ISAYA 33:18 - Biblía Axweesantá Hhohho' ar Mungú 2004

¹⁸ Inslawaywók gár dae tlaaq ar aa waarahh gari insláy tari o', «Mukdá' atén ta fadiit nee ohme gaa qoomeemees ar xooslmo i amoomá? Mukdá' /aampuurén awa xuuma ga tsawtsawumamiis i amoomá?»

ISAYA 33:18 Iomraidhean Croise

IIMU/UUNGW 23:16

Abrahamu nee Efroni axweesani ngiri faakiyé', Abrahamu har afi qoomaadá' gari qoomeés dír geeraá múk Hiti wa ale, shekeélír tsiire tsiyáhh ar muqslír /awaak ar ta peésár tlehhaahhiti, ar de'eemudae ta halaanu'uumár ar tlehhahhiti.

2 WAAWITÁ 15:19

Naagáy Pulu waawutmoó Ashuru yaamaá Israeli giri i haraatláy. Nee Menahemu kilór mibeera tám nee tsiyáhh ar peésa gari haniís dír waawutmoó Ashuru nguwa alee/iisi waawuti'iimarós ngiwa gawdeesi baraá yaamaá Israeliro.

2 WAAWITÁ 18:14

Hesekia waawutmoó Yuda afo gari ya/aáw amór Senakeribu baraadaá Lakishi, guri báy, «Gám aníng aga dakuús. Na'amaamís, slaqwara sihhtisek, nee aníng umuú gár ta sla'a ngi haniís.» Waawutmoó Ashuru iri oó', «Hesekia waawutmoó Yuda kílor kume mibaangw ar peésa nee kílor kumuú wák ar sahaábu ngi haniisi.»

2 WAAWITÁ 18:31

Kuungá' Hesekia mu iiárií qamimara', asma waawutmoó Ashuru i kaahi, ‹Kuungá' wayda koomaak dir'eé' wa ale, ti hanise' gawaá dabaeé'. Daqaní dír kuungae umuú heewo mamaá sabiíbuuwós gi /aay kilós alé, nee mamaá /aantsírós gi /aay, nee ma'aá hhalaangós gi wahán,

WARA'AMI 31:22

Aníng ana gaanslár oó', «Aníng iga sí'.» Ala kuúng afór firor'eé' aga iiárií qás, qoomár uwa i /aá/ baraá firor'eene.

WARA'AMI 71:20

Kuúng iga slahh'amuú yaariír i hanís ala i malé slafís iri /uurií dók, iri afkú bohóngw wa ki/ís.

ISAYA 17:14

Muu ngun mak dae tsatiyá' qoomár tsiindoowo, ala koonkomo iwa uui inooín i qaroó kahhiyá'. Mukdá' muruurén gu hayoohiím kun adoorí laaq, nee kudá' muruurén hara/uuntsimá' tí gi sleér.

ISAYA 54:14

Hotaá ganaa'á' in ar hotaatiín, kiíng ti sawees dír baramaaniro, nee dír dae tlaquuwo, ma da'ayumitaar gár kiíng i harasaap i káhh.

1 Korinto 1:20

Gawaá adoorihe heé sagalooár koóm i diimá? Nee intsaahhatusmooduú hara'aya i diimá? Nee slám heé tlaampa'aamis gu baál i diimá de'emaakae? Ahaá, Mungú sagalooár múk baraaká' yaamu gaa laqáníke adór tar dakti'iima.

2 Timoteo 3:11

Nee slám án kuúng ina eehát baraá gusisingw'eene nee baraá slahh'amaayer'eene, adór muruudá' naa sláw baraá yaamaá Antiokiár wa ale, nee baraá Ikonio, nee baraá Listra. Gusisíngw yaariír una sláw. Ala Aako aníng ina ba/amís baraá muruuwí sleémeerowo.

1 SAMUELI 30:6

Daudi i baraá gurhaamír bo/, as na/ii'ín kiwa ar tláy. Daudi kuna dae tsaát, asma muu i inós tlaqtuú wa slaa' ar tlaa/e. Ala Daudi /uuru guna sláy as AAKOÓ MUNGÚ, Munguúwós.