ISAYA 3:14 - Biblía Axweesantá Hhohho' ar Mungú 2004

¹⁴ AAKOÓ MUNGÚ i dah baraá sakwasleema, dinkwa nee bariise nee geeraharuusér mukós, «Kuungá' an kudá' qaymór sabiíbu aga /age', daqaari'iimár taa dír narkuutér wa hayohindé', aga batsé' baraá marayhúng.

ISAYA 3:14 Iomraidhean Croise

YOBU 22:4

Kawa xu' gár Mungú us muxi a as kuwa ilaiwawaá/a? An gár us sakwasleemuúti?

YOBU 24:14

Iimi bir pisli'iimít tsu/utusmo in tseewa ti'iit, as kahhó' narkuute nee mukdá' aleeleém nguwa tsu/i, nee qoomár xweeraawo in fisisín.

YOBU 24:9

Kookariya' i dayá' awa na/oó baabá wásl ngu dír isángw wa hayoohá', na/oó narkutmo nguri arhaánír wá qaasiyá'.

YOBU 34:23

Mungú gár hee ngus baalaárí ooi i káhh ar nguwa sakwasleemuuti.

WARA'AMI 10:9

I gigdín dír naaqór wa ale adór dirángw baraá mar'i. Heé liitlaákw gun haramamahhamiit as nguwa oohi, gun uhín ar tsaaxweeliirós, guri ar tláy.

WARA'AMI 14:4

Xáy, múk tlakweemaá tlehhiít ku tsuwá xu'uti wásle? Ahaá, masta hoot ar muruú muk'eé' kuwa hayohin ar /uuru. Slám inooín AAKOÓ MUNGÚ ngu firirina'aaká.

WARA'AMI 143:2

Án a lawaalmoowók, mi baraá kwasleemár i huwaar. Asma baraá múk slafa heé ganaá' i kaahh diroge.

AXWEESANOÓ SAGALOOA 30:14

Barakarka afer'ín a adór tsabu Sihheni'ín a adór tsati'i Narkuute ngi /ayiyá' as kawa faaki baraá yaamuwo Nee mukdá' gaa wásl kuwa /ayi baraá ayko.

ISAYA 10:1

A tsaxwaaín kudá' hara'ayár gana'aaká ngi qamiimá', nee goouuseedá' hara'ayár slahh'eemiis ga gooi'iim.

ISAYA 10:2

Gan'amuú múk aleemaá koóm kun /itiitín, nee muruú narkuute kun fisiisín kuduú gan'amuuín, kwaeeli a adór maraando dir'ine, panaay a sluqor'ín.

ISAYA 11:4

Ala ar gan'amuuwo narkuute gan sakwasleemuut, inós kudá' tsaén awa yaamu gi kasi tsaat ar adór qoom, nee inós muu gu slaahh ar /aymuú afkós, tlakuuse gan tsuu/ ar hinsluú afkós.

ISAYA 14:30

Asma na/aá baris awa narkuute in aaxiyá', nee múk gaawásl ta hoot a saxareema. Ala aníng na/iihúng i tsuú/ ar qwari, nee panmoó aa meet dirhunge un gaás.

ISAYA 26:6

Daxta gixsadá' ya'aá muu ngin adarahiyá' ya'aá narkuute ngin adarahiyá' nee ya'aá múk alemaá koóm sleeme.

ISAYA 29:19

Múk tsaén qwal/uú tsuaaiím gun sláy baraá AAKOÓ MUNGUHE, nee múk narkuute iri ló'wa baraa/ as Kudá' Hhoohhoó' oo Israeli.

ISAYA 30:12

Gawaá adoorihe, Kudá' Hhoohhoó' oo Israeli i kaahi, «As kuungá' axweesante'eé' kawa sié', tari ak naagisé' sagaagawduuwo nee baramaaniro, muruuwí kuri harahhifé',

ISAYA 5:7

Asma qaymór sabiíbu ar AAKOÓ MUNGÚ Aleesleemusmo, an xoorór Israeli. Sabiíbuudá' hhohhó' naa dahaás, an múk Yuda. Inós geera gana mak haraxuú' sakwasleemár ganaa' ngiwa tleehhiya', ala naxés nina tsu/uutiyé'. Geera gár aa haraxuú' a hotaá ganaa'á', ala naxés gaa an /aa/e.

ISAYA 58:4

Gaa/awaak, kuungá' gár tas gwaawiwindá' a tí kilós tawa giliinda', nee tawa slaqwa' nee tiwa tuu'uta' ar kuundi'i. Gwaawitór adoorí laarí tar gwaawiwinda', firorhúng ngi hardahaská dir'eé' tidár gawa.

YEREMIA 12:10

De'eemuusér yaariir qaymor'eé' ar sabiíbu gaa hhitiín. Daqaari'iimar'eé' nga yaamií kalaa/iyé', qaymor'eé' tidá' hhoohhoo' nga xaanxay tleehhiyé'.

YEREMIA 5:27

Adoodá' slakaatusmo lakwaanti ngir dalaa/i tsir/ór aa ohini, an adoodá' maray'ín nira hatsiyé' muruú fisooro. An gár inooín is /uuruú kona' nee tas daqaare.

ESEKIELI 18:12

narkuute ga hara/untsiitsín nee múk litlakwene, i fisiisín, iinár hee ga buiiká, slaqsi'iidaá munguaá hatlá' gi haratlintatii', nee muruú buhhtamís gu tlehhiit,

ESEKIELI 20:35

Aníng kuungá' nu huúw baraá xaanxoó xoordu, nee amoodae nuri sakwasleemuút.

ESEKIELI 20:36

Adoodá' baabi'iihúng ngira sakwasleemuút baraá yaamaá Misrír wa aleeró, an adoodá' aníng kuungá' nur sakwasleemuut.› Anuú Aakoó MUNGÚ tí aga oó'.

TLAHHOÓ LAÁWI 25:14

Bar yaamaá tlaxuún laqaá in weeramís dír inslaawmoowók, mu hara/uuntsimaar.

TLAHHOÓ LAÁWI 25:17

Miti hara/uuntsimaara', ala Munguúhúng na ilaiwawa/aak. Aníng an AAKOÓ MUNGÚ, Munguúhúng.»

AMOS 2:7

Inooín múk aleesleemuú koomaaká ngun baramaanuusiyá', nee hariímár narkuute kana hayoohín. Garma nee baabuúwós tan fuqtá áy dír dasír wák. Gawaá adoorihe umuueé' kudá' hhoohhoó' nguri meetagaasiyé'.

AMOS 4:1

Axweesantí iiárií qaasaak, kuungaá /ameenár Samaria, ar aa wahhdit adór hikwaá yaamaá Bashanír ale. Kuungaádá' narkuutér baramaanumaamisá' nee mukdá' haleleeamiít, kuungaádá' hhawaateín ngi babaawá', «Gimsé', difaái huware', a xufaán.»

MIKA 2:1

Mukdá' sleémeero muruú tlákw qoomeemeés a tsaxwaaín, asma inooín barta baraá qateenoínií qaát amsiwo muruú tlákw kun qoomeemees, Matlaatleero qatuuwo birna tlayé', muruudá' kway tsuwa tleehh, asma aleesleemu ngu koná'.

MIKA 2:2

Qaymo birnga ilatleeruusiyé', aqo ngin hayohiyá', do' burungwa ilatleeruusiyé', aqo ngun hayohiyá'. Hee nguri baramaanuusiyá', nee múk do'ose, muu nguri aali hayoohiná' sleeme.

MIKA 3:3

nee fu'unaá muk'eé' in /agá', nee kaduuín in daqá', nee faduuín kiri giqeerá'. Nee in tlaqá', kiri supaapiindá' adór fadaá ta baraá hutláy qaasi, nee tay adór fu'unaá baraá qataai.

MIKA 6:10

Xáy, baraá maraá múk tlakwe daqaari'iimár taa sláy ar qoomoó al/ayma i kumitkáhe? Asma xosluudá' tar qoomeemesi a xoslaá al/ayma, kudá' aníng naa aáhh.

Matayo 21:33

«Slaqsoó hatlá' iiárií qaasaak. Heeko i deer oo do'ós koóm. Inós sabiíbu guna dahaás baraá qaymoorós. Qaymo gari yaáw. Bohóngw mamaá sabiíbu ngiwa tsoo/iti guri foól baraá tla/ángw qaymo. /Aampár xuuma gari tleéhh. Qaymo gari saayín dír doosluuse, iri aa'aá káy.

Yakobo 2:6

Ala kuungá' liitlakusmo una mureekesé'. Múk kuungá' nu slahh'eemiís nee nu huwahuúw baraá maraá kwasleema, a daqaareéroóke?