ISAYA 32:17 - Biblía Axweesantá Hhohho' ar Mungú 2004

¹⁷ Nee as sakwasleemár ganaa'a muu iri hoot ar wayda, nee as hotaá ganaa'á', muu in hoot ar amohhooa nee saxareema ay kureeraá kureér.

ISAYA 32:17 Iomraidhean Croise

ESTA 9:30

Barwadu kina ya/aáw amór múk Yahudi sleémeero kuduú baraá ayeemo sleémeero awa tsiiru nee mibeeri tsár nee faanqw awa waawuti'iimár Ahasuero. Baraá barwadukae múk Yahudi kuna amohhooár i slaá' nee looeema,

WARA'AMI 119:165

Múk dabeerók slaá' wayduú úr ngu koná', tam gár gi gee/aasl i káhh.

WARA'AMI 85:10

Sla'aarír warqawaaká nee inkihhimu ti doogiyá'. Gan'amu nee wayda ti ma'amisiyá'.

WARA'AMI 85:8

Aníng masók a axaás adór AAKOÓ MUNGÚ i ooi. Asma wayda gu oo' dír mukós i ale, dír mukós kudá' hhohhó', kudá' naa warqaye' amoorós.

AXWEESANOÓ SAGALOOA 1:33

Ala umuúqo heé aníng i iiárií qamiima ku diihhoó', inós iri yaandahhe'ees tam gár gu dae tsaat i káhh.»

AXWEESANOÓ SAGALOOA 14:26

Heé AAKOÓ MUNGÚ gu ilaiwawaá/ harahhifór /uuruú koom gaa sláy, Tam na/iiwós sleeme dír ni guwiya' ngi slayá'.

ISAYA 11:10

Baalaadae yaeemír doó Yese in adór laya tleehhít dír muko, inós xoordu ngun leeleehhiyá', didár hotaawós iri xirfút.

ISAYA 11:13

Da/itá Efraimu i fák, nee kudá' Yuda ngu dae tlaaqá' ki amór saáwí hingees, múk Efraimu i tloomaatlonká as múk Yuda, múk Yuda oo Efraimu gu daetlaaqiiká.

ISAYA 26:3

Mukdá' sleémeero inslaway'ín aa dirógí xasliit, nee kudá' kuúng ugwa harahhiif, kuúng in amohhe'és baraá wayduú ló'.

ISAYA 28:12

Tam adoorihe inós aáng gina báy, «Dír hungu/usarhúng arengaay, heedaádá' aa slaaqaat i hungu/uusi, diirí an dír tay hungu/usa'.» Ala inooín iaaín ngina alií naatsiyé'.

ISAYA 30:15

Asma Aakoó MUNGÚ, Kudá' Hhoohhoó' oo Israeli i kaahi, «Kuungá' an ba/aandá' ar loohír niwa amor'eéní ki/a' nee tawa dir'eéní xaslita'. Kuungá' bara xaslité' nee aníng bira harahhifé', daqaní /uuru u sleerá'.» Ala kuungá' adoorí aga slai'iiká.

ISAYA 33:6

Mungú tari kudá' tundus dinqisiiká baraá slafingwhunge, nuri ló'wa ba/amiimis, nuri sagalooárí hanmiis nee xu'utiro. Qaasirhúng ar ur tari AAKOÓ MUNGÚ kuwa ilaiwawa/a'.

ISAYA 48:18

Hám geera a tsiní bar hara'ayar'eé' aga iiárií qasé'. Daqaní wayduú yaariír u sleerá' adór ma'aá yaae, geera hotaá ganaa'á' dirhunge tay adór gwaanduú ma'aá tlawi.

ISAYA 55:12

Asma kuungá' tari ti'itá' ar qwala/, tari tleerá' ar wayda. Tlom'i geerahunge niri daaiyá', xaai sleémeero awa baraá sla/a tsa/ii'ín ngiri slahhiyá'.

ISAYA 57:19

AAKOÓ MUNGÚ i kaahi, «Wayda, wayda dír kudá' sawen nee awa tsewene. Aníng inooín i hungu/uús.

ISAYA 66:12

Asma AAKOÓ MUNGÚ i kaahi, «Ga/aawaak, gixsár Siyoni a diihhooárí huúw adór yaaér ma'aay, nee daqaari'iimár xoordu adór duxuú ma'aay oo wa/amiím. Kuungá' tari du'uundá' tunduri bihhér ar loohiis, nee tunduri gawaá geeraawós wá uluu'ulín.

ISAYA 9:7

Axweesanoó aleesleemuú koóm nee wayduuwós i alhhe'eesoó kon'aaká, baraá kitángw Daudi oo Aleesleemu nee waawuti'iimarós, Gin gawdees nee gin kumitiis ar sakwasleemár ganaa' nee hotaá ganaa'á', iimír hamí ay alhhe'eesay wasle. AAKOÓ MUNGÚ Aleesleemusmo adoorí gan tleehh.

ESEKIELI 37:25

Inooín tari hoot baraá yaamaá baabi'ii'ín kudá' naa haniís dír Yakobo. Inooín nee na/ii'ine nee na/aá nangw'ine, tari baraaká' wa hoot ay alhhe'eesay wasle, Daudi sagadiyusmooeé' giri sawaawuti'ín daqisleeme.

ESEKIELI 39:29

Aníng qoomár qeeruueé' bura ku'uús gawaá múk Israeli, gitsee/aeé' i malé lu/aaká dír múk Israeliwo. Anuú Aakoó MUNGÚ tí aga oó'.»

Rumi 14:17

Asma waawuti'iimár Mungú a /ayma nee wahaangooká, ala a gan'amu nee wayda nee qwala/, kudá' Qeeruú hhoohhoó' oo Mungú ni huwi.

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

Ebrania 12:11

Qoomár hee burku muux, muxta dirose a gár qwal/uú koomaaká, ala a gár gurhaamír koom. Ala aluuwo muxtaadá' gár ni hup a hotaá ganaa'á' awa wayduú koomá' dír heedaádá' muxtaadá' gaa slayi.

Ebrania 6:11

Gár atén ta ló'wa sla'aan masók umuúqo heewo dirhunge ilakaaharuudá' gun ar kumiit ar inkihhimu ay alhhe'eesaay, as muruudá' ta harahhifa' kuwa sleera'.

1 Yohana 4:17

Adoorihe sla'aari kana gan'aás baraarene, as kahhó' bál deelór sakwasleemaaro a da'ayumitanaaká. Asma adoodá' inós i dirii'i, an adór atén ti diriiaan baraá yaamuukae.