ISAYA 33:20 - Biblía Axweesantá Hhohho' ar Mungú 2004

²⁰ Gixsár Siyoni i qaytaak tidá' deeloorén ar ur kawa tleehhaán gixsár Yerusalemu xuxuaak yaamaá na xasliitiye' nee heemaduwós ki gawden, Kaaka/amaawós ki baloó tu/iiká nee him'eerós ka baloó tlaaqiiká.

ISAYA 33:20 Iomraidhean Croise

WARA'AMI 128:5

AAKOÓ MUNGÚ u tsuuqi Siyonír wa ale, as kuúng diihhooár Yerusalemu kawa aan baraá slafiingók sleémeero,

WARA'AMI 46:5

Mungú i baraawós i dirii', gár ga diinqiis i káhh. Mungú ga alee/iis matlaatlér boo/e.

WARA'AMI 46:6

Xoordu naa leexutiyé', waawuti'iima iri amoqwát. Mungú afoorós gay tlees, yaamu nari weeqiyá'.

ISAYA 32:18

Muk'eé' iri hoot ar wayda, nin hootiyá' ar amohhooa nee ar yaanda hhe'eesa.

ISAYA 33:6

Mungú tari kudá' tundus dinqisiiká baraá slafingwhunge, nuri ló'wa ba/amiimis, nuri sagalooárí hanmiis nee xu'utiro. Qaasirhúng ar ur tari AAKOÓ MUNGÚ kuwa ilaiwawa/a'.

ISAYA 37:33

«Gawaá adoorihe AAKOÓ MUNGÚ daanduú waawutmoó Ashuruwo i kaahi, ‹Waawutmoodá' i baloó baraá gixsárí dahiiká, tam mahaangw gu baraakií tsaxaariiká, sleeme ni dír gixsarí tseewuyká ar gaambu.

ISAYA 4:5

Aluuwo umuúqo diiro gawaá tloomár Siyoniro, nee wa/aamér dinku'uumár muko, qoomár tlaatla/ango AAKOÓ MUNGÚ gan huunkár tuuntuuk, nee xweeraawo gan tuuntuuk ar quui nee tsángw asla oo gwa/aát. Tam adoorihe xirfuú AAKOÓ MUNGÚ gixsa sleémeero gan tuuntuuk ar heémaarós, nee gari de'én.

ISAYA 54:2

Heémaarók intlaaxweeseek, inqwaruuwók hhafeek didá' ta hot, him'eerók tleereeseek, ma da'ayumitaar, kikiaarók gawdeeseek slahhto.

ISAYA 66:14

Kuungá' a aandá' nee munerhúng iri qwalá/, faduuhúng /uureemo ngiri slayá' adór gitsór naa harma/, nee kari tsahhá' adór dákw AAKOÓ MUNGÚ tar dinkwa nee sagadiyuuseerós, nee buhhtaawós i gawaá daanduú wakuuseerós.»

ESEKIELI 48:35

Tlenángw koo/irí sleémeero bihhe tsiyahhaawo a miíta kume gweleél. Umuú gixsa iimír hamí ku báy, ‹AAKOÓ MUNGÚ i diirí dirii'.› »

ESEKIELI 48:8

«Alaá yaamaá tlahhoó Yudawo yaamaá tlenaango kilomiíta mibaá nee tsár nee uroó bihheero kilomiíta mibaá nee tsár, ki qasisá' iimír bihhaá /iya ay basa, nee tlenaangw aqo adoodá' iimír bihhaá da/aáw wá tleemu ay bihhaá /uwa. Yaamuuká' i alqoná' nee yaamaá tlahh'i sleémeero. Dír hotaá AAKOÓ MUNGÚ ka tlehhá' tla/ángw yaamuuká'.

Matayo 16:18

Ala aníng kuúng u baw, kuúng a Petro, gidaabárós a tlaa/a. Gawaá tlaa/arihe aníng mukdá' iga haratlintii' u gawdeemiís. Tam gwa'ara sleeme muk'eé' kwí gu aleesleeraaká arba/ato.

DABE 12:5

Ala tlawé' ay didá' AAKOÓ MUNGÚ, Munguúhúng i tsawaari baraá tla/ángw tlahhi'i sleémeero, as umuuwós kuwa xirfayeesa', nee dír hotaawós kawa tlehha', amoodá' an amór kuungá' ta keera'.

DABE 16:16

«Hhawaate sleémeero awa xoororhúng ni hardihiyá' dír geeraá AAKOÓ MUNGÚ, Munguúhúng, ki/ima tám, umuú kurko didá' AAKOÓ MUNGÚ, Munguúhúng aa tsawaari as umuuwós kuwa didá' wa ateetin: Qoomár deelór ur ar Pasaáka, nee deelór ur ar bu'uungw, nee deelór ur ar Isleeri. Mindiwa dír geeraá AAKOÓ MUNGÚ i hardihiyé' ar dabaá kaaharen.

Geehhoeemaá 3:12

Heedaádá' arba/ati gaa slay, aníng inós un uhumoó Doó Munguúeé' tleéhh, nee baraadaádae iri ti'iitiiká baloó ale. Nee gawaawose aníng umuú Munguúeé' un gooiím, nee umuú gixsár Munguúeé', Yerusalemudá' /aben, tidá' awdiit gawaá dooriiwo amór Munguúeé' wa ale. Nee slám aníng umuueé' kudá' /abén u gooiím.