ISAYA 30:25 - Biblía Axweesantá Hhohho' ar Mungú 2004

²⁵ Baalaadá' wakuuserhúng barka hhaamiís, nee /aampar'ín tidá' tleer barka daáhh, kutltá ma'aay nin gawaá tlom'ií wa wá/, nee gawaá gongooamawo.

ISAYA 30:25 Iomraidhean Croise

ISAYA 32:14

Asma do'oduú waawuti'iima ku kilós geexáy, nee gixaarí muu yaariir ka xaanxaay tleehh, goongooama' nee /aampudá' tawa xun, i mar'o tleehhitiyá' ay kureeraá kureér, daqoó darma iri baraadá' wa qwalalaa/, gixsadá' iri qawtantá bee/aangw tleehhít.

ISAYA 37:36

Naagáy malaykamoó AAKOÓ MUNGÚ xweeraawo ina tláy slaqwaruusér Ashuru ar kume tsiiruú wák nee mibeeri dakaát nee kooán gari slururu'uús. Matlaatleero looa niwa tleér naxés mukwí sleémeero an tu'u.

ISAYA 48:21

Qoomár ngiwa baraá xaanxáy wa geerahaár naa waximiti'iiká. Ma'aay gina baraá tlaa/ár wa duúx, tlaa/a gana feehhiís ma'aay nay baraadá' wa wa/iyé'.

ESEKIELI 17:22

Aakoó MUNGÚ i kaahi, «Anuú kilá' dír niina gawaá tsitsinír sahhtiro a taataáhh, eeít halmír dutlutluu/ gawaá haleemaawós kudá' gawto, ngiri haátl gawaá tloomár tleer.

ESEKIELI 34:13

Aníng i duúx baraá tla/ángw xoordaá hatlá' wa ale kudá' sawen, nee ngiri huuw baraá yaamuuín kudaá kilá' i ale. Nguri de'eém gawaá tlom'aá Israelír wa ale, bihhér duxe, nee baraá yaamu sleémeero kudá' muu i hooti.

ESEKIELI 34:26

«Aníng ngiri hootiís bihhaá tloomar'eé' tidá' hhoohhoó' wa ale, nee nguri tsuúq. Tluwaay nguri huúw ar qom'aá hariimá', nee tluwaaywí a tluwoó tsuuqaá koóm.

ESEKIELI 47:1

Aluuwo heedaádá' iri male ki/ís ay dír afkú dahmaá Doó Mungú. Didár duxutmoowo ma'aay i bihhaá baráy wa/aminá' bihhaá da/aáw (asma afkú Doó Mungú in da/aáw ga/áy). Ma'aay i wa/aminá' bihhaá baskú wa ale, dír afkú Doó Munguhe, bihhaá basa awa kitangwduú ilahhooa.

Yoeli 3:18

«Slám de'emaadae tlom'i difaáidá' tsuu' ngi taxmisiyá', nee ilwa nin gawaá dindirmaá wa wa/aminá', yau sleémeero awa Yuda ma'aywo nin hatsiyá', nee kutli nin baraá doó AAKOÓ MUNGÚ wa ti'ít, xatstá Shitimu gari eemís.»

NAHUMU 3:12

Koo/irók tidá' gawit sleémeero tay adór /aantsír geeraawo aa hamat, ala qoomár barka diingiís in páhh gawaá afkú heé ga /aáy.

FAARO 24:7

Ma'aá bu'uutá' awa /ooma'aaká kin sláy, dahaasingw'ín ma'aá yaariir gi sláy. Waawutmooín ku úr ta Agagiwo, nee waawuti'iimarós iri kángw kilá' wa iia tleeruúr.

Yohana 7:38

Asma Gooi i kat, ‹Heé aníng iga haratlintii', ya'aá ma'aá slafíngw koomá' i baraawós wa ti'iitiyá'.› »

2 korinto 10:4

Xooslaadár slaqwara ar atén tar slaqwaan a tidár múk baraakaá yaamuuwooká, ala a xooslaadár slaqwara ar Mungú, tidár /uuruú koom. Xooslaarí an tidá' koo/ír gawit kar fee/aan. Gár atén ta fee/itaan a axweesanayduú lama, kudá' Munguú tlaampa'aamiís.

Geehhoeemaá 22:1

Aluuwo malaykamoodá' yaaér ma'aá slafíngw koom ngiri laqán. Yaaeedá' ma'aywós i gwa/aatiyá' adór looa. Yaaeerí dír niwa wa/amiin a baraá kitangwduú aleesleemu oo Mungú nee oo Deelmoó bee/i,