ISAYA 32:2 - Biblía Axweesantá Hhohho' ar Mungú 2004

² Umuúqo heewo tari adór dír tay gogoowi qoomár fur'aaro. Tari adór dír tay nahhat qoomár tluwoó dukto. Umuú heewo tari adór yaaér ma'aá koom ar baraá yaamaá kaahaar, tari adór mahhatír tlaa/ár yaangariir ar baraá xaanxaay.

ISAYA 32:2 Iomraidhean Croise

WARA'AMI 143:9

AAKOÓ MUNGÚ, án alee/iisáng dabaá wakuuseero! Án naa goów amoorók asma kuúng an dír guway'eé' as iwa baq.

WARA'AMI 32:7

Kuúng an dír ni nahhaat, án kuúng in amohhe'eemís qoomár slahh'amuuwo, Án ba/amarók ngiri daá' ar qwala/, asma kuúng an baqmor'eé'.

WARA'AMI 63:1

AAKOÓ MUNGÚ, kuúng an Munguúeé', án kuúng u leelehhiít, án kuúng ugwa wa slahhaá' adór heé aa waxiit. Aníng kuúng ugwa wa slahhaá', adór yaamaá xaanxaay awa naa hhaahheeruutiyé'.

WARA'AMI 91:1

Kudá' taa baáq nee Munguúdá' gáwtí dirií', kudá' aa iwiit baraá mahhtuú Munguú Aleesleemusmo,

ISAYA 12:2

Ga/aawaak, Mungú an ba/amar'eé', inós un harahhiíf, sleeme a da'ayumitaaká. Asma AAKOÓ MUNGÚ an /uuruueé' nee daa'angw'eé', inós an ba/amusmooeé'.»

ISAYA 16:3

Múk Moabu i múk Yuda babay, «Atén ti gurbue', kangwrén tlaaqare', xuumarhúng daandemorene doogare' adór giwtír naa tlatla/ángw iimu/uun. Mukrén oo tinda guús lu/aak, nee kudá' naa ayahúngí /akumiit mu geewaqaatara'.

ISAYA 25:4

Asma kuúng ana dír guwaay tleehhít dír narkutmoowo, ana koo/ír gawit tleehhít dír heé aa aleni oo baraá slahh'amu, ana dír guway tleehhít qoomár bambaaór xaraasla, nee ana mahhtí tleehhít qoomár siree/iro. Asma slahhtá múk tlákw i xarásl adór bambaaór fukukuú' gawaá koo/i.

ISAYA 28:17

Aníng sakwasleemár ganaa' anar gadiyuús tawa xooslmooeé' oo qoomeemes, nee hotaá ganaa'á' tawa hhutlmoó qoomeemes, lamemoohúng kudá' ta i gogoba' kin xoontsoroo' nee tluwoó tlaa/e, nee al/aymarhúng tidá' tay nahhmita' kan ar tlay nee alwuór ma'aay.

ISAYA 41:18

Aníng gawaá tlom'aá kaaharene yau ngi duúx, nee kutlaay baraá tla/ángw xatsoowo. Aníng xaanxaay u tlahhsár ma'aay tleéhh, nee yaamaá kaahaar nin kutloó ma'aay tleehhitiyá'.

ISAYA 43:19

Ga/aawaak, aníng muruú /abén u tleéhh muruuwí hám naa qaroó ti'iít, kuungá' ugwa aandi'iikáhe? Aníng loohi a tleéhh ar baraá tla/ángw darma, nee yau ngiri baraá xaanxáy wa wa/ás.

ISAYA 43:20

Makaá sla/a aníng iri ilaiwawa/iyá' intsaawe nee sakweluuwo, asma aníng ma'aay ngin baraá darmuú wa duúx, yau ngin baraá xaanxáy wa wa/ás. As muk'eé' kudá' naa tsawaár ma'aá wahaangw ngiwa slay.

ISAYA 44:3

Aníng ma'aay i ku'uús baraá yaamaá naa waxitiye', nee duxe an wa/ás gawaá yaamaá kaahaar aníng qeeruueé' un haniís dír xwaylarhúng nee xwaylarhúng ngari tsuúq.

ISAYA 7:14

Gawaá adoorihe, Aako laya ngi kuungá' i haniis, /amaatliito'o i tsít, na/oó garma gu xwayluúr, nee gu umií tsát gu beer Imanueli.

ISAYA 9:6

Asma na/aay kwaa xwaylúy as atén, na/oó garma kunguna haniís. Inós aleesleemuú waawuti'iima gu kón. Umuuwós kuri bay, Hara'ayusmoó waa/oo/amo, Munguú /uuruú koóm, Baabuú alhhe'eesay wásl, Waawutmoó Wayda.

YEREMIA 33:14

AAKOÓ MUNGÚ i kaahi, «Baala i hardát ar aníng al'axweesante'eé' tidá' naa oó' dír múk Israeliwo nee múk Yuda ngiwa boo/ees.

WA/AA/I 4:20

Kuduú iimu/úngw slafingwrén, kudá' taa iimbalaáx ar di/i nee AAKOÓ MUNGÚ, nguna baa'ar'ín ar oohiyé', kudá' tawa kaahaan, «Baraá xuumarose atén a tla/ángw xoordu un wa hootaán.»

SEKARIA 13:7

AAKOÓ MUNGÚ Aleesleemusmo i kaahi, «Tláw kiíng paánga, gawaá daanduú de'eemusmooeé', kudá' aluueé' nga haar, de'eemusmo slahheek as kahhó' bee/aangw iwa diyaa/ati, aníng niri warqáw amór mukdá' liitlakwén.

Yohana 7:37

Baalaadár alhhe'eesaay an deeloodá' ak ur. Baalaadae Yesu ina sihhiít iri tseé' ar afór ur iri oó', «Hee bira waxiít, ni amor'eé' hardihi, as iwa wahi.

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

Geehhoeemaá 22:1

Aluuwo malaykamoodá' yaaér ma'aá slafíngw koom ngiri laqán. Yaaeedá' ma'aywós i gwa/aatiyá' adór looa. Yaaeerí dír niwa wa/amiin a baraá kitangwduú aleesleemu oo Mungú nee oo Deelmoó bee/i,