ISAYA 3:9 - Biblía Axweesantá Hhohho' ar Mungú 2004

⁹ Gitsee/er'ín baraá aán gár ir lamabu'uun a tlakweemaaín kudá', adór kuqaá Sodoma, slám ki lu/u/unká. Mukwí a tsaxwaaín, asma hhintleemooín ngaa tlakweemár ayé'.

ISAYA 3:9 Iomraidhean Croise

IIMU/UUNGW 13:13

Ala múk Sodoma a múk tlákw oo tlakweemaá yaariir gaa tlehhahhiit dír geeraá AAKOÓ MUNGUHE.

IIMU/UUNGW 19:34

Bál tsár dasír ur ar niina gana beér, «Ga/aaweek, aníng ana alqaataán nee baabá /isá'. U malé wahaasaán xweerakaákae, kiíng ta dát, ta qát dirós, as na/ii kiwa slawaan.»

IIMU/UUNGW 4:5

Ala AAKOÓ MUNGÚ kwa qwal/atisiiká nee Kaini, tam nee ilahhooarose. Kaini iri ló'wa buúhh, tam gitsee/aawós niri quyuuiyé'.

2 WAAWITÁ 9:30

Yehu iwa hardáh Yesre'eli, Yesebeli kangwdá' aa tleehharuut gwa qaroó geerií axás. Hhamhhamaá ilaawós gina parootús ar wahaaso nee se'eengós guri xáf, iri tleér dír pa/aangw, iri baráy ii qaytsít.

WARA'AMI 10:4

Tlakusmo baraá daara/aangose Mungú gu leelehhiitiiká. Baraá inslawaywós sleémeerowo Mungú i kaahh.

AXWEESANOÓ SAGALOOA 15:32

Heé gurbu'utá waaqaqaá' tin kilós waaqaqaa', Ala heé gurbu'úngw axamiís tsaahha ga sláy.

AXWEESANOÓ SAGALOOA 30:13

Barakarka aga aandiiká, daara/aango in tawo gáwtí gú', Ala gár ta tsatsahhan i káhh.

AXWEESANOÓ SAGALOOA 8:36

Ala heé aníng iga dakuus, a tin kilós slahh'eemiis. nee heé aníng iga aahh, a gwa'ara gana waatlakweés.»

ISAYA 1:10

Axweesantá AAKOÓ MUNGÚ iiárií qaasaak, kuungaá adór geeraharuusér Sodoma, intsaahhasár Munguúrén iiárií qaasaak, kuungaásingá' múk tlákw adór kuduú Gomora.

ISAYA 3:16

AAKOÓ MUNGÚ i kaahi, «Dasuú Siyoni iwa daara/an, bir hi'iimitiyá' sage nga gáwtí kawaawa'ané', nee ilaaín in tawo waseeliná' as ilatleeri. Hi'itanor'ín ar taqanaa/i, i hara mitingaroó tsingili'imisiyá' ar ya'aaín.

ISAYA 57:20

Ala múk tlákw a adór tlawtá aa /eeraa gwa', tidá' gwaanduuwós tsauwaaká, ala in baa/ír duxuún nee xwaanslayhe.»

ISAYA 59:12

Asma tlakweemaarén dír geeraawoge naa ló'wa tlahhiyé', atén tlakweemaarén tin lamabu'uná', atén nee tlakweemaarén tin alkoomakoomaán, nee tlakweemaarén iga tsaahhaán.

YEREMIA 2:19

Tlakweemahúng awa kilá' kuungá' nu muxiyá', nee kuungá' lo'o nu eér as aníng iwa geexeeré'. Gimsé' xuaak, ka ló'wa tlaakw nee a gár slahh'eemiis, anuú AAKOÓ MUNGÚ, Munguúhúng, bira geexeeré', nee ilaiwa/amer'eé' bara hingesé' baraá muunerhunge. Anuú Aakoó MUNGÚ Aleesleemusmo tí ngina oó'.

YEREMIA 3:3

Gawaá adoorihe baafáy i taxatiiká, tam tluwoó saxi i tluwiiká. Tam adoorihe ilaahúng ki gawden adór kuqaá tsaatuso'o, mure tam ar niiná i káhh.

YEREMIA 6:15

Xáy, qoomár tawa tlehhma'aá slasla/aren tlehhiiti mure ka ara'ári? Aasla'áy, mure ka ara'ariiká tam ar niiná. Tam adór baraá gitsee/er'ine ngir laqana' ngi xuiaaká. Gawaá adoorihe inooín ta alhuu' nee kudá' huuhu'uumá' qoomár bira slaáhh ngiri hhaamiís. Anuú AAKOÓ MUNGÚ tí ngina oó'.»

YEREMIA 8:12

Kuungá' tunda mureekeési qoomár muruudá' ta waki kuwa tlehhité'. Aasla'áy, kaa mureekesiiká, tam mureekesoó niiná ngwaa slay'iiká. Gawaá adoorihe inooín i huuiyá' baraá tla/ángw mukdá' aa huuhu'un. Qoomár bira sakwasleemút ta hhán. Anuú AAKOÓ MUNGÚ tí ngina oó'.»

WA/AA/I 5:16

Muruudá' aáng tira diidi'iimisaán aa faák, tsaxwaarén asma tlakweema iga tleehhaán.

ESEKIELI 16:30

«Anuú Aakoó MUNGÚ aa kah, Kiíng gár i gaamiis a hheehhár fuqi kilós. Asma fuqi ana i xupú' tam murér niiná a ara'aandaaká.

ESEKIELI 16:49

Dakuúsár hho'oorók Sodoma a tí. Inós nee dasuuwós muruú /ayma nee balángw yaariír nguwa slayé', daara/ángw yaariír gina áy, tari pora/amuút, kudá' dabe kaaharen alee/iisaro ngina gunqareesiyé'.

ESEKIELI 23:16

Inós slaqsi'iikaá mukwí ngiwa aán, hheehha gari gás, gura' gari óh, ya/abuuse gari ya/áp ay yaamaá Kaldayo.

DANIELI 7:20

Aníng sleeme ana slaá' kángw niiná kunguwa alki/iiti daanduú xareemidaá mibaango, daanduú xarmoó naa aluúwaá ti'iit, slám dír nira ti'iitiká xareemaá tám nina tu/umitiyé'. Xarmoodá' ilaá koóm nee afko, kuduú axweesanoó daara/aangw gwa axwees, nee handá' ku ak úr dír xareemaá hatlae.

HOSEA 13:9

Aá múk Israeli, án kuungá' nu hhaamiís, heé kuungá' nu tuú/ a heemá?

HOSEA 5:5

Nee daara/ángw múk Israeli ku geehhoó'. Gawaá adoorihe inooín ta dukuuts baraá tlakweemaaín. Múk Yuda sleeme i aldukuuts dinkwa nee inooín.

Rumi 6:23

Asma bu'utuú tlakweema a gwa'ara, ala gár Mungú atén tir qay a slafíngw alhhe'eesay wásl baraá Kristo Yesu Aakoorén.

Geehhoeemaá 11:8

Nee tu'uuín kiri geexáy baraá loohidár gixsár ur. Gixsadá' baraá qeeruuwo umuuwós ta babay Sodoma nee Misri. Nee slám gixsarí an tidá' Aakooín kwi kikií' gawaá msalaába.

1 SAMUELI 15:32

Aluuwo Samueli iri oó', «Agagi waawutmoó múk Amaleki diirí huwaare'.» Agagi iri amór Samueli káy ar qwala/, asma ngiwa xui slahh'amkuduú gwa'ara aa waaraáhh.