ISAYA 30:30 - Biblía Axweesantá Hhohho' ar Mungú 2004

³⁰ AAKOÓ MUNGÚ afoorós tidár aleesleemu gan tlees, as kahhó' kawa axaasi nee muu sleémeero, nee slahhtós tidár /uuru kawa ari ar buhhtaá yaariir, nee tsángw asltá /ayima nee kwarara/aaro nee duktá yaariir ar tluwoó tlaa/e.

ISAYA 30:30 Iomraidhean Croise

YOBU 38:22

«Kuúng looár wake aga dáti baraá kuuntír tlaa/aá tluwaay, laqaá baraá kuuntír tlaa/aá tluwaay,

YOBU 38:23

qaasidá' naa amoohhe'eés as deelór tlaahhi, an deelór slaqwara nee ni gilár daamaraam.

YOBU 40:9

Ahaá kuúng /uuruú adór kwe'eé' kwí uqo koónda? Afoorók kawa adór te'eé' wá kududuhus a asleéra?

WARA'AMI 2:5

AAKOÓ MUNGÚ giri naanaáq ar buhhta, giri dae tlaáq ar buhhtaawós awa xaraaslá', iwa kaahi,

WARA'AMI 46:6

Xoordu naa leexutiyé', waawuti'iima iri amoqwát. Mungú afoorós gay tlees, yaamu nari weeqiyá'.

WARA'AMI 98:1

AAKOÓ MUNGÚ i daa'aak ar daa'ángw /abén, asma muruú waa/oo/amo guna tleéhh, ar dakós oo doó /iyayhe nee kudá' hhohhooe, inós iri baalín.

TI'INAANGW 15:16

Dae nee hor/iro gaa eér, ar aleesleemuú dakoge inooín niri xaslmiitiyé' adór tlaa/ano. Aá AAKOÓ MUNGÚ, ay dír mukók i waaraahhi, ay dír mukók kudá' taa ba/amís i waaraahhi.

TI'INAANGW 9:23

Naagáy Mose dakós guri gáwtí tleés, AAKOÓ MUNGÚ tluwoó tlaa/e nee kwarara/aaro nee mankaroro ngiri huúw baraá yaamaá Misri sleémeero.

TI'INAANGW 9:24

Tluwoó tlaa/e iri tluúw nee mankaro tin alkoomaakoná'. Tluwoó ló'wa úr oo adór kwí inaqo baloó tluwiiká baraá yaamaá Misriro iimír xooro iwa iimu/uún.

ISAYA 10:16

Gawaá adoorihe Aako, AAKOÓ MUNGÚ Aleesleemusmo, slaqwarusmoowo gu kaanga/úy, kitángw xirfuuwose kun daa/ adór kwaáo kuna daá' ar asla.

ISAYA 10:26

AAKOÓ MUNGÚ Aleesleemusmo qawaywós gun gáwtí tleés, adoodá' múk Midiani ngura muúx dír tlaa/ár Orebu wa ale, hhartós gan looloqoos gawaá daanduú tlawi. Inós ga gáwtí tlees ar adoodá' aa tleéhh dír múk Misri.

ISAYA 10:5

AAKOÓ MUNGÚ i kaahi, «Ashuru a adór guhhláy'eé' oo mukdá' naa i buúhh ngur muux.

ISAYA 28:2

Ga/aawak, Aako heewós oo migusmo, nee oo /uuruú koóm gwaa sláy, inós i hhaamimiis adór tluwoó tlaa/e nee oo duki, a adór tluwoó duki oo yaariír nee alwuo. Inós kuungá' nun yaamúr tsataat ar xarasleema.

ISAYA 29:6

AAKOÓ MUNGÚ Aleesleemusmo kiíng i alee/iis ar kwarara/a nee kunseeli nee afór ur, nee ar bambaao nee duki nee tsángw asla oo /ayiím.

ISAYA 30:29

Ala kuungá' múk Yerusalemu an da'á' ar qwala/, adoodá' muu i /imaamisi xweeraá deelór ure. Qwal/uú yaariír nuri áy adór múk daá' ar firiímbi, oo tsa/aa/ám amór tloomár doó AAKOÓ MUNGÚ, amór tlaa/ár Israeli.

ISAYA 30:31

Xoorór Ashuru iri da'ayút qoomár afór AAKOÓ MUNGÚ birnga axás nee birnga muúx ar hhartós.

ISAYA 31:4

Asma AAKOÓ MUNGÚ aníng ina báy, «Adoodá' diraangw laqaá na/oó diraangw ir dír sluqoorós wá /ortlaatliti, tam qoomár boohhár de'eemuuse barka ateét as nguwa tlatlahhasiya', inós i hhasliitiiká tseeór mukdae, tam afor'ín sleeme gu dae tlaqká, Adoorí an adór AAKOÓ MUNGÚ Aleesleemusmo nir hardihi. As iwa slaqwí as tloomár Siyoni nee gongooamawós.

ISAYA 32:19

Gartá wakuuse iri fák nee gixsar'ín iri hhaán.

ISAYA 33:14

Múk tlakuuse i da'ayumiit baraá Siyoniro mukdá' Mungú gu ilaiwawa/aaká i daaraax nee ta kaahi, «Baraá tla/agwrene heé qiítl dír asltá /ayiima, baraá tla/angwrene heé qiítl iwa iwiiti dír asltá baloó gwa'aaká.»

ISAYA 4:6

Xirfuuwós dir'ine a adór mahhtír gi tuuntuuk qoomár siree/ír tlaatla/aango, nee an dír guwaay nee gaamboót qoomár bambaao nee tluwaywo.

ISAYA 51:9

Tlawáng, tlawáng aá AAKOÓ MUNGÚ, ar /uuruuwoge ti ba/amis. Daarikiitáng adoodá' aáng taa tléhh qoomár qartadá' aa waarahhi. Ahaá a kuungeekáhe oo Rahabu gaa tlaqaqaat nee kudá' dayshamoodá' úr oo baraá ma'aay gwaa tla/a feehhamiis?

ISAYA 52:10

AAKOÓ MUNGÚ /uuruuwós kudá' xiríf gwaa laqán, dír geeraá xoordu sleémeero nee múk ku/uya sleémeero awa yaamu ba/amár Munguúrén ngi ariyá'.

ISAYA 62:8

AAKOÓ MUNGÚ lo'o gaa /aáy ar dakós oo doó /iyáy nee ar dakwduú aleesleemú koóm, i kaahi, «Aníng balangwhúng u male hanisaaká tawa muruú /aymár wakuuserhúng. Tam dahaaye difaáírhúng ga baloó watká tidár gadiyér dabaahúng.

ISAYA 66:15

Ga/aawaak AAKOÓ MUNGÚ ni hardah ar asla. Nee gaarduuwós an adór bambaaór fukukuu'. As kahhó' iwa buhhi ar xarasleema, nee gahhaatarós gan boo/ees ar tsángw asla.

ISAYA 66:16

Asma AAKOÓ MUNGÚ sakwasleema ga tleehh ar asla, muu sleémeero gwaa muúx ar paánga. Múk AAKOÓ MUNGÚ i daasli ku ló'wa yaariír.

YEREMIA 25:32

AAKOÓ MUNGÚ Aleesleemusmo i kaahi, «Qaytsiité', amotlakwe i hardát dír xoorór wák, aluuwo ay dír xoorór hatlá', bambaao kingi tlees baraá ku/uyaá yaamuú wá ale.

ESEKIELI 10:5

Afór hhaampe'eeraá keruúbi kari amór afeenidár tsee/aá wá axaás. Afoodá' a adór axweesantá Munguú Aleesleemusmo.

ESEKIELI 13:13

«Gawaá adoorihe, anuú Aakoó MUNGÚ a kah, ‹Asma daanduú buhhtaeene aníng bambaao nee tluwoó tlaa/e oo úr ngu huúw, nee koo/i kari yaamií daahh.

Yoeli 2:5

Gawaá sagér tlom'iiwo in /akumít adór gaardaá slaqwara. Umuú gaaro gan /ák adór tsángw asla. Taa amohhe'és slaqwaraaro adór slaqwaruusér miguuse.

AMOS 1:14

Gawaá adoorihe aníng asla a qaás gawaá koo/ír gixsár Raba, asla koo/irós tidá' gawit gari /ák. Deeloodár slaqwaraaro tsimaahhi ka ló'wá ur, nee slaqwara ka ló'wa hhamhhám adór bambaao.

MIKA 1:4

Tlom'i gay ya'ár weeqatis adór boohhayángw bihhaá ásltí dirií'. Xatso nay feehhamiitiyá' adór ma'aá hhaahháy.

Matayo 24:7

Asma xooro i slaqwarár eér amór xoororqá'. Nee waawuti'iima i slaqwarár eér amór waawuti'iimár hatlá'. Slám giyeé ni tleér, nee yaamaá yaariire kunseeli ni ti'ít.

Luka 1:51

Kángw úr gwa tleéhh ar /uuruú dakós, Kudá' daara/aamá' baraá inslawoó muner'ine gaa diyaá/.

2 Tesalonike 1:8

Qoomaadae tsángw asla iri deeruut. Inós mukdaádá' Mungú gwa xuiiká guri sakwasleemuut, nee kudá' Ya/abtór hho' ar Aakoorén Yesu nga iialooeesiiká.

YOSHUA 10:10

AAKOÓ MUNGÚ múk Amori guri dae tsaát dír slaqwaruusér Israelír wa aleeró. Múk yaariír kuri tsuú/ nee múk Israeli baraá Gibeonír wa ale, kuri eehár ay Bet-horoni, kuri alkón, kuri puruúts ay Aseka nee Makeda. Amoodae múk yaariír kuri tsuú/ sleeme.

YOSHUA 10:11

Qoomár múk Amori tawa ta'aaín geetuú Bet-horoni as tawa waaraahhi dír slaqwaruusér Israeliwo, AAKOÓ MUNGÚ tluwoó tlaa/e guri huúw, inooín tluwaay giri i tlubaabín ay Aseka. Tluwoó tlaa/e múk yaariír gway tsuú/ ta kudá' taa tsu/i nee slaqwaruusér Israeli.

Geehhoeemaá 1:15

Nee ya'aawós a adór muqslír sirdaa/aat, ar taa hamaatla hhe'eés ar baraá asla. Nee afoorós a adór ma'aá yaariir awa wa/amiimá' baraá wa/ángw i alé.

Geehhoeemaá 11:19

Aluuwo Doó Mungú, kudá' gawaá doorí dirií' kuri gweér, nee sandakmooduú alqadór Mungú iri geehhoúy baraá do'ós wa ale. Mankari iri werere'eliín, afo kari axaás, kwarara/a iri kwarará/, kunseeli niri ti'ít nee tluwoó yaariír oo tlaa/e iri tluúw.

1 SAMUELI 7:10

Qoomár Samueli iwa ilahhooadár da/tá hanmisi, xoorór Filisti iri tseewuúr dír xoorór Israeli, as kawa tsitsiihhi, ala AAKOÓ MUNGÚ iri slaáqw ar kwarara/ár yaariir amór múk Filistirí ale baldae, giri amoqwaareés. Xoorór Filisti kari tlatlahhaás dír geeraá xoorór Israelír wa ale.