ISAYA 3:15 - Biblía Axweesantá Hhohho' ar Mungú 2004

¹⁵ Gár muk'eé' kus baramaanusa' a milá? Nee gár narkuute kas slahh'eemisa'? Anuú Aakoó MUNGÚ Aleesleemusmo, nu yaahamiís.»

ISAYA 3:15 Iomraidhean Croise

WARA'AMI 94:5

AAKOÓ MUNGÚ, mukók kun naasúy, mukók kuduú aalirók ar kilá' kun baramaanuus.

TI'INAANGW 5:14

Ga/aawuuseedár múk Israeli tidá' taa qaás nee sagesihhtuusér Farao kari muúx nee sagesihhtuuseedá', nee kiri yaahamiís tawa kaahi, «Gár qoomayduú matofaáli oo /isá' nee laarí kusa hatsisi'iiká a milá, adór /iisí ta tlehhaahhita'?»

AXWEESANOÓ SAGALOOA 30:14

Barakarka afer'ín a adór tsabu Sihheni'ín a adór tsati'i Narkuute ngi /ayiyá' as kawa faaki baraá yaamuwo Nee mukdá' gaa wásl kuwa /ayi baraá ayko.

ISAYA 10:2

Gan'amuú múk aleemaá koóm kun /itiitín, nee muruú narkuute kun fisiisín kuduú gan'amuuín, kwaeeli a adór maraando dir'ine, panaay a sluqor'ín.

ISAYA 14:30

Asma na/aá baris awa narkuute in aaxiyá', nee múk gaawásl ta hoot a saxareema. Ala aníng na/iihúng i tsuú/ ar qwari, nee panmoó aa meet dirhunge un gaás.

ISAYA 26:6

Daxta gixsadá' ya'aá muu ngin adarahiyá' ya'aá narkuute ngin adarahiyá' nee ya'aá múk alemaá koóm sleeme.

ISAYA 29:19

Múk tsaén qwal/uú tsuaaiím gun sláy baraá AAKOÓ MUNGUHE, nee múk narkuute iri ló'wa baraa/ as Kudá' Hhoohhoó' oo Israeli.

ISAYA 30:12

Gawaá adoorihe, Kudá' Hhoohhoó' oo Israeli i kaahi, «As kuungá' axweesante'eé' kawa sié', tari ak naagisé' sagaagawduuwo nee baramaaniro, muruuwí kuri harahhifé',

ISAYA 32:6

Asma daktana gár i axwes a daktu'uuma, nee inslaway'ín gar i qoomeemesi a tlakweema. Muruú amór Mungú aasaaká ngun tlehhiitiyá', nee axweesanoó tlákw daanduú AAKOÓ MUNGUHE ngun kaahiyá', múk qwariít ngun qwárkwí ga/ayá', nee múk waxiít ngun /itiyá' ma'aywo.

ISAYA 5:7

Asma qaymór sabiíbu ar AAKOÓ MUNGÚ Aleesleemusmo, an xoorór Israeli. Sabiíbuudá' hhohhó' naa dahaás, an múk Yuda. Inós geera gana mak haraxuú' sakwasleemár ganaa' ngiwa tleehhiya', ala naxés nina tsu/uutiyé'. Geera gár aa haraxuú' a hotaá ganaa'á', ala naxés gaa an /aa/e.

ISAYA 58:4

Gaa/awaak, kuungá' gár tas gwaawiwindá' a tí kilós tawa giliinda', nee tawa slaqwa' nee tiwa tuu'uta' ar kuundi'i. Gwaawitór adoorí laarí tar gwaawiwinda', firorhúng ngi hardahaská dir'eé' tidár gawa.

ISAYA 63:8

Asma inós ina oó', «Looeemaawo mukwí a muk'eé', na/iieé' kudaá al/aymuuseerooká.» Nee inós tari ba/amusmooín.

ESEKIELI 18:2

«Ahaá waáy, gár axweesantá bo/ kas inkaaki/a' baraá yaamaá Israeliwo? Tí kah ‹Xwayliité mamaá /eetlá' awa xa'anoó sabiíbu gina /ák, ala sihhnaá na/ii niri ta/anterumitiyé'.›

YONA 1:6

Ala geeraharusmoó miringamoodá' Yona guri i daqáy, guri báy, «Kuúng mas gú'? Daarkiitáng, Munguúwók firiimeek, doóqa Munguúwók atén ti gurtláy as mawa qwaaraán.»