚ a dinkwa nee inós, guri aleesleemú i haniís baraá umuú gár aqo tleehhi. Inós kuwa sawaawuti'in nee waawutmoó Ashuru gana sií', nee nguwa sagadiyuusi.

YOBU 4:6

Ahaá, harahhifoorók a Mungú kuwa ilawawá/ke? Gan'amuuwók an gár kuúng taa haraahhífke?

WARA'AMI 140:7

AAKOÓ MUNGÚ, kuúng an Munguúeé', kuúng an ba/amusmooeé' oo úr. Sagw'eé' una báq qoomár slaqwaraaro.

WARA'AMI 28:8

AAKOÓ MUNGÚ a /uuruú mukós. Waawutmoowós kudá' aa tsawaár gun baaq guri ba/amis.

WARA'AMI 45:4

Baaliím, geera i kumiiteek ar /uuruuwók, looeema aleekalaa/eek nee tsaeema nee gan'amu, ar /uuruwoge muruú waa/oo/amo oo dae tlaáq u tléhh.

AXWEESANOÓ SAGALOOA 14:24

Slamángw heé sagaloó' a daqaari'iimarós, Ala slamángw daktani a daktu'uumarós.

AXWEESANOÓ SAGALOOA 14:26

Heé AAKOÓ MUNGÚ gu ilaiwawaá/ harahhifór /uuruú koom gaa sláy, Tam na/iiwós sleeme dír ni guwiya' ngi slayá'.

AXWEESANOÓ SAGALOOA 14:27

Heé AAKOÓ MUNGÚ gu ilaiwawaá/ a adór tsinqár slafiingw, Heé adoorí /akwseeyír gwa'ara gu otká.

AXWEESANOÓ SAGALOOA 15:16

Daqaari'iimár niina dinkwa nee AAKOÓ MUNGÚ bur ilaiwaawá/, an gár hhoo' ta daqaari'iimár yaariire dinkwa nee slahh'amu.

AXWEESANOÓ SAGALOOA 19:23

AAKOÓ MUNGÚ kuwa ilaiwawa/i an gár hee gu baraá slafíngw i huuw. Heé adoorí in hoot ar saxareema, gár tlaakw ar gu sláw i káhh.

AXWEESANOÓ SAGALOOA 2:5

daqaní adór AAKOÓ MUNGÚ kur ilaiwawa/ kari tsáhh, nee adór Mungú kur xu' aga sleér.

AXWEESANOÓ SAGALOOA 28:2

Xoorór gilaaliim waawitaawós ku yaariír. Ala as heé wák oo xu'utír koóm, nee oo muruú tsaatsahhaám, yaamu nin amohhoouyá'.

AXWEESANOÓ SAGALOOA 29:4

Waawutmo sakwasleemár ganaa' birngi tlehhiit, muu in kwaa/, ala waawutmoó slukmár /aáy muu gu hhaamiis.

DAHARUSMO 7:12

Heé sagaloó' sagalooarós gu xuún. Nee gár xu'uti kas hhoó' a tí, sagalooa slafíngw hee nguwa xuun.

DAHARUSMO 7:19

Sagalooa i /uuruú hanmís dír heé sagalooe, ta waawituú mibaangw oo gixsár sawaawuti'ii'ima.

ISAYA 11:9

Baraá tloomár AAKOÓ MUNGÚ tidá' hhoohhooe gár gi slahh'ees i káhh laqaá ar gi hhaamiis, asma yaamu nin hatsiyá' xu'utír AAKOÓ MUNGUHE, adoodár ma'aay tlawi ngira hatsisiyé'.

ISAYA 26:1

Baalaadae daa'angwí ku daa' baraá yaamaá Yudawo, atén gixsár gawit a koomaán, Mungú ba/ama ngin atén ar harwediit adór koo/i.

ISAYA 32:17

Nee as sakwasleemár ganaa'a muu iri hoot ar wayda, nee as hotaá ganaa'á', muu in hoot ar amohhooa nee saxareema ay kureeraá kureér.

ISAYA 32:18

Muk'eé' iri hoot ar wayda, nin hootiyá' ar amohhooa nee ar yaanda hhe'eesa.

ISAYA 33:20

Gixsár Siyoni i qaytaak tidá' deeloorén ar ur kawa tleehhaán gixsár Yerusalemu xuxuaak yaamaá na xasliitiye' nee heemaduwós ki gawden, Kaaka/amaawós ki baloó tu/iiká nee him'eerós ka baloó tlaaqiiká.

ISAYA 45:17

Ala AAKOÓ MUNGÚ xoorór Israeli ga ba/amis ar ba/amár alhhe'eesay wasl. Kuungá' tundu murekesiiká nee tundu amoqwaaresiiká ay kureeraá kureér.

ISAYA 51:14

Kudaádá' ta slahh'eemisi ki gaanslár tuu/, ta qatliiká, sleeme ta /eetiiká baraá bohoongw, slamí muruú /ayma ngu dakusiaaká.

ISAYA 51:6

Gawaá doori i qaytsitaak, daanduú yaamu xuxuaak, asma doori i waaraahhiyá' adór quui, yaamu i feehhamiitiyá' adór inqwaarír qaren awa baraadá' hootá' i qatliyá' adór naanaga. Ala ba/amar'eé' in kumaamít ay kureeraá kureér, nee gweeramor'eé' i alhhe'eesoó koondaaká.

YEREMIA 31:34

Hee i kaahh tumu wák oo inslaawmoowós laqaá hhiyaawós gu intsaahhatís, iwa kaahi, ‹AAKOÓ MUNGÚ xueek.› Asma inooín sleémeero aníng i xuiyá' iimír na/aá ninakw ay múk urén. Aníng dakuúsar'ín an gurtláw nee tlakweemaaín aníng i baloó inslawaaká.»

HABAKUKI 2:14

Asma xirfuú AAKOÓ MUNGÚ i xu'utiit baraá yaamu sleémeero, adoodár ma'aay tlawi ngira dalaa/iyé'.»

Matayo 6:33

Ala waawuti'iimarós na geerií leelehhaak, nee gan'amuuwose, daqaní muruusuú hatlá' kungu dook.

2 korinto 6:10

Atén ti gurhaamír i qamín, ala laatí atén a múk qwalalaá/ umuú deélooro. Atén a narkuute, ala laatí atén múk yaariír ugwa daqaari'iitisaán. Atén a múk gaa wásl, ala laatí atén mura' sleémeero u koomaán.

1 Timoteo 4:8

Asma slaqwa iwa intsahhaan neetoro as /uuru nguwa sleer, a gár qoom. Ala qeeru iwa intsahhan ilaiwa/amér Munguhe, an ak gár hhoo' kángw kilá' wa ale. Asma adoorí bara tléhh, al'axweesantá slafingwí i deer, nee ar slafingwdá' aluú wa hardáh sleeme.

1 Timoteo 6:6

Ala ar ló', ilaiwa/amér Mungú i slaasláwár yaariír huwahúp dír heewo, hee barnaxes ku yaanda hhoó' baraá tidá' i kona.