ISAYA 30:13 - Biblía Axweesantá Hhohho' ar Mungú 2004

¹³ gawaá adoorihe, tlakweemasingá' kuungá' nu qwaareesiyá', adór koo/ír gáwtí tleér ar aa tsatit, adór koo/ír aa tsatit iri yaamií hú' hamtidár kilae.

ISAYA 30:13 Iomraidhean Croise

1 WAAWITÁ 20:30

Kudá' naa meetiye' niri /akumitiyé' baraá gixsár Afeki. Didár gixsár Afekiro kiri i huuhu'ún nee koo/i, slaqwaruusér kume mibeeri tsár nee faanqw kari tsuú/. Ben-hadadi iri ta'aaín iri nahhaát baraá qul/irka ar baraá gixsadá'.

YOBU 36:18

Ti kilók ila/ xarasleema muwa niqár ayé', laqaá muruú yaariír oo tir tu/ muwa qwaareés.

WARA'AMI 62:3

Ay xaylá hee ku /amaatsegaagita', kuungá' sleémeero kuwa dinkwaárií muxa', inós barqo adór baquú huuhu'uúm, laqaá koo/ír dingiim.

WARA'AMI 62:4

Baraá axweesanto tin kaahi slayá', as kuwa dahhi dirós tidá' ilaiwa/ameero, inooín lama ngi saqwalaala/iyá', afer'ine /ayma'aá tsuuqaá koomá' kin kah, ala baraá muner'ine tan lu'umis.

AXWEESANOÓ SAGALOOA 29:1

Heé ta gurbuaaín daqtá yaariire bira da/eewa gawdeés, in wa'aá wák ar qeqtín, sleeme i kotsqotiiká.

AXWEESANOÓ SAGALOOA 6:15

Gawaá adoorihe looár wake slahh'amu gu sláy, gu ar slahhasiiká. Looár wake i qeqtín tam tu/tós i káhh.

ISAYA 22:14

AAKOÓ MUNGÚ Aleesleemusmo kaangwí nguna dir'eéní geehhooeés, kaahi, «Looeemaawo, tlakweemaaká' ki gurtlayká ay dír tay qatli.» Aako MUNGÚ Aleesleemusmo tí gana oó'.

ISAYA 26:21

Asma ga/aawaak, AAKOÓ MUNGÚ ni tláy dirós tidá' i dirii'i, as yaamuloouusér yaamuuká' ngiwa muxi as tlakweemaaín, tam tseerduudá' taa ku'umamiís hhape sleeme gi gu/uká, tam tu'uudá' sleeme hhape gi tuuntukká.

ISAYA 29:5

Wakuuseerók tidá' yaariir i adór teeri tleehhít, nee mukdá' kiíng iga baramaanumaamiis ku adór tsinór balaangw tleehh, kaangwí in gaanslár tleehharuut.

ISAYA 30:26

Baalaadae slahhaangw in gwa/aat ar adór tsee/amá, nee tsee/amá in gwa/aat sagáwa faánqw wa alé, adór tsee/amuú deelo faanqw kuna baalár wák gwa/atís. Adoorí i tleehharút bál AAKOÓ MUNGÚ mukós kudá' aa muúx burngwa huungu/uusár áy, nee inkaahha'aá mukós birnga tseegár áy.

ISAYA 47:11

Gár tlaakw in sleér ar ta baloó aleesleeraaká pa/asaro Ala amotlakwe i haraxupút ar ta baloó aleesleeraaká kwirhhitaro, tin hhaamiis ar gaanslaay ar adór ta baloó xu'ka.

ISAYA 48:3

Muruú aa tleehharuut nguna iimír aáng wa oó', Aníng ar afkueénuú kilae una axweés nee nguri dirhúng i xu'utís, nee nguri gaanslár boo/eés.

ISAYA 58:12

Taanguhúng kudaá aáng ki male /abees, kuungá' tari tleehhitá' gawaá iihhafiirír aáng, kuungá' tunduri bay, ‹Múk koo/i gaa /abees tleehharo, múk lohaá yaamaá ta hooti gaa /abees tleehharo.› »

ISAYA 65:7

AAKOÓ MUNGÚ i kaahi, «Tlakweemaaín nee awa baabi'ii'ín in dinkwaárí buú'. Asma inooín mooyángw tsuú' nguna gawaá tlom'ií wa da/a/ané', ina gawaá gongoamoó wa /ooslisliné'. Aníng qoomoó haáts un dir'ín i qoomeés, kin buu' as tlehhmi'ii'ín kudaá aáng naa tleehhiyé'.»

Matayo 7:27

Tluwaay iri tluúw, yau nay wa/iyé' amór dó' i alé, nee fur'a guri i fukuukú', do'dá' guri diingís iri huú'. Nee adór do'dá' ira huú' ka ló'wa slasla/aar.»

Luka 6:49

Ala kudá' axweesante'eé' gaa axaas, adoodá' i kat gari tleehhiiká, slaqsaywós a adór heé do' gwa tleehh gawaá hhasaangw, koo/i gaa gawdeesiiká. Ma'aay niwa amoodií wa/iyé' ar /uuru, nguri adaá dahhiyé'. Adór do'dá' ira huú' ka ló'wa tlaakw.»