ISAYA 31:1 - Biblía Axweesantá Hhohho' ar Mungú 2004

¹ Tsaxwaaín mukdá' Misrirí alee/isoó firór aa'áw nee kudá' farasuú harahhifafiít. Mukdá' gaardaá slaqwara ngi harahhifá' as kiwa yaariír, kudá' múk farsuú i tsa/a/ám gu harahhiíf as tawa múk /uureemaá koóm. Ala Kudá' Hhoohhoó' oo Israeli ngu i qaytsimiitiaaká, tam sleeme AAKOÓ MUNGÚ ngu yaahamiisiaaká.

ISAYA 31:1 Iomraidhean Croise

IIMU/UUNGW 47:17

Hikwaaín kiri huúw amór Yosefu, adór: Faras nee hikwa, nee bee/aangw, nee aara nee daqwaaye, inós giri balaángwí haniís. Kurkudae Yosefu gina balaángwí hanmiís ar kuwa waa'alhan ar hikwaaín sleémeero.

2 QOM'I 16:7

Qoomaarihe iigu'utusmo Hanani iri tláy ay dír waawutmo Asa oo Yuda, gway báy, «Kuúng slaqwaruusér waawutmoó Aramu ana haraahhíf ta AAKOÓ MUNGÚ, Munguúwoge, gimáy slaqwaruusér waawutmoó múk Aramu aa gawaá dabaawók wa kotsqót.

2 QOM'I 16:9

Asma AAKOÓ MUNGÚ daanduú yaamu sleémeero gu tsee/aarín as kudá' inkihhimuú koomá' dirose ngiwa /uurií doogi. Ala kuúng daktu'uma aga tléhh, gawaá adoorihe slaqwara i lakitká baraá ayaawoge.»

YOBU 39:11

/Uuruuwós kudá' yaariír u haraaeéra baraá gadiyeéroge? Laqaá gadiyér gawit ar uwa tu/ i deéro?

WARA'AMI 20:7

Kookaari gaardaá slaqwara ngin harahhifiyá', nee kookaari farsuú slaqwara. Ala atén AAKOÓ MUNGÚ, Munguúrén, un harahhifaán.

ISAYA 10:17

gwa/aateemaá Israeli nin asla tleehhitiyá', nee Kudá' Hhoohhoó' oo Israeli a tsángw asla. Tsángw asla fuquráy nee laqayaawose gin da/aa/án giri qororo'oos, baraá deelór wák i ale.

ISAYA 2:7

Slám yaamuuín peésa nee sahaábuwo naa hatsiyé', nee alhhe'eesoó slasláwar'ín i kaahh. Yaamuuín naa hatsiyé' farsuuwo, nee gaardaá farsuuín i alhhe'eesoó kon'aaká.

ISAYA 20:5

Daqaní mukdá' sleémeero oo múk Kushi gwaa harahhiif, nee kudá' Misri gara daara/uut, tan daandeemo feehhamiit, tari amoqwaar.

ISAYA 22:11

Baraá tla/eeraá ko/aá tsare hhalángw ma'aay kuri folé' as kahhó' ma'aá hhalangwduú aáng kiwa baraadií ota'. Ala kuungá' Munguúdá' muruuwí sleémeero gwa tleehh ugwa leelehhi'iiká, laqaá adoodá' aa qoomeés iimír aange aga ya/andi'iiká.

ISAYA 30:16

Kitangose kuungá' tari oé', «Aasla'áy! Atén an /akumitaán ar farasuú ti'ii'íngw baál.» Kuungá' aqo ta'aaiindá', tari malé oé', «Atén makaá ti'íingw baalá' tinar tiaainá'.» Gawaá adoorihe mukdá' kuungá' nu gusisiím, ti'iingo kuungá' nu baa/.

ISAYA 36:6

Ga/aaweek, kuúng múk Misri una harahhíf, inooín a adór daaír aa qet, hee birnga i tliintií' gun dawa /ák, an adór Farao i dirii'i dír mukdá' gwa harahhifi.›

ISAYA 36:9

Kuungá' sagadiyusmoó niiná baraá sagadiyuusér aakooeene adór ngura ki/isé' bar kuungá' aqo alee/isoó Misri un daamarandá' nee mukdá' faras ngwa i tsa/ani?

ISAYA 43:15

Aníng a AAKOÓ MUNGÚ, koohúng kudá' hhoohhoó' kuduú Tleehharusmoó Israeli, Waawutmoohúng.»

ISAYA 5:12

Baraá deelor'ín ar urene gidaandori iqo kahhká, nee seesero, nee mitingarto nee filiímbiro nee difaái. Ala tlehhma'aá AAKOÓ MUNGÚ ngi ya/aa/ana'aaká, tam gadiyér dabaawós ngi gaárí xuiaaká.

ISAYA 57:9

Kuungá' mooyángw tsuú' oo yaariír una sleeré', di/aay una hubé' dír munguúdá' ta bay Moloki. Kuungá' ya/abuuserhúng ana ya/abité' amór saaw, sleeme ana ya/abité' ay baraá gi'i.

ISAYA 64:7

Heé kuúng u fiririím i kaahh tumu wák, nee heé naagamiís kuúng leelehhtuuwo i kaahh, asma kuúng aga atén wa nahhát hám daxta taa baraá tlakweemaarén i meér.

ISAYA 9:12

Bihhaá da/aawe a múk Aramu, bihhaá /uwaawo a múk Filisti, afer'ín sleémeero ngaa awaatliyé' as Israeli ngiwa gu/iya'. Tam adoorihe muneerós aa baráy ki/ká, tam hamí dakós i loloqoosárí kaahh.

ISAYA 9:13

Tam muu gwaa muxi, ala taa amoorós i ki/iiká, AAKOÓ MUNGÚ Aleesleemusmo sleeme ngwa leelehhi'iiká.

YEREMIA 17:5

AAKOÓ MUNGÚ i kaahi, «Heé hee gu harahhiíf i tsarere'eeti, kudá' handá' /uuruú hee gwaa harahhiif, kudá' baraá muunaáwose AAKOÓ MUNGÚ gwaa sii'.

YEREMIA 2:13

Muk'eé' tlakweemaá tsár gaa tleéhh. Aníduú kutltá ma'aá slafiingw iga geexayé', hhaleeri'ín ngiri kilooín fooliyé', kudá' ma'aay iwa /oomaa/ona'.

YEREMIA 37:7

«Anuú AAKOÓ MUNGÚ, Munguú Israeli a kah, waawutmoó Yuda kudá' kuúng ugwa ya/aw as aníng iwa firiin, ku beer, ‹Ga/aaweek slaqwaruusér Farao tidá' naa hardat as kuúng uwa alee/is, i kí/ baraá yaamaá Misri, ayaaín kudá' ta dahhi.

YEREMIA 42:14

nee tawa kata', ‹Atén a hotaá awaán yaamaá Misri, amoodá' slaqwara iwa kahh, tam afór tarumbeéta kawa axaasanaaká, laqaá muruú /ayma kuwa dakusanaaká.›

ESEKIELI 17:15

Ala waawutmoodá' /abén aa qaás waawuti'iimár waawutmoó Babuloni gana sií', muu gway ya/aáw ay Misri as alee/isoó faras nee oo slaqwaruusér yaariir nguwa firór ay. Xáy, waawutmoowí ga aleesláya? Xáy, oo adoorí ga tleéhh nee oo al'axweesantí gaa sii', sakwasleemaro i kotsóti?›

ESEKIELI 29:16

Múk Misri ku malé harahhifiiká nee múk Israeli. Múk Israeli gay tsaahh adór tar dakuús múk Misri kuwa harahhifi, nee ngay tsaahhiyá' adór aníng tar Aakoó MUNGÚ.»

DANIELI 9:13

Atén kuúng taa múx ar adoodá' kara gooín baraá dabér Mosewo, ala tam hamí, aá AAKOÓ MUNGÚ, Munguúrén, gurtleemuuwók ugwa firimaniiká as tlakweemaarén kiwa mawaan, nee looeemaawók iga eeharaniiká.

HOSEA 11:5

Inooín ta kii/ Misri, kiri sawaawuti'ín nee waawutmoó Ashuru, asma ki/imaá amor'eé' ngaa si'iyé'.

HOSEA 11:9

Aníng buhhta i máw, múk Israeli u malé qwaareesár awaaká. Asma aníng a Mungú, aníng a heewooká. Aníng an kudá' hhoohhoó' baraá tla/angwhunge, aníng nu hhaamisár awaaká ar xarasleemaeé'.

HOSEA 14:3

Múk Ashuru atén ti ba/amisiiká. Atén sleeme farsuú slaqwara u malé harahhifanaaká, nee gadiyér dabaarén a male bawanaaká, ‹Kuungá' a munguúrén.› Asma diroge panaay gurtleemu gu sláy.»

HOSEA 7:7

Sleémeero naa da/atuutuyé' buhhtaawo adór layu, geeraharuuser'ín nga haleleiyé'. Waawitaáín sleémeero aa huuhu'ún, baraá tla/angw'ine tam heé wák oo i fiririím i kaahh.

HABAKUKI 1:12

«Kuúng, AAKOÓ MUNGÚ, Munguúeé' Kudá' hhoohhoó', kuúng an daadeer iimír iimu/uungw wasle, nee an baloó alhhe'eesoó koondaaká. Kuúng AAKOÓ MUNGÚ, múk Kaldayo nguna tlés amooréní ale as tiwa sakwasleemuutiya'. Kuúng Tlaá/a, mukdá' ugwa aleesleemuú hanís as atén tiwa muxiya'.

HABAKUKI 3:3

Mungú naa hardáh i Temanír daahh. Inósudá' Hhoohhoó' i gawaá tloomár Paranír daahh. Xirfuuwós doori gina tuuntuúk. Tam yaamu niri hatsiyé' xirfuwose.

SEKARIA 10:5

Inooín dinkwaaro tay adór hhawaataá miguuse baraá slaqwaraaro, awa wakuuser'ín ngi kal/aamá' baraá baa/ír baraá loohi. Inooín in slaqwiyá' asma AAKOÓ MUNGÚ i dinkwa nee inooín. Inooín slaqwaruusér faras gwa i tsa/aan kan mureekees.

DABE 17:16

Dinkwa nee tihe inós masók a heé farsuú yaariír gu leelehhiitaaká as slaqwaruuserós, laqaá masók a heé muu gu baraá yaamaá Misrirí ki/isaaká, as farsuú yaariír kuwa sleera'. Asma AAKOÓ MUNGÚ taa gurbuú' iwa kaahi, ‹Ma baloó baraá yaamaá Misrír i ki/aara'.›

DABE 20:1

«Kuungá' barnaxes aga slaqwarár eeré' amór wakuuserhúng, naxés farsuuín nee gardaá slaqwarar'ín, nee slaqwaruuser'ine bira aandé' toohúng ka baa/ uraywo, kuungá' inooín mi da'ayutara'. Asma AAKOÓ MUNGÚ, Munguúhúng kudá' kuungá' naa baraá yaamaá Misrír wa duux i dinkwa nee kuungá'.