ISAYA 31:8 - Biblía Axweesantá Hhohho' ar Mungú 2004

⁸ Múk Ashuru ku tsuu/ ar paánga ala ar dákw heewooká. Inooín kin /aay nee paánga ala ar dákw hee ba/a, múk Ashuru tari /akumiit, nee masoombar'ín gadiyér tawa bihhií noongo'otiiká gari tléhh.

ISAYA 31:8 Iomraidhean Croise

IIMU/UUNGW 49:15

Birnga ár adór didár hungu/uusa kar hhoohhoó', nee adór yaamu ir ganaaiyá', in ya/án huwa kawa sum'ií qaasi, nee inós gadiyér lawaali'iima gari tleehh.»

2 QOM'I 32:21

AAKOÓ MUNGÚ malaykamoowós guri ya/aáw, slaqwaruuseedár miguuse ar waawutmo Senakeribu, nee geeraharuuseero giri tsuú/, kudá' baraá xafáy diriiá'. Waawutmo iri waátl ayaawós i alé ar mure. Qoomár iwa dáh baraá doó munguúwós, kuri gaás nee daaqaywós oo kilá' ar paánga.

ISAYA 10:12

Qoomár Aako bar gadiyeérós sleémeero ngaa boo/eés gawaá daanduú tloomár Siyoniro nee Yerusalemuro, inós saga gawduú waawutmoó Ashuru nee daara/aangose gi sakwasleemuut, nee adoodá' tiwa kilós xirfayeemisi.

ISAYA 10:25

Asma alaá deelór niinawe buhhta i faakiyá', nee buhhtaaeé' i warqayá' amór múk Ashuru ngiri qwaareés.

ISAYA 14:2

Múk xoordaá hatlá' múk Israeli kunar tláy, kway ki/is baraá yaamuuín kudá' AAKOÓ MUNGÚ aa haniís, baraá yaamuudaá AAKOÓ MUNGUHE. Múk Israeli mukduú xoordaá hatlá' kuri aal, tawa adór lawaalér hhawaate nee ar /ameena. Mukdá' inooín gaa loohatis ngun loohatisiyá', nee kudá' inooín gaa baraamaanuus nguri sawaawuti'iná'.

ISAYA 14:25

As adoorí aníng xoorór Ashuru a hhitiím baraá yaamueene, in yaamaá hara'adáh gawaá tloomar'eé' wa ale. Taaqwanay'ín gawaá isaá muk'eene un kwaáhh, tam huwar'ín an hiingeés gawaá sum'aá muk'eene.»

ISAYA 17:13

Xoordu i kwaaraa/iyá' adór hhaahhoó ma'aá yaariir, ala Mungú gin iigahhaat niri tlatlaahhiyá' amór saaw. Kin tlatlahhaas adór fur'a xwaansloó gawaá tlom'i ngu /imaamis, adór bambaao teeri ngi /imaamis.

ISAYA 21:15

Asma inooín slaqwara ngina ilaguwiyé', paangadaá taa duúx baraá qaw'iwo ngina ilaguwiyé'. Maheeraá taa baraá tlaangasú wa duúx nee slaqwarár xaraasl ngina ilaguwiyé'.

ISAYA 27:7

Mungú inooín gaa qo sláhhi ar adoodá' mukdá' inooín gaa slaahh ngura slaáhh? Laqaá inooín ka qo tsú/i ar adoodá' mukdá' inooín gaa tsuu/ ngura tsuú/?

ISAYA 29:5

Wakuuseerók tidá' yaariir i adór teeri tleehhít, nee mukdá' kiíng iga baramaanumaamiis ku adór tsinór balaangw tleehh, kaangwí in gaanslár tleehharuut.

ISAYA 33:1

Tsaxwaawók kuúnguusíng hhitaatiím, ala kuúng taa hhitinká. Tsaxwaawók kuúnguusíng al/agaagiím ala kuúng taa al/ayiiká, bál bar aga hhe'és hhitaaro, kuúngú kilá' turi hhitín bal bar muu al/agingo ugwa hhe'és, kuúnguú kilá' turi al/aay.

ISAYA 37:7

Ga/aaweek, aníng u qeeruukówí haniís, inós xuuraai gari axaas, iri baraá yaamuuwósí kii/. Inós bira hardáh ayaawós kun gaas ar paánga baraá ayaawósú kilá'.› »

ISAYA 66:16

Asma AAKOÓ MUNGÚ sakwasleema ga tleehh ar asla, muu sleémeero gwaa muúx ar paánga. Múk AAKOÓ MUNGÚ i daasli ku ló'wa yaariír.

YEREMIA 46:10

Baalaarí an baalár Aako, MUNGÚ Aleesleemusmo, an baalár inós li/ay nguwa bui. An deelór wakuuserós ngiwa sakwasleemuti, mukwí paánga gun /ák ay dír i hhe'es. Tseerer'ín gan wát ay dír i ax. Asma Aako, MUNGÚ Aleesleemusmo ilahhooár muruú ta tsu/i ga hanmiis amór yaamaá /iya awa iisaapoó yaaér Eufrate.

ESEKIELI 21:28

«Heewí, aariím daanduú múk Amoniwo, nee daanduú axweesantaín tidár waaniqaay dír múk Israeliwo. Inooín ki beer, ‹Paánga! Paánga kaa amohhe'eés muu tsu/taaro, kaa duúq as ngiwa hhaamis, kaa qwiiri/iís i war'eeliín adór mankari.

HOSEA 1:7

Ala múk Yuda u gurtláw. Aníng AAKOÓ MUNGÚ, Munguúín, in ba/amís. Slám i ba/amisaaká ar ga/ale, laqaá ar paánga, laqaá ar slaqwara, laqaá ar faras, laqaá ar múk faras ngwa i tsa/an.»