ISAYA 30:33 - Biblía Axweesantá Hhohho' ar Mungú 2004

³³ Asma dír waawutmoó Ashuru kway da/i kaa qaroó amohhe'eés iimír aange. A baraá bohóngw yaangaariír oo bihheérí intlaáxw, oo taa ásltí slaáx ar migiruú yaariír. AAKOÓ MUNGÚ gun hiinsluwósí ufaahh kuduú adór asltá wa óh as nguwa da/i.

ISAYA 30:33 Iomraidhean Croise

IIMU/UUNGW 19:24

AAKOÓ MUNGÚ asltá kibiriíti ngiri gawaá doorí wa kwaáhh daanduú Sodoma nee Gomora.

2 WAAWITÁ 23:10

Waawutmo Yosia Tofeti gari meeta gaás, tidár baraá xatstá daaqoó Hinomu, as hee garmaawós laqaá dasiirós mingiwa baraá xátstí daá/ tawa ilahhooár munguú ta bay Moloki.

YOBU 4:9

Mungú gin qwaarees ar hiinsluuwós, Mungú gin qororo'oos ar buhhtaawós.

ISAYA 10:17

gwa/aateemaá Israeli nin asla tleehhitiyá', nee Kudá' Hhoohhoó' oo Israeli a tsángw asla. Tsángw asla fuquráy nee laqayaawose gin da/aa/án giri qororo'oos, baraá deelór wák i ale.

ISAYA 11:4

Ala ar gan'amuuwo narkuute gan sakwasleemuut, inós kudá' tsaén awa yaamu gi kasi tsaat ar adór qoom, nee inós muu gu slaahh ar /aymuú afkós, tlakuuse gan tsuu/ ar hinsluú afkós.

ISAYA 31:9

Waawutmooín kuduú adór tlaa/a iri /akuút daeero, nee geeraharuuseerós bendeérar'ín gari geexeér as dae. Adoorí AAKOÓ MUNGÚ gan kah kudá' asltós baraá gixsár Siyonír wá oh. Kudá' asltós ar gufteeri baraá gixsár Yerusalemúrií dirii'.

ISAYA 33:14

Múk tlakuuse i da'ayumiit baraá Siyoniro mukdá' Mungú gu ilaiwawa/aaká i daaraax nee ta kaahi, «Baraá tla/agwrene heé qiítl dír asltá /ayiima, baraá tla/angwrene heé qiítl iwa iwiiti dír asltá baloó gwa'aaká.»

ISAYA 34:9

Laámi niri wá/ baraá yaaér Edomuro, hhapeerós iri kiberiíti tleehhít, yaamuuwós niri warqayá' tawa adór laámír asla i /ak.

ISAYA 37:38

Looarka wake waawutmo ina sluufmisuú áy baraá doó munguúwós kudá' ta bay Nisroki. Daaqaywós kudá' ta bay Adrameleki nee Shareseri nguri gaasiyé' ar paánga, niri /akumiitiyé' yaamaá Ararati. Naagáy garmaawós kudá' ta bay Esarhadoni iri waawuti'ín kitaangós wa alé.

ISAYA 66:15

Ga/aawaak AAKOÓ MUNGÚ ni hardah ar asla. Nee gaarduuwós an adór bambaaór fukukuu'. As kahhó' iwa buhhi ar xarasleema, nee gahhaatarós gan boo/ees ar tsángw asla.

YEREMIA 19:6

Gawaá adoorihe, xuaak adór deelo nir hardát ar yaamuuká' kiwa malé bayká Tofeti, laqaá xatstá garmoó Hinomu, inós kan bay xatstá tsu/uta. Anuú AAKOÓ MUNGÚ tí ngina oó'.

YEREMIA 4:4

Kuungásingá' múk Yuda nee yaamuloouusér Yerusalemu, munerhúng hheehhe'eesaak. Bar adoorí aga tlehhi'iiká, buhhtaeé' i daa/atuyá' adór gil'ór asla, i oohiyá' ala heé gaasaro gi aleesláw i kaahh, asma tlakweemaá kuungá' taa tlehhé'.»

ESEKIELI 21:31

Aníng nun i buúhh, asltá buhhtaaeé' an gawaahúng ar ufaáhh. Nu qaás gawaá dabaá wakuuserhúng tidá' xaraasl, múk kuungá' nu lo'wa baál tsu/utaaro.

DANIELI 11:36

«Waawutmoó /iya adoodá' i slai gan tleehh. Inós ti kilós xirfayees nee tiri gáwtí tleés iri ooi inós ku úr dír mungui sleémeero. Munguú mungui guri /oosliislín. Iri kumiit ay dír har afiqoomár buhhtaawós i fakiya'. Asma qoomaadá' taa qaás iwa bo/ i hariín.

DANIELI 7:10

Baraá kitangwdae duxuú asla niri waá/, dír geeraawós wa ale. Múk kumér Inós kuri sagadiyuús, slám múk kumér kúm ina geeraawós i sihhiít. Doó kwasleema kawa tleehhi kuri amoohhe'eés nee kitaabi'i kiri gweér.

Matayo 25:41

«Aluuwo mukdá' bartá dákw doó basáy i dirií' guri bay, ‹Quutlé' dir'eene, kuungaásingá' taa lu'ús, tlawsé' baraá asltá baloó gwaa'aaká, tidá' taa amohhe'eés as Neetlaangw nee malaykeerós.

Matayo 4:22

Hamtidár kilae miringamooín nee baabuúine kiri geexáy, Yesu kuri eehár.

DABE 4:24

Asma AAKOÓ MUNGÚ Munguúhúng a asltá /ayiim, inós a Munguú da/tá koóm.

Ebrania 13:8

Yesu Kristo an kuduú kilá', isá/ nee laarí tam ay alhhe'eesay wasle.

1 Petro 1:8

Kuungá' inós u sla'á' tam ugwa aandi'iikahe. Slám inós u haratlintaatiá' tam hamí u ara'aanda'aakahe. Kuungá' u sageeqwalaala/á' ar qwal/uú xirfuú koóm, kudá' alki/ituuwo ta aleesleera'aaká,

Yuda 1:4

Asma mukko i deer oo naa qawti dah. Mukwí kuna sakwasleemarí i gooín iimír aáng wa ale. A múk Munguú da'ayuumitaaká, slám a múk tsuuqaá Mungú harneét ar hotaá tlákw. Nee inooín kudá' úr oo kilós, Aakoorén Yesu Kristo, ngu sa tlaankiyá'.