ISAYA 30:12 - Biblía Axweesantá Hhohho' ar Mungú 2004

¹² Gawaá adoorihe, Kudá' Hhoohhoó' oo Israeli i kaahi, «As kuungá' axweesante'eé' kawa sié', tari ak naagisé' sagaagawduuwo nee baramaaniro, muruuwí kuri harahhifé',

ISAYA 30:12 Iomraidhean Croise

WARA'AMI 52:7

«Ga/aawaak, laatí heewí an kudá' Mungú gwa dír guwaywós tleehhiiká. Ala aqo har daqaari'iimarós gana harahhiíf, nee diihhooa gari baraadá' wa leelehhiít.»

WARA'AMI 62:10

Harahhifoorók ma qaasaar baraá muruú hara/uuntsa, laqaá ma daara/aamaar ar daqaari'iimár fiiso, daqaari'iima bira tláhh, muunaáwók munguwa hayót.

AXWEESANOÓ SAGALOOA 24:2

Asma inslaway'ín sleémeero gár i leelehhiiti a tlehhma tlakwe, nee afer'ín gár i axwes a hhita kilós.

ISAYA 26:21

Asma ga/aawaak, AAKOÓ MUNGÚ ni tláy dirós tidá' i dirii'i, as yaamuloouusér yaamuuká' ngiwa muxi as tlakweemaaín, tam tseerduudá' taa ku'umamiís hhape sleeme gi gu/uká, tam tu'uudá' sleeme hhape gi tuuntukká.

ISAYA 28:15

Asma kuungá' a kata', «Atén nee gwa'ara alqado aga tleehhaán, nee gi'i taa axweesani slawaán, qoomár amotlakwe bir taa i hardát, amoorén ngi keeraaká, asma lama ana dír guwayrén tleehhaán, nee al/ayma an dír tay nahhataan.»

ISAYA 3:14

AAKOÓ MUNGÚ i dah baraá sakwasleema, dinkwa nee bariise nee geeraharuusér mukós, «Kuungá' an kudá' qaymór sabiíbu aga /age', daqaari'iimár taa dír narkuutér wa hayohindé', aga batsé' baraá marayhúng.

ISAYA 3:15

Gár muk'eé' kus baramaanusa' a milá? Nee gár narkuute kas slahh'eemisa'? Anuú Aakoó MUNGÚ Aleesleemusmo, nu yaahamiís.»

ISAYA 30:1

AAKOÓ MUNGÚ i kaahi, «Tsaxwaaín na/iidá' aníng iga aahhiye', kudá' gurbu'úngw sla'á', ala kwe'eé' ngu slaiiaaká, kudá' dinku'uumár nee muu ngi sla'á', ala ar qeeruueé' ngi slaiiaaká, as kahhó' pa/ángw tlakweema ngir iinkikii/iyá' nguwa slaya'.

ISAYA 30:7

Asma alee/isoó múk Misri a adór tawo nee kahhaay. Gawaá adoorihe aníng Misri ngiri báw ‹Umuuwók a dayshamoó aa xasliit.› »

ISAYA 47:10

Kiíng aga yaandahhe'és baraá tlakweemaawók ale, a kat, ‹Heé aníng i ga/áw i kaahh.› Sagalooarók nee xu'utiroge iga qwaareesiyé', tari baraá muunaáwók i ó', ‹Aníng a kilooeé', heé hatlá' oo adór aníng i kaahh.›

ISAYA 5:24

Gawaá adoorihe, adoodá' tsángw asla hhaanslaá kaaharen ngir /aa/ayi, nee adór gitsór kaaharen ir slururuumaamit, dee/áruuín in slupuut, nee /ayor'ín ka gáwtí ufaahh adór teeri. Asma dabér AAKOÓ MUNGÚ Aleesleemusmo ngaa si'iyé', nee axweesantá Kudá' Hhoohhoó' oo Israeli ngaa waaqaaiyé'.

ISAYA 5:7

Asma qaymór sabiíbu ar AAKOÓ MUNGÚ Aleesleemusmo, an xoorór Israeli. Sabiíbuudá' hhohhó' naa dahaás, an múk Yuda. Inós geera gana mak haraxuú' sakwasleemár ganaa' ngiwa tleehhiya', ala naxés nina tsu/uutiyé'. Geera gár aa haraxuú' a hotaá ganaa'á', ala naxés gaa an /aa/e.

ISAYA 59:13

AAKOÓ MUNGÚ, atén aga dee/aanutaán nee ugwa satlaankaán, Munguúrén eeharto ugwa mawaán. Gár ta axweemamisaan a baramaani nee aahhi. Baraá muneerene lameemo in aldakutaán nee in kaahaán.

ISAYA 59:4

Heé muruú ganaá' gu iinuús i kaahh, heé kwasleemár tlehhiít ar inkihhimu i kaahh, axweesanoó tawo ngun harahhifiyá', kuungá' lameemo in axweemaamisá'. Kuungá' tlakweema in qoomaamesá', nee tlakweemaahúng i laqwaliná'.

ISAYA 7:9

Slám ságw Efraimu a Samaria, nee ságw Samaria a garmoó Remalia. Barnaxes a haratlintatia'aaká, looeemaawo a gawdura'aaká.»

ISAYA 8:6

«Asma mukwí ma'aá Shiloa kudá' tseegisárár wa/amiimá' ngina si'iyé', inooín Resini nee garmoó Remalia ngina saqwala/iyé',

YEREMIA 13:25

AAKOÓ MUNGÚ i kaahi, «Gaarí an tidá' kuúng u slaw, gaarí an tidá' anuú AAKOÓ MUNGÚ naa kuúng i qoomeés, asma kuúng aníng iga gunqaarés, lameemo kiri harahhíf.

AMOS 2:4

AAKOÓ MUNGÚ i kaahi, «Aníng múk Yuda muxtaaro u mawaaká, as tlakweema ngiwa tlehhaahhitiyé'. Asma inooín dabér AAKOÓ MUNGÚ eeharto ngina si'iyé', tam kaahirós sleeme ngaa oohii'iiká. Ala lamtaín tidá' i tlaqaaqatiya' gay dahás baraá qwanaay tidá' aáng taati'ii'ín naa eehariyé'.

Luka 10:16

Yesu eeharuuseerós gari báy, «Heé axweesantahúng gaa ya/an, a axweesante'eé' gana ya/án. Heé kuungá' naa sii', a án ina sií'. Oo aníng iga sii', a kudá' án iga ya/aaw guna sií'.»

1 Tesalonike 4:8

Umuúqo heewo oo intsaahhasarí gaa sii', a kaahaaká hee guna sií', ala a Mungú guna sií', kudá' Qeeruuwós oo hhoohhoó' ngu dirhúngií hanmiís.