ISAYA 30:18 - Biblía Axweesantá Hhohho' ar Mungú 2004

¹⁸ Gawaá adoorihe AAKOÓ MUNGÚ kuungá' nu daamaarán, as nuwa gurtlay. Inós ni tláy as kuungá' nuwa gurtláy. Asma AAKOÓ MUNGÚ a Mungú sakwasleemár ganaa' ga tlehhahhiít. Múk amohhoó' a kudá' inós gu daamaraám.

ISAYA 30:18 Iomraidhean Croise

YOBU 35:14

Adór ur mu/aywatsi bar kuúng an kat, aníng inós ugwa ariiká, tari ó', ‹Kwasleemar'eé' i dír geeraawós,› nee kuúng inós un daamaaraán.

WARA'AMI 2:12

as miwa buúhh, kuungá' tay qwadá' baraá loohi, asma buhhtaawós ni hardihiyá' ar gaanslaay. Kudá' sleémeero ngwa i guwiye' ki amohhoo'.

WARA'AMI 27:14

AAKOÓ MUNGÚ na harahhifeek! Ilakaahareés, muuna hhe'eés, AAKOÓ MUNGÚ na harahhifeek!

WARA'AMI 34:8

Áx araak, adór AAKOÓ MUNGÚ kur hhoó', heé amohhoó' a kudá' goów amór AAKOÓ MUNGÚ.

WARA'AMI 84:12

AAKOÓ MUNGÚ Aleesleemusámo, heé kuúng u harahhiíf ku amohhoó'.

WARA'AMI 99:4

Kuúng, waawutmoó aleesleemuú koóm, kuúng barqaanti aga hiingés, slám sakwasleemár ganaa' ana tléhh, nee hotángw ganaá' nguna húp dír múk Israeli.

TI'INAANGW 34:6

AAKOÓ MUNGÚ iri waaraáhh ar dír geeraá Mose, iri malé oó', «Aníng a AAKOÓ MUNGÚ, a AAKOÓ MUNGÚ, a Munguú gurtleemuuwo haáts nee oo gurhhoó', aníng ti inslahheeká buhhtaawo, nee a haáts sla'aarír warqawaakahe nee inkihhimuwo.

AXWEESANOÓ SAGALOOA 16:20

Heé axweesantá alqaytsimiít hhooeema gi sláy, Heé amohhoó' a kudá' AAKOÓ MUNGÚ gu harahhiíf.

ISAYA 18:4

Asma AAKOÓ MUNGÚ aníng ina báy, «Aníng an didár hotaaeé' xasliít, a xumiís, adór tsee/amángw aa xaslmiit qoomár siiree/iro, adór huunkoó tluúw qoomár siree/ír fiiqituwo.

ISAYA 2:11

Heé daara/ángwár xumiís ku baráy /aytiis, nee múk daara/aám ku baráy ki/is. Baalaadae AAKOÓ MUNGÚ kilós kun xirfayemiis.

ISAYA 2:17

Nee daara/ángw hee ku baráy ki/is, nee saga gawduú muu ku /aytiis. AAKOÓ MUNGÚ kilós baalaadae kun xirfayemiis.

ISAYA 25:9

Baalaadae muu in ooi, «Kwí an Munguúrén, inós una damraaramaán, as atén tiwa ba/amisár ay, kwí an AAKOÓ MUNGÚ kudá' naa damraaramaán, gimsé' daxta, bara/ u iimu/umaán nee qwal/uwo as ba/amarós.»

ISAYA 28:17

Aníng sakwasleemár ganaa' anar gadiyuús tawa xooslmooeé' oo qoomeemes, nee hotaá ganaa'á' tawa hhutlmoó qoomeemes, lamemoohúng kudá' ta i gogoba' kin xoontsoroo' nee tluwoó tlaa/e, nee al/aymarhúng tidá' tay nahhmita' kan ar tlay nee alwuór ma'aay.

ISAYA 33:2

Aá AAKOÓ MUNGÚ, atén ti gurtleer, asma atén kuúng una harahhifaán, kuúng masók a baqmoórén umuú looár tlawa, nee masók an ba/amusmoorén qoomár slahha'amko.

ISAYA 33:5

AAKOÓ MUNGÚ aa xirfuút asma inós i gáwtí dirii', Inós Siyoni gan dalaa/ ar sakwasleemár ganaa' nee hotaá ganaa'á'.

ISAYA 40:31

Ala kudá' sleémeero AAKOÓ MUNGÚ harahhifá', inooín /uuruú /abén ngu slaslayá', inooín tari adór gwaresuú wa gáwtí tláy ar hhampe'eeri. Inooín nin ti'ii'iná' ta baloó slaaqatiiká, tan hi'iimiit ta baloó nusqumiitiiká.

ISAYA 42:14

Har afiqoomár yaariire aga xasliít, aga tawo xasliít, tiri il/aám, ala hamí a /aá/ adór /ameenír dír asltá xwayla, tidá' /iif hiinsluú urene.

ISAYA 42:16

Aníng múk taampu un geerahaár ar loohír i baloó xuiaaká. Inooín in geerahaár baraá loohír ni xuiaaká, Giwtír geeraaín an warqeés tawa gwa/aateema, yaamaá wa/eeraá koomá' in tlapu tleéhh. Adoorí an adór ni tleehh. Nee án inooín i geexawaaká.

ISAYA 48:9

Daanduú ilaiwa/amér umueene aníng buhhta iga máw, asma daanduú xirfueene mune aga guú/ aluuwo aníng kuúng muwa qororo'oós.

ISAYA 5:16

Ala AAKOÓ MUNGÚ Aleesleemusmo tina xirfayeés ar sakwasleemár ganaa', Munguú hhoohhoó' hhohhoaarirós gan laqaaqán ar hotaá ganaa'á'.

ISAYA 55:8

AAKOÓ MUNGÚ i kaahi, «Inslaway'eé' nee koohúng ti slayká, tam lohduuhúng nee lohduueé' ti slay'aaká.»

ISAYA 57:16

Aníng a kumitaaká muk'eé' lu'umisuuwo sleeme nu i buhhaaká daqisleém, asma geeraawo qeereemaaká' naa tleéhh, kuká' naa slafíngwí haniís i dír geeraaeéní nusqumiitiyá'.

ISAYA 61:8

«Anuú a AAKOÓ MUNGÚ kudá' sakwasleemár ganaa' ga slaá'. Aníng /ayta nee hhitaro i waák. Ar inkihhimueene slaqwér muk'eé' a buú', slám alqadór alhhe'eesay wasl a tleéhh nee inooín.

ISAYA 64:4

Iimír aange Munguú hatlá' ugwa araniiká laqaá ugwa axaasaniiká iaawo slám Munguú adór kuúng oo taa ár ilaawo i kaahh, kudá' muruú waa/oo/amór tlehhiít dír kudá' inós ngu harahhifa'a.

ISAYA 8:17

AAKOÓ MUNGÚ un daamaaraám, kudá' aa nahhaat dír xwaylár Yakobowo, inós un harahhiíf.

YEREMIA 17:7

Heé AAKOÓ MUNGÚ gwaa harahhiif kwaa tsuúq, kudá' AAKOÓ MUNGÚ gwaa harahhifoorós tleehh.

YEREMIA 42:7

Alaá deelo mibaangw iwa waaráhh Yeremia axweesantá AAKOÓ MUNGÚ gana axaás.

DANIELI 12:12

Múk amohhoó' a kudá' aa qiitl ay deelór kumuú wák nee tsiire tám, nee mibeeri tám nee kooán i waarahh.

HOSEA 1:7

Ala múk Yuda u gurtláw. Aníng AAKOÓ MUNGÚ, Munguúín, in ba/amís. Slám i ba/amisaaká ar ga/ale, laqaá ar paánga, laqaá ar slaqwara, laqaá ar faras, laqaá ar múk faras ngwa i tsa/an.»

HOSEA 2:14

Hamí daxta ga/aaweek, aníng a harhheehhe'eés ngiwa huuw baraá darma, ngiri i axweés ar fur'ár tsa'.

HOSEA 5:15

Aníng an kií/ dír kitangw'eé' tin paraátl dir'ine, ay dír tlakweemaaín ngay gwadidina' aníng iri leelehhtuú ayá', slahh'amu giri intsaahhatis aníng iri leelehhiyá' tawa kaahi.

MALAKI 2:17

AAKOÓ MUNGÚ ugwa slaaqatisé' ar /aymi'iihúng. Ala kuungá' a kata', «/Ayma'aá kura slaaqatiisaán a gaalá?» Asma tawa kata', «Umuúqo heé tlakweemaá tlehhiít ku hhoó' dír ilaá AAKOÓ MUNGUHE. Inós múk adór kwí gun sa qwalalaa/,» laqaá tawa kata', «Munguúdá' sakwasleemár ganaa' ga tleéhh i amá?»

Luka 15:20

Aluuwo iri tláy, iri kií/ amór baabuúwós. «Ala qoomár iwa amorqá' saáw i kahhi, kuri ár nee baabuúwós, guri gurtláy. Baabá iri amoorós i ta'aaín, guri slaqwtós i óh, guri ma'aás.

Luka 2:25

Baraadá' Yerusalemuwo heeko i deer, umuuwós a Simeon. Inós a heé hota ganaá' oo Mungú gwa haratlintii'. Gurkwa/asár múk Israeli gan daamaarán ar haraxu'uti. Inós Qeeruú hhoohhoó' oo Mungú gu kón.

Tlehhema'aá ya/Abuuse 5:31

Mungú heewí guri xirfayeés ar dakós oo doó /iyáy, as tawa heé úr nee ba/amusmo, as múk Israeli nguwa hhu'u'úngw i huwi nee hingeemisuú tlakweema nguwa slaya'.

Rumi 5:20

Hara'aya nina hardát as dakuúsadá' iwa doogiin ak alé. Ala tlakweema niwa tlahhiyé', gurtleemuú Mungú iri ak ló' wa doogín sleeme.

Rumi 9:22

Mungú xaraasleemawós gi laqaamár wa slaa', nee aleesleemuuwós nguwa laqan. Ala Mungú xaraasleemawós gaa ala alqiítl, nee xooslaadá' taa qwanáy wa tleéhh, gana ala máy ar qitluú yaariír, as mingiwa hhitín.

Efeso 1:6

Adoorí gana tleéhh as atén tsuuqaawós kuká' xiríf kiwa ló'wa ilaiwawa/aan, as adoodá' inós tira ló'wa tsuúq, qoomár Garmaawós kuduú sla'aarusmo nguwa atén i haniís.

Efeso 1:8

Gurtleemuuwí nguna atén i tlahhás. Adoorí gana tleéhh ar baraá sagalooarós nee xu'utirós sleémeero.

DABE 32:4

Inós a tlaa/a, gadiyeérós gár kawa /aár i káhh lohduuwós sleémeero i ganaaiyá'. Inós a Munguú inkihhím nee ku dakuús wásl, inós ku hhoó' nee i ganaa'.

Yakobo 5:11

Ga/aawaak, mukdá' aa qiqtlaatlin ay alhhe'eesaay atén un babawaan a múk amohhoó'. Kuungá' kángw qiqtlíngw Yobu ugwa axasé', nee aga aandé' tidá' Aako aa dír Yobú i tleéhh alhhe'eesaywo. Aako guruuwós iri tláy nee inós i haats gurtleemuuwo.

2 Petro 3:15

Nee kuungá' xuaak adoorí Aako iwa qiqtlin a pa/ángw ba/ama ngu dirhúngií hanmiis. Tam hhiyaarén, kuduú sla'aarusmo, Paulo, adoorí sleeme ngaa gooín amorhúng i alé. Inós kuna geeraharahaár nee sagalooadá' aa dír Mungú wa sláy.

2 Petro 3:9

Muu bahh'alé i kaahi, Aako al'axweesantós boo/eesaro i tligatliik. Ala a adoosingeeká. A inós kuungá' nun sageeqiqtlín. Asma tam heé wák iwa qwaari ga slaiiká. Ala masók sleémeero tlakweemaaín ngin hhu'u'uná'.

1 SAMUELI 2:3

Axweesanoó daara/aango ma kumiitaara', axweesanoó taqnaa/i mawaak. Asma AAKOÓ MUNGÚ a Munguú mura' gu xuú', asma inós tlehhma'aá muu gin aldakuut.