ISAYA 32:9 - Biblía Axweesantá Hhohho' ar Mungú 2004

⁹ Kuungaásingaá /ameenár aa yaandahhe'es, tlawaaré', aníng iiárií qaasaré'. Kuungásaá dasuú a taqnaa/umiit, axweesante'eé' iiárií qaasaak.

ISAYA 32:9 Iomraidhean Croise

WARA'AMI 123:4

Atén aga ló'wa slaaqataán waaqaqauú múk daqaareero. Tina tawo tleéhh nee múk daara/aám kwaáo' atén an mukooká.

ISAYA 28:23

Iia qaasaak, afor'eé' iiárií qaasaak, iia qaasaak, axweesante'eé' iiárií qaasaak.

ISAYA 3:16

AAKOÓ MUNGÚ i kaahi, «Dasuú Siyoni iwa daara/an, bir hi'iimitiyá' sage nga gáwtí kawaawa'ané', nee ilaaín in tawo waseeliná' as ilatleeri. Hi'itanor'ín ar taqanaa/i, i hara mitingaroó tsingili'imisiyá' ar ya'aaín.

YEREMIA 9:19

Afór /aa/e ar amór Siyonír daahh aga axaasaán ar kah, Atén taa hhaamiís, atén taa ló'wa mureekeés. Asma atén yaamuurén iga geexawaán, asma inooín marayrén kaa yaamií daáhh.»

YEREMIA 9:20

Aá /ameéna, axweesantá AAKOÓ MUNGÚ iiárií qaasaak, nee iiaahúng axweesantá afkós ngi axaasiye'. Dasuuhúng tsuunqumisuwo intsaahhatisaak, nee umuú heewo inslaawmoowós ngu intsaahhatisi daa'ángw folituuwo.

WA/AA/I 4:5

Mukdá' muruú /aymár diihhooa gwaa /aay, hám daxta qwarko taa qaátl baraá lohdií alé. Kudá' taa umín kiri tsitamiís ar tlabaá sirda/aten, daxta naa baraá ufér xwaansláy watliyé'.

SEFANIA 2:15

Gaarí aqo tsuuwá gixsadáe, tidá' aa hot ar daara/aangw nee diihhooa, tidá' aa baraá muunaáwós i o', «Aníng an aníng, oo hatlá' i kaahh, aqo har aníng.» Ga/aawaak adór ira deewá', diirí tari dír makaay ni watliya'. Umuúqo heé waaraahha gan niqmis gari qoongo'oomiis.

Matayo 13:9

«Heé iaá axamis gi koóm, i axaasi.»

DABE 28:56

Tam /ameenír taa ló'wa hara'ayín baraá tla/angwhunge tidá' kooloorós yaamu gaa kwatitká, asma iwa ló'wa dutluutlu/, adór hatlá' i tlehh i káhh. Qoomár birka harweér, qwari i ló'wa deer tam

HAR'OHUUSE 9:7

Yotam kaangwí nguwa sláy, ina tláy iri sihhiít gawaá tloomár Gerisimu, iri tseé' ar afór ur, iri oó', «Aá múk Shekemu, án iiárií qaasaré' bar sla'á' Mungú kuungá' nuwa iiárií qaasi.