ISAYA 30:27 - Biblía Axweesantá Hhohho' ar Mungú 2004

²⁷ Ga/aawaak, AAKOÓ MUNGÚ ni amór saáw wa tláy. Aa daa/atúy buhhtaawo, nee quuír yaariire, afkós aa haáts xarasleemawo, nee tsifrangós a adór asltá /ayiim.

ISAYA 30:27 Iomraidhean Croise

WARA'AMI 79:5

Aá AAKOÓ MUNGÚ, buhhtaawók ki alhhe'eesay wásle? Ay xaylá buhhtaawók iwa ohaahina' adór asltá wa ale?

ISAYA 10:5

AAKOÓ MUNGÚ i kaahi, «Ashuru a adór guhhláy'eé' oo mukdá' naa i buúhh ngur muux.

ISAYA 13:5

Amór ni dahhiya' ka ló'wa saaw, iimír ku/uyaá doori ngin dahhiyá', AAKOÓ MUNGÚ ni hardah nee xooslaá xarasleemaawós, as yaamu sleémeero ngiwa qwaareesi.

ISAYA 33:12

Xoordu kin daa/ adór múk busluú /awák gu tlehhiít tari adór laqayaá ta tsaát kiri qaás baraá asla.

ISAYA 33:14

Múk tlakuuse i da'ayumiit baraá Siyoniro mukdá' Mungú gu ilaiwawa/aaká i daaraax nee ta kaahi, «Baraá tla/agwrene heé qiítl dír asltá /ayiima, baraá tla/angwrene heé qiítl iwa iwiiti dír asltá baloó gwa'aaká.»

ISAYA 34:9

Laámi niri wá/ baraá yaaér Edomuro, hhapeerós iri kiberiíti tleehhít, yaamuuwós niri warqayá' tawa adór laámír asla i /ak.

ISAYA 43:2

Qoomár kuungá' bar warahhá' ar baraá ma'aá yaariir, aníng nee kuungá' a dinkwa. Yau kuungá' nu hayohiaaká. Qoomár kuungá' bar baraá ásltár warhhá' tam tsángw asla kuungá' nu sloohhiiká.

ISAYA 59:19

AAKOÓ MUNGÚ kuri ilaiwawaa/ bihhaá /uwawo, bihhaá da/awe xirfuuwós kuri tsaahh. Asma inós ni hardah adór yaaér hi'iit ar gaanslaay. Yaaér taa dúk nee fur'ár AAKOÓ MUNGÚ.

ISAYA 66:14

Kuungá' a aandá' nee munerhúng iri qwalá/, faduuhúng /uureemo ngiri slayá' adór gitsór naa harma/, nee kari tsahhá' adór dákw AAKOÓ MUNGÚ tar dinkwa nee sagadiyuuseerós, nee buhhtaawós i gawaá daanduú wakuuseerós.»

ISAYA 66:15

Ga/aawaak AAKOÓ MUNGÚ ni hardah ar asla. Nee gaarduuwós an adór bambaaór fukukuu'. As kahhó' iwa buhhi ar xarasleema, nee gahhaatarós gan boo/ees ar tsángw asla.

ISAYA 9:5

Asma xooslaá slaqwara sleémeero awa hee i kon qoomár slaqwaraaro, nee tlabaá taa baraá tseereérár tiloók, kaa amohhe'eés kiwa hhaamisi, i migír tleehhitiyá' oo ta ásltár oohisi.

YEREMIA 4:4

Kuungásingá' múk Yuda nee yaamuloouusér Yerusalemu, munerhúng hheehhe'eesaak. Bar adoorí aga tlehhi'iiká, buhhtaeé' i daa/atuyá' adór gil'ór asla, i oohiyá' ala heé gaasaro gi aleesláw i kaahh, asma tlakweemaá kuungá' taa tlehhé'.»

ESEKIELI 22:31

Gawaá adoorihe iga buhhtaaeéní ku'uús, nee ar asltá xarasleemaeé' iga hhaamiís ar harqoomoó tlehhmi'ii'ín i diri'iya'. An adoodá' ni kah, anuú Aakoó MUNGÚ.»

DANIELI 7:10

Baraá kitangwdae duxuú asla niri waá/, dír geeraawós wa ale. Múk kumér Inós kuri sagadiyuús, slám múk kumér kúm ina geeraawós i sihhiít. Doó kwasleema kawa tleehhi kuri amoohhe'eés nee kitaabi'i kiri gweér.

DANIELI 7:9

«Qoomaadár kilá' aníng niwa xumiis, kiteeraá waawuti'iima kina qaás. Naagáy aakoodá' daadáw kureerisleém, iri iwiít gawaá kitaangós oo aleesleemu, tlabaá /awak nga dahaás adór tlaa/aá tluwaay, se'eengós a adór se'éngw /awák oo bee/aangw. Kitaangós oo waawutmi'iima a adór tsángw asla, nee /angeegeuwós i oh aslto.

SEFANIA 3:8

AAKOÓ MUNGÚ i kaahi, «Gawaá adoorihe aníng daamaré' ay bál nay sihhiit as xoordu ngiwa sakwasleemuut, asma aga tsabiím xoordu ngiwa burumbuur nee waawuti'iima ngiwa burumbuur, nee ngiwa buhhtaeéní ku'uus, xarasleema sleémeero awa buhhtaeé'. Asma yaamu sleémeero ki daa/ ar buhhtaaeé' kudá' da/tá koomá' adór asla.

MALAKI 1:11

Asma iimír amoodá' looa iwa tsiraarihh, tam ay amoodá' i darat, umuueé' ku úr baraá xoorduuwo. Umuúqo mooyángw tsuú' kun da/aa/án nee ilahhooár hhohho' kan hanmiis asma umuueé' ku úr baraá tla/ángw xoorduuwo!

DABE 32:22

Asltá buhhtaaeé' kaa oohiís, asla iri /ayiín ay baraá gi'i. Daanduú yaamu nee umuú gaaro guri /ák ihhafirír tlom'i ga /ák.

DABE 33:2

Ina oó', «AAKOÓ MUNGÚ amór tloomár Sinai ngina daáhh, tina amór tloomár Seirír wa harati'iít, tina amór tloomár Paranír wa i gwa/aát, nina baraá tla/ángw malaykér yaariír wa ti'iít, nee asla ina ót gawaá dakós oo doó /iyáy wa ale.

DABE 4:24

Asma AAKOÓ MUNGÚ Munguúhúng a asltá /ayiim, inós a Munguú da/tá koóm.

2 Tesalonike 2:8

Qoomaadá' an qoomár Heedá' Tlaákw tiwa geehhooeesi ar gaanslaay. Qoomaadae Aako Yesu niri hardah, iri geehhooúy ar baraá gwa/aateema, nee Heedá' Tlaákw guri suqúy ar hiinsluú afkós.

Ebrania 12:29

Asma ar ló', Munguúrén an asltá mura' sleémeero gu /aay.