ISAYA 33:23 - Biblía Axweesantá Hhohho' ar Mungú 2004

²³ Kuungaá Siyoni, him'erhúng i sololo'ót, dabér do' tseegaro ga alesleeraaká tam ngiwa bihheérí ot, an qoomár muruudá' tinda haasaáng wa hayóh kuwa qasmiisi, tam toqooráy sleeme muruuda' gun sláy.

ISAYA 33:23 Iomraidhean Croise

2 WAAWITÁ 7:16

Múk Samaria tari tláy, tari dáh baraá xafoó múk Aramu. Adoodár kilá' AAKOÓ MUNGÚ ngira oó', kílór kooán ar puurú hhohhó' oo angaáno kana weerimiís ar shekeélír wák nee kílór mibaangw ar shayiíri kana weerimiís ar shekeélír wák.

2 WAAWITÁ 7:8

Mukdá' tsiyáhh oo tiqtír tsatmit tari dáh baraá xafaydá', tari /ayín nee tari wahán, peésa nee sahaábu nee tlabaawo ngiri ar tlayé', ngiri lu/iyé'. Nari tlayé' amór xafoó hatlá', adoodá' ngiri tleehhiyé'.

2 QOM'I 20:25

Waawutmo Yehoshafati nee slaqwaruuseerós nay tlayé', haasaánguú hikwaá yaariir nee daqaari'iima, nee tlabá', nee muruú hatlá' oo tlaxo gawdén, kuri ar tláy. Muruuwí kuna loohiís ar har afiqoomár deelo tám, sleeme kwaa faakiká asma ku ló'wa yaariír.

WARA'AMI 68:12

Waawituú slaqwaruuse in gwaagoow, /ameena baraá maraywo maraando gan qasmís.

WARA'AMI 68:13

Ala tam muu bahh'alé ta áykwí meeti deeloodár slaqwaraaro, ala murslaaqatuduú hhooki oo hhampe'eeriwós taa tleéhh ar sahaábu, i gwa/aat.

ISAYA 33:1

Tsaxwaawók kuúnguusíng hhitaatiím, ala kuúng taa hhitinká. Tsaxwaawók kuúnguusíng al/agaagiím ala kuúng taa al/ayiiká, bál bar aga hhe'és hhitaaro, kuúngú kilá' turi hhitín bal bar muu al/agingo ugwa hhe'és, kuúnguú kilá' turi al/aay.

ISAYA 33:21

Ala AAKOÓ MUNGÚ ar Aleesleemuwose in baraadií dirii' as atén, yaamaá yau diren nee duxeero. Miringe nee hhansi'iwo ki baraadár uhisiiká tam meélír ur baraadá' gir otká.

ISAYA 33:4

Mukók kudá' taa ohín kuna burumbuúr adór naanaga, muu kun i /akumiit adór tsaxwi'i.

ISAYA 35:6

Taqoori iri ni/iín adór saaragmo, nee afaa wasli iri dá' ar qwala/. Ma'aay baraá xaanxaywo niri ti'iitiyá' nee duxe niri wá/ baraá xaanxáy wa alé.

ESEKIELI 38:13

Yaamulouusér Sheba nee Dedani dinkwa nee múk halaanu'uumár tlehhiít oo yaamaá Tarshishi nee oo isapaydá' bir yaahamisiyá', tawa kaahi, ‹Xáy, naa haasaángú léhhi? Xáy, slaqwaruuseerók aga buruumbúdi as tawa haratleera' nee haasaáng kuwa ar tleér nee peésa kawa taatahh nee sahaábu, nee haasaángú yaariír kuwa ar tleer?› »

Tlehhema'aá ya/Abuuse 27:19

Bál tám xooslár miringamo kari kwakwaáhh baraá tlawi ar dabaaín awa kilá'.

1 Korinto 1:27

Ala Mungú muruudá' taa dakti'iimár i harafaár nee muu, guna tsawaár, as múk sageloén nguwa mureekeesi. Nee slám muruudá' taa liitlakwér i harafaár nee muu, Mungú guna tsawaár, as kudá' /uuruú koóm nguwa mureekeesi.

1 SAMUELI 30:10

Ala Daudi nee múk tsiire tsiyáhh tana kumiít daqtidá' eeharahaduuwo, múk tsiire tsár tana didií meét, as tawa slaaqamiít, tam yaaeedá' warahhamuuwo kana harslaaqaát.