ISAYA 32:13 - Biblía Axweesantá Hhohho' ar Mungú 2004

¹³ nee as yaamaá muk'eé' kudá' tinda alti'iít nee fuquráy nee laqaya', maraay kudá' naa hatsiye' múk qwalaala/a, nee as gixsaduudá' qwalaala/á'.

ISAYA 32:13 Iomraidhean Croise

WARA'AMI 107:34

yaamaá xawuú koomá' giri warqeés tari hhapér diwi, asma múk tlákw oo baraadá' hoót.

ISAYA 22:2

Ahaá asma milá tseeoro yaamu misa gaamisé'? Gixsa aa leexút, ta qwalalaa/, mukhúng kudá' taa tsuú/, kwaa tsu/iiká baraá slaqwarár wa alé, laqaá kwaa tsu/iiká ar paánga.

ISAYA 23:7

Gixsarí an gixsár qwal/úwo dír Tiroro, gixsadá' taa tleéhh iimír aáng wa alé, tidá' yaamuloouuseerós ayeemaá sawen gaa aalír eer.

ISAYA 23:9

AAKOÓ MUNGÚ Aleesleemusmo kaangwí guna qoomeés, as daara/angw'ín kudá' aa xirfuut nguwa slasla/areesi, nee mukdá' sleémeero ta ilaiwawa/i nguwa mureekeesi baraá yaamuwo.

ISAYA 24:11

Baraá lohduuwo muu /aa/eewo tsee/a gaa faák, as difaái kawa dakuús, qwala/ sleémeero aa faák, qaseengw baraá yaamuwo aa suquút.

ISAYA 27:10

Asma gixsadá' koo/i gawit kaa kilós geexáy, kana geexáy kari máy adór xaanxaay, makaay kin baraadá' wa de'én niri tlahhminá'. Nee haleemiiwós ngiri /ayiyá'.

ISAYA 34:13

Slaamboqáy niri ti'iit gawaá koo/ir'ín tidá' gawdén wa alé, te'eesmó nee laqayawo niri ti'iitiyá' baraá koo/ir'ín wa alé, tari dír tawer iwa hooti, sakwel iri baraadií waatl.

ISAYA 5:10

Qaymór eéka mibaangw ar sabiíbu gár i dux a liíta dakaát kilós ar difaái. Heé kílór tsiiru ar balaangw gaa dahaas, gár i bui a kílo mibaangw ar balaangw.»

ISAYA 5:6

Aníng inós an xaanxaay tleéhh, sabiíbuuwós ku alkwasliiká, laqaá ku kakanusiiká. Fuquráy nee laqayaawo ngun alti'iitiyá'. Huunkáy u ádbáw, miwa gawaawósí tluúw.»

ISAYA 55:13

Kitángw xaa'aá laqya' niwa ti'iitiya' awa laqeelaá kooma'aaká nin ti'iitiya', kitángw fuqrayhe gár ti'iit a xa'anoó ta babay hadaási. Gaarí an gár kuungá' nu islawtis daanduú muruudá' anuú AAKOÓ MUNGÚ naa tlehhiiti, slaqsoó daqisleém oo baloó fiitsitaaká.»

ISAYA 6:11

Aluuwo niri yaahaás, «Xáy Aako, tay xaylá?» Inós iri mu/aywaáts, iri báy, «Ay dír gixsadu i deewaiya', niri muu wasleesiyá', nee maraay iwa tawo iwiitiya', nee yaamu kiwa ak ló'wa hhitin.

ISAYA 7:23

Slám baalaadae qamaá sabiíbu awa kume kudá' tlaxor'ín kumuú wák oo shekeéli, nin deeli tleehhitiyá', fuquráy nee laqayaawo ngiri altlayá'.

YEREMIA 33:4

Asma anuú AAKOÓ MUNGÚ, Munguú Israeli, a kah daanduú maraá gixsár Yerusalemuro nee maraá waawituú Yudawo, marayká' kina feé/ as kahhó' kiwa ufér hhapérár tlehha', as tiwa xuunda' nee mukdá' slaáqw oo gixsa ngaa harweer.

YEREMIA 39:8

Múk Kaldayo doó waawutmo nguri da/iyé' nee maraá muko, koo/ír Yerusalemu ngiri fee/iyé'.

YEREMIA 52:27

Waawutmo Nebukadnesa oo Babuloni mukwí guna muúx, guri tsuú/ baraá Ribla tidár baraá yaamaá Hamati. Gawaá adoorihe múk Yuda kuri loohatís baraá yaamuuine.

HOSEA 10:8

Wa/aamér munguúaá hatlá' kiwa sluufmiisi ar gawaá gongooamoó Afeni, tidár tlakweemaá Israeli, ka hhitín, fuquráy nee sla/a nin ti'iitiyá' gawaá kitángw sluufáy wa ale. Inooín tlom'i kiri bay, ‹Atén ti tuuntuke,› nee gongo'oma' kiri bay, ‹Atén ti harahue'.›

HOSEA 2:3

Bir axamiská aníng a tlaba' hingeés, gwe'eedo gay tsee/áy tsát, ngiri ki/ís adoodár bál kingiwa laqwaál, inós ngiri adór xaanxaay tleéhh iri mét ar pakáy, ngiri gaás ar waxe.

HOSEA 9:6

Asma ga/aawaak, qwanayhúng un ilagobá' tunduri ilaoh nee múk Misri, ala /antaá Memfisi nu daamaraná'. Daqaari'iimarhúng ar peésa sla/a ngi alti'ít, nee marayhúng laqaya' ngi alti'iitiyá'.