ISAYA 33:15 - Biblía Axweesantá Hhohho' ar Mungú 2004

¹⁵ An heé hota ganaá' nee oo axweesani hhó' kudá' slaasláwár /ayta ga waaqaqaá', an kudá' slukma ga baloó i qaytaaká. Kudá' kángw tseerdaá muu kiwa ku'umiisi axamisuuwo gu sla'aaká, nee kudá' ilaawós gaa gumamaa' as gár tlaakw mingiwa ár.

ISAYA 33:15 Iomraidhean Croise

YOBU 31:7

Barnaxes tlehhmi'iieé' baraá loohirós nga geexayé', nee inslaway'eé' muruú ilaaeé' ni slaiya' gwaa ya/án, barnaxes dabaaeé' iga slasla/areés ar tlakweema,

WARA'AMI 106:3

Múk amohhoó' a kudá' sakwasleemár ganaa' ngi boo/eemiisá', kudá' umuú daqto muruú qoóm gu tlehhiít.

WARA'AMI 119:37

Aníng ilaa/áng muruú dakti'iima muwa eehár. Hotaaeé' gan'aaseek ar adoodá' axweesantók i kat.

WARA'AMI 15:5

Gár aa kirkitís ga slaasláwárí iinuusiiká, tam slukuma ga ohinká as hariímár heé dakuús wásl ngiwa qwaareesi. Heé muruú adoorí gu tlehhahhiít ku hingeesiiká ay kureeraá kureér.

AXWEESANOÓ SAGALOOA 1:10

Garmaaeé', múk tlakweemaá tlehhaahhiít bur afa /aslín, kuúng ma ya/amaar.

AXWEESANOÓ SAGALOOA 1:15

Garmaaeé', baraá loohiro miti alkoomara' nee inooín, yaaeerók ilaa/eek miwa daqeér baraá lohuuín.

AXWEESANOÓ SAGALOOA 10:9

Heé tsaamúr hoót ku saxamaár, ala heé tatamba tlákw ku geehhoó'.

AXWEESANOÓ SAGALOOA 15:27

Heé slaasláwár ilatleeruús ar loohír gana'aaká, múk do'ós gu baambeeúy, Ala heé slukuma ga sla'aaká i hoot.

ISAYA 58:6

Gwaawitór aníng ni slaa' a tí: Mukdaádá' taa tawo tsegiít kuwa gweda' him'eedá' muu kura tsegiít kawa gweda'. Mukdá' ta baramaanuusi amohhooa ngiwa slay, nee umuú taaqwanto kawa giqeera'.

ISAYA 58:8

Adoorí bar aga tlehhé', kuungá' daqaní a gwa/atá' adór tsiiraahhór matlaatle. Barnaxes a tiqá' an gaanslár hungu/á', hotaahúng awa ganaa'á' nun sa giiriná'. Xirfuú AAKOÓ MUNGÚ kuungá' nun amór alúwa xún.

ESEKIELI 22:13

«Aníng kuunday'eé' ugwa amohhe'eés as iwa tuu' asma slaasláwasíng taa sleér ar loohír gana'aaká, nee asma múk yaariír oo taa ayaawók waa tsuú/.

MALAKI 2:6

Hara'ayár ló' i baraá afkós, tam al/ayma i káhh baraá afkose. Ina hi'iimiít dinkwa nee aníng ar wayda nee gan'amu, nee awa yaariir nay warqayé', tlakweema ngay mayé'.

FAARO 16:15

Mose iri ló'wa buúhh, AAKOÓ MUNGÚ guri báy, «Ilahhooár mukwí ma oohaar. Aníng daqoó hee oo naa ar tláw i kaahh, laqaá heé naa slahh'eés i kaahh.»

Matayo 26:15

Iri oó', «Án barnaxes ngu dirhúng i sakií/, gár ni hanisa' a milá?» shiliíngi mibeeri tám kay dirósí haniís.

Luka 1:6

Inooín tsaraawo a múk hota ganaá' dír geeraá Munguhe, hara'ayár Aako sleémeero kana óh, nee axweesantós adoodá' ir hariin.

Luka 19:8

Sakayo iri sihhiít guri báy, «Qaytsiít Aáko, tlaqtá daqaari'iimar'eé' a haniís dír narkuute, nee gár hee ar naa hara/uuntsiím bir deer, a ki/ís sagaáwa tsiyáhh wa ale.»

Rumi 2:7

Kudá' xirif nee ilaiwa/ame nee hhitiru'uuma wasle nga leelehhiitiye' ar qiqtliingw baraá tlehhma'aá hhoe, Mungú gi slafíngw alhhe'eesay wáslí haniis.

DABE 16:19

Gár heé wa hariim ma qwaareesara', nee muu mu barqaantusara', tam slukuma ma /ayaara', asma slukuma heé gár ganaa' ga tsatsahhaám gun iimigiwísh, nee hariimár heé ganaá' gan qwaarés.

Yakobo 5:4

Kuungá' mukdá' aa bu'un baraá qamuuhúng wa ale ugwa bui'iiká. /Aa/aá mukdá' aa bu'un naa hardihiyé' baraá iaá Aakoó Aleesleemusmo.

1 Yohana 3:7

Laqwalór ninakw, hee munduwa al/aáy. Heé gan'amuú tlehhaahhiít, an heé ganaá' adoodá' Yesu ir ganaai.

1 SAMUELI 12:3

Aníng a diirí, gimsé', lamabu'uumaré' geeraá AAKOÓ MUNGUHE, nee geeraá waawutmoowo, awuú naa hayóh i deéro? Laqaá daqoó hee oo naa hayóh i deéro? Laqaá a heemá oo naa malguús? A heemá oo naa hara/uuntsiím? Laqaá slukmár naa /aáy ar hee, sakwasleemár hee ar naa paslís i deéro? Bir deer ooare', aníng a ki/ís.»