ISAYA 30:15 - Biblía Axweesantá Hhohho' ar Mungú 2004

¹⁵ Asma Aakoó MUNGÚ, Kudá' Hhoohhoó' oo Israeli i kaahi, «Kuungá' an ba/aandá' ar loohír niwa amor'eéní ki/a' nee tawa dir'eéní xaslita'. Kuungá' bara xaslité' nee aníng bira harahhifé', daqaní /uuru u sleerá'.» Ala kuungá' adoorí aga slai'iiká.

ISAYA 30:15 Iomraidhean Croise

1 QOM'I 5:20

Inooín Mungú nguna harahhifiyé' nee alee/isaay ngway firiné' qoomár iwa slaqwiya'. Mungú firor'ín gay mu/aywaáts, inooín baali ngay slayé' dír múk Hajiri nee dír mukduú hatlae.

2 QOM'I 16:8

Xáy, múk Kushi nee oo Libyawo slaqwaruuser'ín ka ureéke? Nee gaarduuín nee múk faras ngwaa i tsa/ani ki yaariíreéke? Ala kuúng qoomaadae AAKOÓ MUNGÚ una haraahhíf, nee inós inooín ngay haniís gawaá dabaawók i alé.

2 QOM'I 32:8

Inós /uuruú hee kilós gun kón, ala atén AAKOÓ MUNGÚ, Munguúrén, u koomaán, atén ti alee/iis, slamí tin aleeslaaqw.» /Aymi'iikaá waawutmo Hesekia muu nguna /uurií doogiyé'.

WARA'AMI 116:7

Muunaáeé', daxta aa yaandahhe'eés, asma AAKOÓ MUNGÚ iga hhooeemaáy tleéhh.

TI'INAANGW 14:14

AAKOÓ MUNGÚ kuungá' nu aleslaaqw, kuungá' garhúng a tawo xasliita kilós.»

ISAYA 28:12

Tam adoorihe inós aáng gina báy, «Dír hungu/usarhúng arengaay, heedaádá' aa slaaqaat i hungu/uusi, diirí an dír tay hungu/usa'.» Ala inooín iaaín ngina alií naatsiyé'.

ISAYA 30:11

Warqawé', lohdaá looeema mawaak, atén ti meere' mawa kumitaán daanduú Mungú axamisuuwo, Kudá' Hhoohhoó' oo Israeli.› »

ISAYA 30:7

Asma alee/isoó múk Misri a adór tawo nee kahhaay. Gawaá adoorihe aníng Misri ngiri báw ‹Umuuwók a dayshamoó aa xasliit.› »

ISAYA 32:17

Nee as sakwasleemár ganaa'a muu iri hoot ar wayda, nee as hotaá ganaa'á', muu in hoot ar amohhooa nee saxareema ay kureeraá kureér.

ISAYA 32:18

Muk'eé' iri hoot ar wayda, nin hootiyá' ar amohhooa nee ar yaanda hhe'eesa.

ISAYA 40:31

Ala kudá' sleémeero AAKOÓ MUNGÚ harahhifá', inooín /uuruú /abén ngu slaslayá', inooín tari adór gwaresuú wa gáwtí tláy ar hhampe'eeri. Inooín nin ti'ii'iná' ta baloó slaaqatiiká, tan hi'iimiit ta baloó nusqumiitiiká.

ISAYA 42:24

Xáy, heé Yakobo gwaa haasaáng tleehh nee múk Israeli gwa fiis, Xáy, a AAKOÓ MUNGUHEKÁHE kudá' atén taa sadakusaán, kudá' handá' lohuuwós ooharo taa siaán, nee dabeerós taa iialooesaniiká.

ISAYA 45:22

Amor'eé' ki/aare' nee tundu ba/amisi, kuungaásíngaá ku/iyaá yaamu sleémeero. Asma aníng a Mungú, Munguú hatlá' i kaahh.

ISAYA 7:4

ku beeto, gám magaáhh, xasliít, ma da'ayumitaar sleeme ma munesiaar as buhhtaá Resini waawutmoó Aramu, nee awa garmoó Remalia. Kuká' tsaraawo a adór quuír migír ar gwaa'.

YEREMIA 23:36

Ala daanduú huwár AAKOÓ MUNGÚ mukuwa malé oó', asma tidá' hee i axweesi an huwaarós ar kilá'. Nee muu axweesantá Munguúdá' slaáf gan paslmis. Inós an AAKOÓ MUNGÚ Aleesleemusmo Munguúín.

Matayo 22:3

Lawaaleerós gana ya/aáw mukdá' taa doó duuxoórí dahi'ís, nguwa ateetiya'. Ala mukdá' iri sií' daqeemuuwo.

Matayo 23:37

«Aá Yerusalému, Yerusalému, kiídá' aaruusér tsu/aa/iim, nee mukdá' tinda amoorók i ya/aáw un tlaqwaaqút ar tlaa/e. A sagaáwa magá' án mukók nguwa dinkwárí burumburtá wa slaá', adoodár koonki tsiioorós ngir baraá hhaampi'iiwósií burumburaariin, ala kuungá' aga ya/aandi'iiká.

Luka 13:34

«Yerusalému, Yerusalému, kiíngadá' aaruusér tsu/a/iim, nee kudá' tinda amoorók ya/aáw kiwa tlaqwaqut ar tlaa/e. A sagaáwa magá' án mukók nguwa burumburtá wa slaa', adoodár koonki tsiioorós ngir burumburariin baraá hhaampi'iiwós, ala kuungá' aga ya/aandi'iiká.

Yohana 5:40

Ala kuungá' a sla'a'aaká niwa amor'eé' hardata' as slafiingw kuwa sleera'.

Ebrania 12:25

Ala qaytsité', Yésuudá' nee kuungá' axweesá' mu siaara'. Asma mukdá' Mungú gwa sii' iiárií qaasaro, qoomár iwa axweés baraá yaamu ar afór Mose, mukdá' aa ba/anká. Ala atén adór tar ba/aman a adoomá, barnaxes kudá' gawaá doorí wa axweés ugwa siaán?