ISAYA 3:24 - Biblía Axweesantá Hhohho' ar Mungú 2004

²⁴ Kitángw mooyángw tsuú' iwa pieelin, gaa a dixte. Kitángw himuú hhoohhooe, gaa a tlaatlawi kan tseek. Kitángw se'éngw hhohhoe, gaa a paynú in er'emiit. Kitángw tlabaá hhohhoe, gaa a slaxareemo kin tsiit. Kitángw hhohhoaariro gaa a alsi'imu.

ISAYA 3:24 Iomraidhean Croise

ESTA 2:12

Dasuuwí tin parootumaamiis har afiqoomár slahheeraá mibaá nee tsare, slahheeraá lahhoó' kudaá geeraawo manemane kan slikaakín, nee slahheeraá lahhoó' awa hatlae kudaá alhhe'eesaay mooyaangw nee di/oó hatlae ngun slikiná', alaá adoorí bira hhooeér umuúqo dasiiro kan huuw dír geeraá waawutmo Ahasuero.

YOBU 16:15

Aníng guniyadu iga tsiít as niwa tsuunqumiis, taa qaroó baál, aga iwiít baraá hhape.

AXWEESANOÓ SAGALOOA 31:24

Tlaba' gin tléhh ar kitaáni, giri weerís dír halanuuse Him'ér ta afeetleérí tsegiiti gan tléhh gari weerís dír halanuuse.

AXWEESANOÓ SAGALOOA 7:17

Mooyángw ta babay manemane, ugwa qaás, nee oo uúdi nee oo dalasiíniro sleeme.

ISAYA 15:2

Múk gixsár Giboni ta gáwtí tsa/aa/án, amór wa/aamér tawa sluufmaamisi as tawa tsuunqumisuú ay. Múk Moabu ta tsuunqumiis as múk Nebu nee Medeba. Sleémeero sager'ín ngaa deeqwiyé', daamoó kaa deequút sleémeero.

ISAYA 15:3

Múk baraá loohiro waraáhh guniyadu gaa tsiít. Gawaá daandeemaá maraywo, nee baraá afeenaaro, umuú heewo in tsuunqumiis nee iri hirqamiit hhirhheeriwo.

ISAYA 22:12

Baalaadae Aako MUNGÚ Aleesleemusmo muu gun bay, «/Aa/amimé' nee tsuunqumisé', nee deequmé', nee guniyadu siinootaak.»

ISAYA 3:23

nee tlabaá /aankwetsuú laqaaqama'a, nee tlabaá taa kitaánír tleehhi, nee warqamaá sageero, nee sheélaro.

ISAYA 4:4

Qoomaadae Aako slasla/aruú /ameenár Siyoni nee tseerér Yerusalemu gun hhoohhooees ar qeeruú gi sakwasleemuút nee oo gi da/a/aám ar asla.

ISAYA 57:9

Kuungá' mooyángw tsuú' oo yaariír una sleeré', di/aay una hubé' dír munguúdá' ta bay Moloki. Kuungá' ya/abuuserhúng ana ya/abité' amór saaw, sleeme ana ya/abité' ay baraá gi'i.

YEREMIA 4:8

Gawaá adoorihe tlabaá guniyadu tsiitaak, tsuunqumisé' nee /aa/amimé' tawa kata', ‹Buhhtaá AAKOÓ MUNGÚ kudá' xaraaslá' daanduurene naa faaki'iiká.› »

YEREMIA 48:37

Umuú heewo saga nee daamode gaa deéqw. Dabaaín sleémeero ka gwehhaahhín nee tlabaá guniyadu nga siinotiyé'.

YEREMIA 49:3

«Múk Heshboni, tsuunqumisé', asma gixsár Ai ka hhaamiis. Ala kuungá' dasuú Raba, /aa/amiimé', guniyadu siinootaak. Tsuunqumisé' nee tii'iimé' amorqá' nee tiqae baraá afeenarhunge. Asma munguú dá' ta bay Milkomu ku huuw baraá loohaay dinkwa nee kaahamuuseerose nee sagadiyuuseerós.

YEREMIA 6:26

Tlabaá guniyadu dahasaak, muk'eé', nee ta gwangwara'amitá' baraá da/arár wa aleeró. Tsuunqumisé' ar /aa/aá uren, adór heé na/aywós oo wák aa gwaa'. Asma heedá' nu hhaamiís ni gaanslár hardah.

WA/AA/I 2:10

Bariisér Siyóni aa yaamií iwít iri qartlamít, sager'ín ngay hhapér i kwakwaahhiyé', gunaydu ngiri tsiitiyé'. /Amatliitér Yerusalemu sager'ín ngay xupu'usiyé' ay yaamu.

ESEKIELI 27:31

Inooín sager'ín ngaa deeqwiyé' as kiíng, nee tlabaá guniyadu ngaa dahaasiyé', tari ló'wa /aa/amín ar slahh'amaayér ur as kiíng.

ESEKIELI 7:18

Inooín tlabaá guniyadu ngiri tsiitiyá', dae giri eér. Inooín niri muruutiyá' nee sager'ín sleémeero kari deeqw.

Yoeli 1:8

Tsuunqumisé', adór /amaatliito'ór guniyadu gaa tsit, as garmaadá' inós ga duxuút.

TLAHHOÓ LAÁWI 26:16

daqaní aníng adoorí an tleéhh, nun slaáhh ar nuwa de'ér urií huuw ar gaanslaay, nee tiqtír da/eewe, nee ga/atantá nu ila' taampuupuuw, nuri naduduúr. Dahaasingwhúng un dahaasiindá' ala u gár wa sleera'aaká, asma wakuuserhúng gun /ák.

AMOS 8:10

Aníng deelorhúng ar ur an warqeés tawa deelór tsuunqumis, nee daa'angwhúng sleémeero oo bara/ tari /aa/e, kuungá' sleémeero guniyadu kiri tsitá' as gurhaami, nee sagerhúng kari deqwá' adór xwayliitér /aa/amiim as garmoó aayoorose wák ina kahhuút, nee deelór alhhe'eesaay tay slahh'amuú úr.»

MIKA 1:16

Kuungá' múk yaamaá Yuda, se'eemerhúng deeqwaak tawa tsuunqumisa' as na/iihúng kudá' ta sla'a'. Sagerhúng adór tiqár gwares tleehhaak, asma na/iihúng kir tláy nee wakuuse ay yaamaá saawá'.

DABE 28:22

AAKOÓ MUNGÚ kuúng un slaahh ar hayaahaymó kaaharén nee ga/atani, nee um'i, nee ar tsee/amuú siiree/i, nee slahheemasi, nee bambaao, nee danuhe. Muruuwí sleémeero kuúng un sláy ay dír tay hhaan.

DABE 32:24

Inooín qwari gi hhaamiis, nee duuraai gin fák, i tiqtír tlákw i kwaáhh. Aníng i makaá xaraaslá' i tleés, nee dayshér qarkú koom, tidá' gur'ér ar hi'imiit.

1 Petro 3:3

Kuungá' tlaáwaay, hhohhoaari ma leelehhitara' ar parootír slaqwa, adór se'eengw kuwa hhutlita', nee tiwa parootusa' ar sahaábu, nee ar inqwaruú hhohhó'.

Geehhoeemaá 11:3

Nee aníng lamabu'uuser'eé' ar tsár a ya/aáw. Inooín tari aarirín deelo kumuú wák nee tsiire tsár nee mibeeri lahhoó'. Inooín tsitay'ín a guniyadu.»

Geehhoeemaá 16:9

Muu kuri ló'wa da/aa/án, ala tam adoorihe inooín umuú Mungú nguri /ooslisliné', kudá' aleesleemuú koóm daanduú muxtaarihe, nee slám taa hhu'u'unká, nee Mungú kwa xirfayeesiiká.

Geehhoeemaá 18:9

Nee waawituú baraá yaamu, kudá' aa fuquus nee inós, nee kudá' nee inós diihhooa kaa al/aay, inooín tari tsuunqumiis qoomár quuír asltá inós gaa xaawuur bar kaa ár.