ISAYA 30:9 - Biblía Axweesantá Hhohho' ar Mungú 2004

⁹ Asma mukwí a múk aa dee/aanuut, inooín a na/aá lamuuse, a na/aá intsaahhatisár AAKOÓ MUNGÚ ngi sla'aa'aaká axaasaro.

ISAYA 30:9 Iomraidhean Croise

2 QOM'I 33:10

AAKOÓ MUNGÚ Manase nee mukós gina naanaáq, ala inooín ngwa iiárií qaasi'iiká.

WARA'AMI 78:8

Eeít, matawa adór baabi'ii'ín tleehhiít, qartá sagegawden nee ar aa dee/aanut, qartá baraá muner'ine Mungú gu gaárí xuaaká, ta inkihhimuú konká amór Munguhe.

WARA'AMI 81:12

Gawaá adoorihe aníng ina máw tawa tlay ar adoodá' inooín i slaiya', nee ar baraá hara'ayduín.

AXWEESANOÓ SAGALOOA 28:9

Heé dabe gaa artá wa may tam firoorós sleeme ka waak.

ISAYA 1:10

Axweesantá AAKOÓ MUNGÚ iiárií qaasaak, kuungaá adór geeraharuusér Sodoma, intsaahhasár Munguúrén iiárií qaasaak, kuungaásingá' múk tlákw adór kuduú Gomora.

ISAYA 1:2

Iia qaasaak kuungaá doóri, iia qaasaak kuungaá yaámu, asma AAKOÓ MUNGÚ aa axweés, iwa kaahi, «Na/ii ina /aymiís nee ina umiím, ala iga aldee/anuutiyé'.»

ISAYA 1:4

Tsaxwaahúng kuugaásíng xoorór iringuuse. Kuungá' a múk taa al'ilooúy nee tlakweema, xwaylár tlakweemaá tlehhaahhiit, na/aá al/aymárár hotaatimá'. Kuungá' AAKOÓ MUNGÚ ugwa geexeeré', kudá' Hhoohhoó' oo Israeli ugwa waaqaé', taa falo kwahhé', tari alií ki/é'.

ISAYA 10:5

AAKOÓ MUNGÚ i kaahi, «Ashuru a adór guhhláy'eé' oo mukdá' naa i buúhh ngur muux.

ISAYA 10:6

Una ya/aáw xoorór tlaakw ngiwa muxi, una ádbáw mukdá' naa i buúhh nguwa muxi nee ngiwa haasaáng wa ar tlay, ngiwa yaamií kalaa/i adór hhapér baraá loohi.»

ISAYA 24:5

Yaamu kaa meetagaás nee mukdá' gi hoót, asma hara'ayár Mungú ngina hhitiné', nee kaahirós ngina si'iyé', nee alqadoodár alhhe'eesay wasl ngiri si'iyé'.

ISAYA 28:15

Asma kuungá' a kata', «Atén nee gwa'ara alqado aga tleehhaán, nee gi'i taa axweesani slawaán, qoomár amotlakwe bir taa i hardát, amoorén ngi keeraaká, asma lama ana dír guwayrén tleehhaán, nee al/ayma an dír tay nahhataan.»

ISAYA 30:1

AAKOÓ MUNGÚ i kaahi, «Tsaxwaaín na/iidá' aníng iga aahhiye', kudá' gurbu'úngw sla'á', ala kwe'eé' ngu slaiiaaká, kudá' dinku'uumár nee muu ngi sla'á', ala ar qeeruueé' ngi slaiiaaká, as kahhó' pa/ángw tlakweema ngir iinkikii/iyá' nguwa slaya'.

ISAYA 48:4

Asma aníng kuúng un xuú' adór tur saga gawít, tu isa gawít adór muqsli, slám gitsee/aawók ki gawit adór muqslír sirdaa/aat.

ISAYA 5:24

Gawaá adoorihe, adoodá' tsángw asla hhaanslaá kaaharen ngir /aa/ayi, nee adór gitsór kaaharen ir slururuumaamit, dee/áruuín in slupuut, nee /ayor'ín ka gáwtí ufaahh adór teeri. Asma dabér AAKOÓ MUNGÚ Aleesleemusmo ngaa si'iyé', nee axweesantá Kudá' Hhoohhoó' oo Israeli ngaa waaqaaiyé'.

ISAYA 63:8

Asma inós ina oó', «Looeemaawo mukwí a muk'eé', na/iieé' kudaá al/aymuuseerooká.» Nee inós tari ba/amusmooín.

ISAYA 65:2

Aníng dabaaeé' ina laqaqaám tlatla/aangw sleémeero dír mukdá' a dee/aanuut. Kudá' lohdaá qooma'aakár hootá' kudá' sager'ín kilós ngi /ayá'.

YEREMIA 35:14

Hara'ayaadá' Yonadabu garmoó Rekabu, aa na/iiwós i hara'ayín ar difaái ngiwa wahiaaká nga boo/eesiyé'. Inooín difaái ka wahanká tám ay laarí, asma hara'ayadár baabuúín ngina iialooeesiyé'.› Ala tidá' aníng ni kuungá' i axweemamiís umuú daqto, kuungá' iga iiárií qasi'iiká.

YEREMIA 7:13

AAKOÓ MUNGÚ i kaahi, ‹Hám daxta muruuwí kuwa qo tlehhahhiti'i, nee qoomár nuwa i axweemaamiís iga iiárií qasi'iiká, tam qoomár nuwa ateetaatiím aga ooiindi'iiká.

YEREMIA 7:28

Kuúng kay beer, «Kuungá' a xoorór afór AAKOÓ MUNGÚ, Munguúín, gaa si' iialooeesaro, tam intsaahhasa ana sié'. Dirhunge looeema naa gwaaiyé', baraá axweesantahunge, tam looeemaá niiná i kahhiyá'.»

YEREMIA 9:3

AAKOÓ MUNGÚ i kaahi, «Tsifreeri'ín ngaa qwambatmisiyé' adór ga/ale iwa lamemaá axweesiya', nee inooín /uuru ngwaa slayé' baraá yaamuwo ala as gan'amuuwooká, asma nin kumiitiyá' baraá tlakweemaawo, ala aníng i xuiaaká.

ESEKIELI 24:3

Muk'eé' kwí aa dee/anuut slaqsaywí tay laqaan, nee ki beer, Aníng Aakoó MUNGÚ a kah, ‹Hutlaay qaaseek gawaá akweeso, ku ma'áy qasá'.

HOSEA 4:2

A har lo'o nee lameemo tlaqa, nee tsu/uta nee fiiso nee fuqi, nee digeemi fe/it nee tsu/utár muu.

SEFANIA 3:2

Múk Yerusalemu AAKOÓ MUNGÚ gwa iiárií qaasiiká, tam gurbu'ungw'ín ngwa ya/ani'iiká. Tam Munguúín ngwa baloó haratlinti'i'iiká, slám ngu firirina'aaká.

Tlehhema'aá ya/Abuuse 7:51

«Kuungá' tundu sage gawdén. Slám munerhúng nee iaahúng a adór kuqaá múk Mungú xua'aaká. Umuúqo daqto kuungá' Qeeruú hhoohhoó' oo Mungú un siaiindá' adoodár baabi'iihúng sleeme naa tleehhiyé'.

DABE 32:20

Iri oó', ‹Aníng a inooín wa nahhaát, axáy, alhhe'eesay'ín u ala ga/áw, asma inooín a qartá aa qwat, na/aá inkihhimuú kooma'aaká.

Geehhoeemaá 21:8

Ala mukduú da'ayuuse, nee kudá' naa haratlinti'ii'iiká, nee kudá' buhhtimisá', nee mukdá' múk tsuú/, nee múk fuquuse, nee da/aluuse, nee múk munguaá hatlá' haratlintaatií', nee lamuuse sleémeero, dir'ín a baraá tlawtadá' asltá kiberiíti iwa ohahiin. Gaarí an gwa'arár tsár.»

Geehhoeemaá 22:15

Amór tsee/aá gixsaro seeaawe i deer, nee da/aluuse, nee fuquuse, nee tsu/utuuse nee kuduú munguaá hatlá' haratlintaatií', nee mukdá' sleémeero axweesanoó lama gwa intsaahh axweesanto.