ISAYA 30:1 - Biblía Axweesantá Hhohho' ar Mungú 2004

¹ AAKOÓ MUNGÚ i kaahi, «Tsaxwaaín na/iidá' aníng iga aahhiye', kudá' gurbu'úngw sla'á', ala kwe'eé' ngu slaiiaaká, kudá' dinku'uumár nee muu ngi sla'á', ala ar qeeruueé' ngi slaiiaaká, as kahhó' pa/ángw tlakweema ngir iinkikii/iyá' nguwa slaya'.

ISAYA 30:1 Iomraidhean Croise

2 WAAWITÁ 18:21

Hám qaytsiít daxta múk Misri una harahhíf, inooín a adór hhartá aa qet, tidá' hee birnga ar qadiís gun dawa mút. Adoorí an adoodá' waawutmo Farao oo Misri i dirii'i dír mukdá' sleémeero inós gu harahhifa.›

2 WAAWITÁ 18:24

Ahaá kuungá' heé wák oo niiná baraá sagadiyuusér aakooeene adór kur alií ki/isa' a adoomá, bartaqae kuungá' gár ta koonda' i káhh, aqo múk Misri un harahhifá', nee mukdá' farasuuín gu madiít.

WARA'AMI 61:4

An hoót baraá do'ók wa ale ay alhhe'eesay wasle. Ni goów niwa nahhaat baraá guruú hhampe'eeriwók i alé.

ISAYA 1:2

Iia qaasaak kuungaá doóri, iia qaasaak kuungaá yaámu, asma AAKOÓ MUNGÚ aa axweés, iwa kaahi, «Na/ii ina /aymiís nee ina umiím, ala iga aldee/anuutiyé'.»

ISAYA 1:23

Geeraharuuseerók a dee/aanuuse nee mulqér fisuuse. Umuúqo heewo gár i slai a slukma. Nee qeemu gun alti'ii'ín. Panaay ku aleeslaqwiiká, nee kwasleemár kwaalo'o ka dir'ín i huwahuwiiká.

ISAYA 1:4

Tsaxwaahúng kuugaásíng xoorór iringuuse. Kuungá' a múk taa al'ilooúy nee tlakweema, xwaylár tlakweemaá tlehhaahhiit, na/aá al/aymárár hotaatimá'. Kuungá' AAKOÓ MUNGÚ ugwa geexeeré', kudá' Hhoohhoó' oo Israeli ugwa waaqaé', taa falo kwahhé', tari alií ki/é'.

ISAYA 1:5

Kuungá' a sla'á'a tunduwa muxi tam hamí? Baré a kumitá' baraá dee/aanuuwo. Saga in adáwa tiiq, muunaáwók i slahhaa'

ISAYA 28:15

Asma kuungá' a kata', «Atén nee gwa'ara alqado aga tleehhaán, nee gi'i taa axweesani slawaán, qoomár amotlakwe bir taa i hardát, amoorén ngi keeraaká, asma lama ana dír guwayrén tleehhaán, nee al/ayma an dír tay nahhataan.»

ISAYA 28:20

Asma dír kuungae a adór heé aa qaat gawaá qatanír ququmaar, nee adór heé tsatmír inqwaari gaa uuntsuus.

ISAYA 29:15

«Tsaxwaaín mukdá' axweesanay'ín gu dír AAKOÓ MUNGÚ wa lu/u/uúm, nee mukdá' tlehhmi'ii'ín baraá giwtírí diriiá', mukdá' káh, ‹Heé atén ti ga/áw a heemá? Heé atén ti xuú' a heemá?›

ISAYA 30:9

Asma mukwí a múk aa dee/aanuut, inooín a na/aá lamuuse, a na/aá intsaahhatisár AAKOÓ MUNGÚ ngi sla'aa'aaká axaasaro.

ISAYA 31:1

Tsaxwaaín mukdá' Misrirí alee/isoó firór aa'áw nee kudá' farasuú harahhifafiít. Mukdá' gaardaá slaqwara ngi harahhifá' as kiwa yaariír, kudá' múk farsuú i tsa/a/ám gu harahhiíf as tawa múk /uureemaá koóm. Ala Kudá' Hhoohhoó' oo Israeli ngu i qaytsimiitiaaká, tam sleeme AAKOÓ MUNGÚ ngu yaahamiisiaaká.

ISAYA 32:2

Umuúqo heewo tari adór dír tay gogoowi qoomár fur'aaro. Tari adór dír tay nahhat qoomár tluwoó dukto. Umuú heewo tari adór yaaér ma'aá koom ar baraá yaamaá kaahaar, tari adór mahhatír tlaa/ár yaangariir ar baraá xaanxaay.

ISAYA 4:5

Aluuwo umuúqo diiro gawaá tloomár Siyoniro, nee wa/aamér dinku'uumár muko, qoomár tlaatla/ango AAKOÓ MUNGÚ gan huunkár tuuntuuk, nee xweeraawo gan tuuntuuk ar quui nee tsángw asla oo gwa/aát. Tam adoorihe xirfuú AAKOÓ MUNGÚ gixsa sleémeero gan tuuntuuk ar heémaarós, nee gari de'én.

ISAYA 5:18

Tsaxwaaín kudá' dakuúsár uuruxuumá' ar himuú lama, awa tlakweema ngi uuruxuumá' ar himuú gaári,

ISAYA 63:10

Ala inooín tana dee/aanuút, qeeruuwós kudá' hhoohhoó' nguna gurhaamír ar ayé'. Gawaá adoorihe inós iri warqáy tari wakusmooín, inósuú kilá' iri amor'ín i muxuút.

ISAYA 65:2

Aníng dabaaeé' ina laqaqaám tlatla/aangw sleémeero dír mukdá' a dee/aanuut. Kudá' lohdaá qooma'aakár hootá' kudá' sager'ín kilós ngi /ayá'.

ISAYA 8:11

Asma AAKOÓ MUNGÚ aníng ina i axweés, iri óh ar dakós oo /uuruú koóm, as loohír mukwí mawa eehár, ina gurbuú' iwa kaahi,

ISAYA 8:12

«Miti haragaasara' nee mukwí baraá kaahir'ine, tam muruudá' inooín i da'ayumitiya', kuúng mu da'ayumitaar, laqaá ma xurumitaar.

ISAYA 8:19

Nee qoomár burna bayé', «Tlawé' gi'i yaahamisuú awaak, nee muruú /ayma'aá mululu'uúm adór tsir/o, asma i qoón muu munguii'ín ngiwa yaahamisiya', nee múk aa qaatl kuwa yaahamiisi as múk slaáf.»

YEREMIA 17:5

AAKOÓ MUNGÚ i kaahi, «Heé hee gu harahhiíf i tsarere'eeti, kudá' handá' /uuruú hee gwaa harahhiif, kudá' baraá muunaáwose AAKOÓ MUNGÚ gwaa sii'.

YEREMIA 2:18

Xáy hám daxta, gár ta sleera' a milá tawa /eté' baraá yaamaá Misri as ma'aá yaaér Nili kiwa wata', laqaá tawa Ashurúr keeré', gár ta sleera' a milá ma'aá yaaér Eufrate kiwa wata'.

YEREMIA 37:7

«Anuú AAKOÓ MUNGÚ, Munguú Israeli a kah, waawutmoó Yuda kudá' kuúng ugwa ya/aw as aníng iwa firiin, ku beer, ‹Ga/aaweek slaqwaruusér Farao tidá' naa hardat as kuúng uwa alee/is, i kí/ baraá yaamaá Misri, ayaaín kudá' ta dahhi.

YEREMIA 4:17

Yerusalemu ngiri harweeriyá' adór xuumuusér qamu, asma mukós aníng ina aáhh. tí AAKOÓ MUNGÚ tí ngina oó'.

YEREMIA 42:19

Yeremia muu guri báy, «Kuungaáká múk Yahudi aga mete', AAKOÓ MUNGÚ nuna báy, ‹Ma yaamaá Misrír kawaara'.› Gurbu'te'eé' tí xu'uti hhe'eesaak, tí nuwa báw,

YEREMIA 5:23

Ala mukwí ku ló'wa mune gawdén nee aa dee/anuút. Aníng iga si'iyé' lohduuín ngiri eehariyé'.»

ESEKIELI 11:2

AAKOÓ MUNGÚ aníng iri báy, «Heewí, mukwí an kuduú muruú tlákw iimi/u/uúm, nee a múk hara'ayár qoomaaká hanmiís baraakaá gixsaro,

ESEKIELI 2:3

iwa báy, «Xáy kuúng heé, u ya/aáw amór múk Israeli, xoorodá' a múk aa dee/anuut, tidá' aníng iga ahh. Inooín aníng iga sadakumamisiyé' ay laarí, adoodá' aáng baabi'ii'ín naa tleehhiyé'.

ESEKIELI 24:3

Muk'eé' kwí aa dee/anuut slaqsaywí tay laqaan, nee ki beer, Aníng Aakoó MUNGÚ a kah, ‹Hutlaay qaaseek gawaá akweeso, ku ma'áy qasá'.

ESEKIELI 29:16

Múk Misri ku malé harahhifiiká nee múk Israeli. Múk Israeli gay tsaahh adór tar dakuús múk Misri kuwa harahhifi, nee ngay tsaahhiyá' adór aníng tar Aakoó MUNGÚ.»

ESEKIELI 3:9

Aníng kuúng u pihháy qaás, tay adór miislidá' gawit ta umuúqo tlaa/anoowo, an adoodá' ura saga gawdeés. Kuúng inooín mi da'ayumitaar, nee sleeme gitsee/er'ín muwa dae tláq, asma mukwí an múk aa dee/anuut.»

HOSEA 11:6

Gixsaduín ki qwaarees ar slaqwara, nee afér maray'ín kari giqáy ar paangadu, inooín kiri hhaamiis, baraá guruú koo/ir'ín tidá' gawit.

HOSEA 13:2

Hám daxta tana ak kumiít tlakweema tlehhtuuwo, inooín munguú slaqsaay kway tleéhh ar peésa. Heé fuqurángw koóm slaqsaywí guna tleéhh ar peésa. Muruuwí sleémeero kuna tleéhh nee heé kwahhór baál, tari oó', «Ilahhooár muruú ta tsu/i dír muruuwí ti hanmisé'.» Muu slaqsi'iidá' mungui ngiri ma'amisiyé', kudá' taa tleéhh ar slaqsoó dama.

HOSEA 7:13

A tsaxwaaín! Asma naa aníng wa gowiyé', alók in hhaná'! Asma aníng iga si'iyé'. Aníng inooín in mak ba/amisár wa slaá', ala inooín aníng i lámtí tlaaqiyá'.

SEKARIA 4:6

Aníng iri báy, «Gaarí an axweesantá AAKOÓ MUNGÚ ar aa oó' dír Serubabeli iwa kaahi, ‹Arba/ati a sleeraaká ar /uuruuwók, laqaá ar aleesleemuuwók kilós, ala an sleér ar /uuruú qeeruueé'.› Anuú AAKOÓ MUNGÚ Aleesleemusmo tí an káh.

FAARO 32:14

Hamí daxta kuungaá qartá tlakuuse, kitángw baabi'iihúng una eeré', as buhhtaá AAKOÓ MUNGÚ kiwa doga' gawaá daanduú múk Israeli.

Rumi 2:5

Ala kuúng muunaáwók kwisíng gawide nee oo hhu'uu'úngw sla'aakahe xarasleemaá Mungú in gawaawók i tlahhmís ay bál sakwasleemár Mungú, baldá' sakwasleemár Mungú ar ganaa' bar kinga geehhooeés.

DABE 29:19

Barnaxes axweesanoó alqadoorí, tí hamí lo'o kawa /agé', hee gwaa axaás, aluuwo iri sagós ar awín, nee iri ooi, ‹Aníng gár i aw i káhh, tam aníng sagagawduueé' bura eehár,› gaarí kuungá' sleémeero nu fák, múk tlákw nee oo hhoe.

DABE 9:24

Iimír aáng ilaaeé' niwa pa/iia, kuungá' aqo múk AAKOÓ MUNGÚ gu ahhahhiít.

DABE 9:7

«Tidá' ma baloó gunqareesara', adoodá' AAKOÓ MUNGÚ, Munguúhúng kura buhhtisé' baraadaá xaanxaywo. Iimidá' kuungá' tawa baraá yaamaá Misrír wa ti'ité', ay baalaarír laarí hám tawa diirí diria', kuungá' an kumaamitá' AAKOÓ MUNGÚ kuwa ahhahhita'.

2 Timoteo 3:13

Ala múk tlákw nee al/aymuuse ta ak geerií kumiit baraá tlakweemaawo. Inooín in al/aginá', nee slám inooín awa kilá' kaa al/aáy.

YOSHUA 9:14

Múk Israeli muruú /aymaadá' ta kon nee mukduú Gibeoni kuri /aáy as kawa laqan ar adór al'axweesantadá' kara ya/án. Ala múk Israeli AAKOÓ MUNGÚ gwaa yaahasiiká gawaá daanduú tihe.