ISAYA 33:16 - Biblía Axweesantá Hhohho' ar Mungú 2004

¹⁶ Heé adoorí hotaawós i gawaá gawa, dirós tidá' amohhoo' kaa harweér ar koo/ír gawit ar tla/u, muruú /aymaarós kun hanmiis umuú daqto, nee ma'aá wahaangw gi baloó dakuusiiká.

ISAYA 33:16 Iomraidhean Croise

1 WAAWITÁ 19:6

Inós iri qaytsiít, mukaatmo guri ár i gawaá gil'o, nee dahhángw ma'aay i dír sagós i dirii'. Inós ina /ayín nee ma'aay giri wáh, iri qatií kií/.

WARA'AMI 107:41

Ala narkuute gana ba/amís baraá slahh'amuuine, mar'eefooín giri doók adór daqtá bee/aangw.

WARA'AMI 111:5

Mukdá' inós gu ilaiwawaá/ gun muruú /aymár i sláy. Alqadoorós dir'ine ga baloó gunqareesiiká.

WARA'AMI 15:1

AAKOÓ MUNGÚ, heé hotángw dír do'ók gu aleesláw a heemá? Nee hotángw gawaá tloomarók tidá' hhoohhoo' heé gu aleesláw a heemá?

WARA'AMI 18:33

Ya'aaeé' gina adór kuqaá tlaaqati tleéhh, iri sihhitís ar amohhooa gawaá tloomárí ale.

WARA'AMI 33:18

Ga/aaweek, iltá AAKOÓ MUNGÚ i dír kudá' ngu ilaiwawa/á', kudá' sla'aarirós ar warqawaaká ngi harahhifá',

WARA'AMI 34:10

Tam na/aá diraangw i alná' niri qwariitiyá'. Ala kudá' AAKOÓ MUNGÚ ngu ilaiwawa/á' gár hhoo' ka dakumisiiká.

WARA'AMI 37:3

AAKOÓ MUNGÚ haratlintieek, muruú hhó' tlehhiteek, daqaní a hót ar saxareema baraá yaamuwo.

WARA'AMI 62:7

Ba/ama nee xirfueé' amór i dahhiya' a amór Munguúeé'. Mungú an adór tlaa/ár aníng i baaq, nee un ii goów.

WARA'AMI 90:1

AAKOÓ MUNGÚ, kuúng an dír hotaarén awa qari sleémeero.

WARA'AMI 91:14

Aníng inós u ba/amís asma iga ló'wa slaá', un xuúm asma umuueé' gwa xuú'.

AXWEESANOÓ SAGALOOA 1:33

Ala umuúqo heé aníng i iiárií qamiima ku diihhoó', inós iri yaandahhe'ees tam gár gu dae tsaat i káhh.»

AXWEESANOÓ SAGALOOA 10:9

Heé tsaamúr hoót ku saxamaár, ala heé tatamba tlákw ku geehhoó'.

AXWEESANOÓ SAGALOOA 18:10

Umuú AAKOÓ MUNGÚ a koo/ír gawit, Heé hota ganaá' gun i goow, kuri saxamaár,

ISAYA 25:4

Asma kuúng ana dír guwaay tleehhít dír narkutmoowo, ana koo/ír gawit tleehhít dír heé aa aleni oo baraá slahh'amu, ana dír guway tleehhít qoomár bambaaór xaraasla, nee ana mahhtí tleehhít qoomár siree/iro. Asma slahhtá múk tlákw i xarásl adór bambaaór fukukuú' gawaá koo/i.

ISAYA 30:20

Tam Aako kuungá' na slahh'eemisi nee tam naa muxi, ala tam adoorihe, intsaahhatusmoohúng aa nahhaatiiká, nee kuungá' intsaahhatusmoohúng u aandá' ilaahunge.

ISAYA 32:18

Muk'eé' iri hoot ar wayda, nin hootiyá' ar amohhooa nee ar yaanda hhe'eesa.

ISAYA 49:10

Inooín i qwariitiiaaká sleeme waxitiaaká, fur'ár age laqaá tsee/amá gi slahhaeesiiká. Anuúdá' inooín gi gurtlatláw in geerahaár. In huúw dír duxuú ma'aá koóm.

ISAYA 58:14

Daqaní kuungá' qwal/amaaye a dír AAKOÓ MUNGÚ wá sleerá', aníng kuungá' nuna aleesleemií haniís oo umuú gaaro kawa arba/a' gawaakaá daanduú yaamuwo. Daqaari'iimár Yakobo baabuúhúng kari /agá'.» Adoorí afkú AAKOÓ MUNGÚ gaa oó'.

YEREMIA 37:21

Waawutmo Sedekia hara'aya gari oó', Yeremia kuwa tseegi dír afeenidá xuumuuse i xumxaaxuun, nee kuwa mikaátér i hanimisi umuú deelooro nee mukdá' mikaátér tlehhahhiít ay dír mikaatedá' ii fak baraá gixsaadae. Naagáy Yeremia iri dír afeenidár xuumuusér wa hotaatín ay qoomár gixsár Yerusalemu kawa hayóh.

Yoeli 3:16

AAKOÓ MUNGÚ ni amór Siyonír wa /orootl, afoorós kari axaas baraá Yerusalemu wá alé, doori nee yaamu niri daaraxatiyá'. Ala AAKOÓ MUNGÚ an dír mukós i gogowi, nee koo/ír gawit ar múk Israeli gwa harwet.

HABAKUKI 3:19

AAKOÓ MUNGÚ, kuduú Aako, an /uuruueé'. Inós diqiyaá ya'aaeé' gin gawdeemiis adór kuqaá saaragi. Aníng in alee/iis tlom'i ngiwa tsa/am. Ku haniisi dír /aylusmoó daá' ar gidaandoori.

Matayo 6:11

Muruú /aymaarén oo laarí haniisang.

DABE 33:29

Kuungaá Israeli a múk amohhoó', múk adór kuungá' a gaalá? Múk taa ba/amís nee AAKOÓ MUNGÚ. Inós an gaambórhúng ar alee/isaay, nee paángarhúng ar baali. Wakuuserhúng ni dirhúng i hardát ar ilaiwa/ame, kuungá' kiri yaamuií naka/aruurá'.»