ISAYA 30:10 - Biblía Axweesantá Hhohho' ar Mungú 2004

¹⁰ Inooín iigu'utuuse ngin babaya', ‹Iigu'utu mu ara'araara',› nee aarusmo ngun babaya', ‹Muruurén oo ló' mu kaahaar, ala muruú atén ni sla'aan na alki/iiteek, muruú al/ayma na dahareemiseek.

ISAYA 30:10 Iomraidhean Croise

1 WAAWITÁ 21:20

Ahabu Eliya nguwa ár iri oó', «Aá wakusmooeé', iga harati'íti?» Eliya iri oó', «Án kuúng gár usa harati'iít asma kuúng tina kilók weerís baraá tlakweema dír geeraá AAKOÓ MUNGUHE.

1 WAAWITÁ 22:27

Muu ku beer, ‹Heewí dahaasaak baraá doó tseegamoórí alé nee ku muruú /aymár niina i hanisá' nee ma'aay ay dír aníng nay waatl baraá slaqwaraaro ar wayda.› »

2 QOM'I 16:10

Axweesantír iigu'utusmo Hanani waawutmo Asa guna buhhtís, Hanani kway dahaás baraá doó tseegamo kway ya'a' tsegiít ar peehhoó iló'. Qoomaadár kilae waawutmo Asa muu bahh ale gway iimu/ún slahh'emisuwo.

2 QOM'I 25:16

Ala qoomár heé Mungú axweesantí ngiwa hhe'eesiiká, waawutmo Amasia guri báy, «Xasliít kuúng, a xaylá kuúng tuwa hara'ayusmoó waawutmoó wa qaás? Hamí an slá'a tuwa gaasi?» Aarusmoodá' iri xasliít, iri malé oó', «Aníng a xuú' adór Mungú ngira ístí tsaát kuúng uwa hhaamiis as adoorí taa tléhh, slamí hamí hara'ayar'eé' aga sí'.»

YOBU 41:3

Kuúng bara ga/eér unqo beera, ‹Na'ás, án geemawáng?› nee unqo axweesanoó fur'ár tsáií húba?

ISAYA 28:15

Asma kuungá' a kata', «Atén nee gwa'ara alqado aga tleehhaán, nee gi'i taa axweesani slawaán, qoomár amotlakwe bir taa i hardát, amoorén ngi keeraaká, asma lama ana dír guwayrén tleehhaán, nee al/ayma an dír tay nahhataan.»

ISAYA 29:10

Asma AAKOÓ MUNGÚ qeeruú gu'utér ilo' ngi huwahuúw, ngwa gawaahúngí ku'uús, nee ilaá kuungaásaá aaruuse gina tuuntuúk, nee sagér kuungásingá' muruú araa'ará' gana giwísh.

ISAYA 5:20

Tsaxwaaín mukdá' tlakweema ngi hhooeemaá babaawá', nee hhooeema ngi tlakweemaá babaawá'. Giwtiro ta kaahi a gwa/aateema, nee gwa/aateema kin babay giwti. Qarqaraywo ta kaahi nuqnuqaay, nee nuqnuqaay dir'ine a qarqaraay.

YEREMIA 11:21

Gawaá adoorihe AAKOÓ MUNGÚ i kaahi daanduú múk Anatotiro, kudá' slafiingók ngu leelehhiitá', nee kaahá', Ma aaririmaar ar umuú AAKOÓ MUNGÚ, bar adooriheeká u gaasaán ar dabaarén.

YEREMIA 23:17

AAKOÓ MUNGÚ i kaahi, «Inooín i lakiitiaaká mukdá' axweesante'eé' ga waaqaqaá' nguwa babaya', ‹Gár tlaakw ar nu slaw i káhh.› Nee umuúqo heewo oo sagagawduuwós gu eeharaahár ngun babaya', ‹Gár tlaakw ar u slaw i káhh.› »

YEREMIA 26:11

Qoomaarihe kaahamuusér Mungú, nee aaruuse, niri axweesiyé' dír geeraharuuse nee muu sleémeero kiri báy, «Heewí gár kuwa hariím a gaasa, asma muruudá' aa aarín daanduú gixsarihe, adoodá' kuungá' kilá' iaahunge kura axasé'.»

YEREMIA 29:27

Ahaá waáy, Yeremia kuduú Anatoti, kudá' ti aarusmoó ila qamiím, gár kusa iigahhati'iiká a milá?›

YEREMIA 36:29

Nee daanduú waawutmo Yehoyakimu waawutmoó Yudawo ta o', anuú AAKOÓ MUNGÚ a kah, kuúng kitaábuudá' una dá/, a didií kat, ahaá waáy gár kángw waawutmoó Babuloni ngusa gooín, iwa kaahi, ‹Yaamuuká' gi hhitín, muu nee makaywo giri hhaamiis.›

YEREMIA 38:4

Geeraharuuse waawutmo guri beér, «Heewí gár kuwa hariím a gaasa, asma i slaqwaruusér diqiya' tlaaq nee mukdá' aa baraá gixsarí meeti. Baraá axweesanaywós kwihe inós mukwí gu hhooárí slaiiká, ala gár ngwi slai a amotlakwe.»

YEREMIA 5:31

Aaruuse i lamtá aariiriín, kaahamuusér Mungú muu gun geeraharaahát ar sager'ín, slám muk'eé' adoodá' ga slaa'. Ala alhhe'eesoó tí birna xáy, adór ta /isa' a adoomá?

AMOS 2:12

«Ala kuungá' mukdá' al'axweesanoó qamiím una xufiitisé' difaáiro, aaruuse kay beeré', ‹Ma aariirimaara'.›

AMOS 7:13

Ala ma malé ki/aar tawa aaririin diirír Beteliro, asma diirí an didá' hhoohhoo' ar waawutmo, slám diirí a doó saalíngw waawuti'iimarí.»

MIKA 2:11

«Heé kuungá' ta sla'a' a kudá' lamtá dahaaremiís nee al/ayma, oo káh, ‹Xuftár yaariir a sleerá' tawa wahaanda' tay oonimitá'.› Aarusmoó adoorír axweés, an kudá' nee kuungá' ti slawá'.

MIKA 2:6

Muu aníng in babay, «/Aymi'iisíng awa sakwasleema mingi atén babawaar, kangwsíng ta kat mu alki/iitaar. Asma Mungú atén ti mureekeesiiká.

Yohana 7:7

Múk aa haratlintii'iiká kuungá' nu aahhiiká, ala aníng iga aáhh. Asma án inooín in ádbabáw adór tlehhemi'ii'ín kir tlákw.

Yohana 8:45

Ala aníng looeema in káh, an gár án kuungá' is haratlintatia'aaká.

Tlehhema'aá ya/Abuuse 4:17

Ala /aymi'iiká' mindiwa xu'utitiyé' dír muko, nee inooín in iigahhaataán as mindiwa malé axweesiyé' dír muko ar umuuwí.»

Tlehhema'aá ya/Abuuse 5:28

«Atén kuungá' naa ló'wa hara'ayiimániíke niwa kaahaan kuungá' ma intsaahhatimisara' ar umuuwí. Ala hám qaytsité', intsaahhatimisuuhúng Yerusalemu gaa dalaá/, nee kuungá' tseerér heehúng kudá' ngi gawaarén i huwtá wa sla'á'.»

Rumi 16:18

Asma múk adór kwí Aakoorén Yesu Kristo gu sagadiyuusiiká, ala a gur'er'ín kilós kan sagadiyuus. Inooín múk hhaawuuse ngun al/aginá' ar axweesanay'ín oo tsatsaa'arén nee oo sla'atimís.

Galatia 4:16

Ala hamí aníng aga wakusmo tleehhiíti asma looeema ngiwa dirhúngií alki/iít?

2 Timoteo 4:3

Asma qooma i hardát ar muu intsaahhatimisuuduú ló' nguwa si'i. Aluuwo intsaahhatuuser'ín ar yaariir kari leeleehh ar adoodá' inooín ta slai, as intsaahhatimisuudá' inooín ta slai kuwa axamiisi.

2 Timoteo 4:4

Inooín looeema kiri sii' axamisuuwo, nee tiitár lama kari i warqáy.

Geehhoeemaá 11:7

Ala inooín lamabu'ungw'ín bar ngwa hhe'eesiyé', makiito'oodá' baraá bohóngw aa tsarere'eét daahh, iri sláqw nee inooín, nee inooín giri arbá/ giri tsú/.

1 SAMUELI 9:9

Bál geera baraá yaamaá Israeliro hee bira kángw yaahasár áy dír Mungú in ooi, «Axáy, góh amór iigu'utusmo.» Asma heé de'emaakae ta bay aarusmo, bál geera kun bay iigu'utusmo.