ISAYA 3:17 - Biblía Axweesantá Hhohho' ar Mungú 2004

¹⁷ Gawaá adoorihe anuú Aako /ameenár Siyoni an slaáhh ar sager'ín deei ngiwa uhiin, se'eemer'ín an deéqw, Anuú AAKOÓ MUNGÚ inooín ngiri /ankweetsiís.»

ISAYA 3:17 Iomraidhean Croise

DAA'AANGW 3:11

Áx gimsé', qwalaasé', kuungá' awa /ameenár Siyoni! Waawutmo Solomon qaytár awaare'! Slamángw aayoorós aa tléhh ngwa dahaás bál deelór duuxoorose, deelór muunaáwós qwal/uwo iwa haáts.

ISAYA 20:4

gawaá adoorihe waawutmoó Ashuru múk Misri nee oo Kushiro gu ar tláy baraá lawaali'iima, múk urén nee na/iiwo. Ginar tláy awa /aankwets nee ya'aá tawo nee gwe'ede tsee/a, múk Misri kuri mureekees.

ISAYA 3:16

AAKOÓ MUNGÚ i kaahi, «Dasuú Siyoni iwa daara/an, bir hi'iimitiyá' sage nga gáwtí kawaawa'ané', nee ilaaín in tawo waseeliná' as ilatleeri. Hi'itanor'ín ar taqanaa/i, i hara mitingaroó tsingili'imisiyá' ar ya'aaín.

ISAYA 3:18

Baala i hardát ar Aako muruudá' sleémeero /ameenár Yerusalemu ir daara/aan nguwa hayoohi, mungi'i nee himtaawero,

YEREMIA 13:22

Kuúng bara baraá muunaáwógií ó', «Ahaá waáy, gár kaangwí isa sláy?» Asma tlakweemadá' ur taa tléhh, an gár tusa /aankweetsiís, nee an gár tusa óh ar /uuru.

TLAHHOÓ LAÁWI 21:20

Heé aa daanda guhhuu', heé ququmaár ta hariímaro, heé ilaawós maraangwáy, heé xir'amuú koóm, heé deeír koóm, heé dir/ír koóm, laqaá heé taa karmúy miwa tseewúy as ilahhooár mikaáte ngiwa dír Mungú i haniisi.

MIKA 1:11

Kuungaásingá' yaamuloousér baraá gixsár Shafírí, tlawsé' ar mure nee /aankwets. Kuungaásingá' baraá gixsár Sa'ananír wa hootá', ma tsee/ií ti'iitara' baraá gixsaro. Asma múk baraá gixsár Bet-eseli ta tsuunqumiis, asma alee/isaydá' ta slaslay dirhúng wa ale aa faák.

NAHUMU 3:5

AAKOÓ MUNGÚ Aleesleemusmo i kaahi, «Ga/aaweek, aníng a slaáqw nee kiíng, aníng tlabaawók in waatleés ay gawaá sagók, aníng xoordu ngiri /aankwetsuuwók i laqaám, nee waawuti'ima ngiri alsi'imuuwók i laqaám.

DABE 28:27

AAKOÓ MUNGÚ kuúng un slaahh ar um'iidaá múk Misri, nee ar inkahha'aá gur'e, nee tiqtír qulhháy, nee deei tidá' baloó hungu/aaká.

Geehhoeemaá 16:2

Malaykamoó geera iri tláy, slooqomoowós guri ku'uús gawaá daanduú yaamu. Mukdá' layár makiito'oodá' ga koóm, nee oo murslaaqatuuwós kudá' gwa i tumbarara'amiit, mukwí kuri ohín nee um'aá tlakw, awa slahh'eemisá'.