ISAYA 33:3 - Biblía Axweesantá Hhohho' ar Mungú 2004

³ Muu in ta'aaín as xuuraaír afoorók, xoordu nin diyaa/atiyá' as sihhtanoorók.

ISAYA 33:3 Iomraidhean Croise

WARA'AMI 46:6

Xoordu naa leexutiyé', waawuti'iima iri amoqwát. Mungú afoorós gay tlees, yaamu nari weeqiyá'.

WARA'AMI 59:11

Wakuuser'eé' ma tsu/aar, aluuwo muk'eé' miwa gunqaruút. Diyaa/eek ar aleesleemuuwók nee kiwa slahhe'es, aá Mungú, kuúng an baqmoórén.

WARA'AMI 68:2

Adoodár quui kar fukuku'uumisi an adoodá' inooín kir guusi, adór boohhayaangw ir weeqaweeqi dír bihhaá aslto, an adoodá' tlakuuse ir qwat geeraá Munguhe.

ISAYA 21:15

Asma inooín slaqwara ngina ilaguwiyé', paangadaá taa duúx baraá qaw'iwo ngina ilaguwiyé'. Maheeraá taa baraá tlaangasú wa duúx nee slaqwarár xaraasl ngina ilaguwiyé'.

ISAYA 33:4

Mukók kudá' taa ohín kuna burumbuúr adór naanaga, muu kun i /akumiit adór tsaxwi'i.

YEREMIA 25:30

Kuúng Yeremia, daanduú kaangwí sleémeero dir'ín i aarimeek nee tawa o', «AAKOÓ MUNGÚ in /orootl iimír gáwtá wa alé, in tsee' iimír didá' hhoohhoo' ar hotaawós, in /orootl ar afór ur gawaá mukós, in tsee' adór heé sabiíbuú tsoo/iít, daanduú múk baraakaá yaamu sleémeero.

YEREMIA 25:31

Tsimaahhirí iri hardát ay hhapeemo sleémeero. Asma AAKOÓ MUNGÚ daanduú xoorduwo i kwasleemár kón. Muu sleémeero gwaa sakwasleemuút, múk tlákw gu tsuu/ ar paánga. Anuú AAKOÓ MUNGÚ tí ngina oó'.»