ISAYA 30:2 - Biblía Axweesantá Hhohho' ar Mungú 2004

² Inooín nina Misrírí /eetiyé', aníng sleeme iga yaahasi'iiká, dír guwaay ngina leelehhtuú ayé' dír Farao as ngiwa xun, nee amohhooa ngiwa slaya' baraá xuumár múk Misrír wa alé.

ISAYA 30:2 Iomraidhean Croise

1 WAAWITÁ 22:7

Ala Yehoshafati iri oó', «Aarusmoó hatlá' oo AAKOÓ MUNGÚ diirihe oo ta yaahasaan i káhhi?»

2 WAAWITÁ 17:4

Ala qoomarka wake Hoshea afo gana ya/aáw amór waawutmo So oo Misri as alee/isaay nguwa firin. Inós ohme hanimisuwo gari sií' dír waawutmo Shalmanesa oo Ashuru, adoodár /iisí umuú kurko i tlehhaahhiti. Shalmanesa adoorí ngiwa ár, Hoshea guri óh, guri tseék ar piíngu guri dahaás baraá doó tseegamo.

2 WAAWITÁ 18:21

Hám qaytsiít daxta múk Misri una harahhíf, inooín a adór hhartá aa qet, tidá' hee birnga ar qadiís gun dawa mút. Adoorí an adoodá' waawutmo Farao oo Misri i dirii'i dír mukdá' sleémeero inós gu harahhifa.›

ISAYA 16:3

Múk Moabu i múk Yuda babay, «Atén ti gurbue', kangwrén tlaaqare', xuumarhúng daandemorene doogare' adór giwtír naa tlatla/ángw iimu/uun. Mukrén oo tinda guús lu/aak, nee kudá' naa ayahúngí /akumiit mu geewaqaatara'.

ISAYA 18:1

Tsaxwaaín yaamuudá' xuuraaír hhampe'eeri kawa axamiisi, kudá' ya'aá Kushiro gayuqá' i diriiá',

ISAYA 36:6

Ga/aaweek, kuúng múk Misri una harahhíf, inooín a adór daaír aa qet, hee birnga i tliintií' gun dawa /ák, an adór Farao i dirii'i dír mukdá' gwa harahhifi.›

ISAYA 36:9

Kuungá' sagadiyusmoó niiná baraá sagadiyuusér aakooeene adór ngura ki/isé' bar kuungá' aqo alee/isoó Misri un daamarandá' nee mukdá' faras ngwa i tsa/ani?

ISAYA 8:19

Nee qoomár burna bayé', «Tlawé' gi'i yaahamisuú awaak, nee muruú /ayma'aá mululu'uúm adór tsir/o, asma i qoón muu munguii'ín ngiwa yaahamisiya', nee múk aa qaatl kuwa yaahamiisi as múk slaáf.»

YEREMIA 2:18

Xáy hám daxta, gár ta sleera' a milá tawa /eté' baraá yaamaá Misri as ma'aá yaaér Nili kiwa wata', laqaá tawa Ashurúr keeré', gár ta sleera' a milá ma'aá yaaér Eufrate kiwa wata'.

YEREMIA 21:2

«Na'ás, ti aleefiriin dír AAKOÓ MUNGUHE, asma Nebukadnesa waawutmoó Babuloni slaqwara gaa iimu/ún daanduurene. Doóqa AAKOÓ MUNGÚ tlehhmuú waa/oo/amo gu tleehh, adoodá' ngur tlehhaahhiti, nee daqaní Nebukadnesa doóqa atén ti máy, iri tláy.»

YEREMIA 37:5

Slám askaárír Misri ar Farao nina ayaaín wa tleér, nee slaqwaruusér Kaldayo tidá' gixsár Yerusalemu ga harwet, adoorí ngiwa axaás, tari quútl.

YEREMIA 42:14

nee tawa kata', ‹Atén a hotaá awaán yaamaá Misri, amoodá' slaqwara iwa kahh, tam afór tarumbeéta kawa axaasanaaká, laqaá muruú /ayma kuwa dakusanaaká.›

YEREMIA 42:2

tari amór aarusmo Yeremia káy, nguri bayé', «Na'amaamís, firoorén iiárií qaaseek nee ateéká' aga meetaan ti aleefiriin dír AAKOÓ MUNGÚ, Munguúwoge, (Asma atén aáng ti ló'wa úr, ala hám a peeroó tawo, adoorí hamí kuúng kar ga/eera.)

YEREMIA 42:20

aga qwadé' nee slafingwhúng ugwa baraá tsaxwáy hubé'. Asma kuungá' aníng ina ya/abé' dír AAKOÓ MUNGÚ, Munguúhúng, tawa kata', ‹Ti aleefiriin dír AAKOÓ MUNGÚ, Munguúrén, tidá' niqo sa ooi, kuúng ngi ó', atén a tleehhaán.›

YEREMIA 43:7

Kiri hardahaás baraá yaamaá Misri, ay gixsár Tahpanesi. Adoorí an adoodá' inooín afór AAKOÓ MUNGÚ ngira iialoeesi'iiká.

WA/AA/I 4:20

Kuduú iimu/úngw slafingwrén, kudá' taa iimbalaáx ar di/i nee AAKOÓ MUNGÚ, nguna baa'ar'ín ar oohiyé', kudá' tawa kaahaan, «Baraá xuumarose atén a tla/ángw xoordu un wa hootaán.»

HOSEA 7:13

A tsaxwaaín! Asma naa aníng wa gowiyé', alók in hhaná'! Asma aníng iga si'iyé'. Aníng inooín in mak ba/amisár wa slaá', ala inooín aníng i lámtí tlaaqiyá'.

HOSEA 8:10

Tam mulqe ngaa tlaxwi'i baraá xoordaá hatlá' wa ale, ala aníng in haraki/ís ar wa'aá wák. Inooín ki al'iilooúy qoomár niinawe, nee waawutmoodá' úr taa iimbalaáx ar di/i nee geeraharuusero.

HOSEA 8:9

Inooín nina tlayé' ay Ashuru a slaqás nee daqoó kopoormo oo baraá darmuú wa kilós hi'iimiít. Múk Israeli mulqer'ín ar /ameena ngaa tlaxwiyé'.

FAARO 27:21

Yoshua, kaahamusmoó Mungú Eleasari guri yaahamiis sla'aarir'eene. Asma Eleasari sla'aarir'eé' ga tsaahh ar loohír tlaa/anoodá' ta bay Urimu. Ar loohír /aymuú Eleasari i slaya, Yoshua nee múk Israeli sleémeero ngin geeraharahaar qoomár bar ta darah, laqaá bar ta ti'imiit.»

DABE 28:68

AAKOÓ MUNGÚ, kuungá' nu yaamaá Misrírí ki/is ar miringamoó baraá ma'aay, aa'aá aáng niwa oó', kuungá' i male keera'aaká. Amoodae kuungá' tin mak kiloohúng weerisá' dír wakuuserhúng as tawa lawaaler'ín ar hhawaate nee ar /ameenaaro, ala heé kuungá' nu tlaáxw i kaahh.»

YOSHUA 9:14

Múk Israeli muruú /aymaadá' ta kon nee mukduú Gibeoni kuri /aáy as kawa laqan ar adór al'axweesantadá' kara ya/án. Ala múk Israeli AAKOÓ MUNGÚ gwaa yaahasiiká gawaá daanduú tihe.

HAR'OHUUSE 9:15

Xa'anoó laqeelo iri oó', ‹Aníng birqo waawutmoó wa sla'á', qwalaasé' iwiité' baraá mahhtír'eé'. Ala bar adoorí a sla'a'aaká, masók asla nin baraá laqeeloeé' wa ti'ít miereésír Lebanoni gari qororo'ós.› »