ISAYA 3:10 - Biblía Axweesantá Hhohho' ar Mungú 2004

¹⁰ Múk hota ganaá' ádbawaak adór inooín tar tsiní, asma inooín mamaá tlehhmi'ii'ín ngi /ayiyá'.

ISAYA 3:10 Iomraidhean Croise

IIMU/UUNGW 18:25

Aasla'áy, adoosíng ma tleehhaar, heé hota ganaá' nee tlakusmo kiwa alqwaares. Heé hota ganaá' tawa adór heé tlakusmo, Aasla'áy, sakwasleemusmoó yaamu sleémeero gan'amu gu tleehhikáhe?»

WARA'AMI 58:11

Muu iri ooi, «Ar looeemaawo bu'tuú heé ganaá' i deer. Ar looeemaawo Mungú i deer oo sakwasleemuút baraá yaamuwo.»

TI'INAANGW 1:20

Naagáy Mungú /ameenadá' /ameenár asla a'aw gari hhooeemáy tleéhh, nee múk Ebrania iri ló'wa doogín, nee /uuru kuri ló'wa sláy.

AXWEESANOÓ SAGALOOA 10:6

Heé ganaá' tsuuqa gi sláy, ala afkú heé tlaákw gár gwaa hatsis a afaatli/a.

AXWEESANOÓ SAGALOOA 12:14

Hee hhooeemaá bu'uutá' gin sláy ar axweesanoó afkós, nee kun buu' ar qoomoó gadiyér dabaawós.

AXWEESANOÓ SAGALOOA 13:21

Gitse/aá tlaakwá' heé tlakweemaá tlehhaahhiít ngun eeharahariyá', Ala heé hota ganaá' qeemuú muruú hhó' gu sláy.

AXWEESANOÓ SAGALOOA 18:21

Gwa'ara nee slafiingw baraá tsifraango i dayá', Múk kangós slaá' ngu slayá' oo bu'uút.

DAHARUSMO 8:12

Tlakuuse tlakweema gin tlehhahhít ay sagaá wa tsiiru, tam adoorihe i qatliaaká. Ala aníng a xuú' mukdaádá' Mungú ilaiwawaá/ a múk amohhoó', asma inooín Mungú ngu da'ayumitiyá'.

ISAYA 54:17

Xooslár slaqwara tidá' taa tleéhh as tawa slaqwi nee kuungá', kuungá' adór nu /is i káhh. Heé bura sakwasleemuút doó kwasleemaro, kuungá' an baaliindá'. Gaarí an gadaádá' sagadiyuuser'eé' i sleer, an hariímár naa dír'ín i haniís Anuú AAKOÓ MUNGÚ tí ngina oó'.»

YEREMIA 15:11

AAKOÓ MUNGÚ, axáy lo'or'ín án i /ak, barnaxes aníng kuúng ugwa sagadiyuusiiká ar muunuú /awaák, nee barnaxes aníng kuúng ugwa tsuwa firiimiiká as wakuuser'eé', qoomár kiwa baramaanuusi nee iwa baraá slahh'amií dirii'iya'.

YEREMIA 21:14

Ala aníng kuungá' nun muúx ar har qoomoó tlehhmi'iihúng kudá' taa tlehhé'. Anuú AAKOÓ MUNGÚ an kah, Asla a oohiís baraá darmuuhúng, asltí umuú gaaro ar baraá yaamuudae dáw gari /ák.»

YEREMIA 22:15

Xáy, kuúng kawa xu', tuna waawutmoó wa qaási as do' kuwa tlehh ar xaa'aá sahhta? Baabuúwók ina /ayín nee iri wahán, muruú ganaá' guri tlehhiít, iri hoót ar hotaá ganaa'á'. Umuú gaaro iri ya/aán dirose.

YEREMIA 7:23

Ala aníng hara'ayaarí ana dir'ínií oó', ina báw, ‹Afor'eé' iialooeesaak, daqaní aníng tari Munguúhúng nee kuungá' tari muk'eé'. Adoodá' nura hara'ayiím ar hootaak, adoorí tari hhooa dirhunge.›

ESEKIELI 18:20

Heé tlakweema gaa tleehh an heé gwaá'. Na/aay tlakweemaá baabuúwós ngu gaasiaaká, laqaá baabá tlakweemaá na/aywós ngu gaasiaaká. Gan'amuú heé ganaá', heé i gaa wa bui aqo har inósuú kilá'. Heé tlaákw aqo inósuú kilá', inós tlakweemaawós gin gagaar.

ESEKIELI 9:4

guri báy, «Waaraáhh ar baraá tla/ángw gixsár Yerusalemu, laya qaaseek gawaá gitsee/ér mukdá' gurhamuút nee oo /aa/amiím as muruudá' slasla/arén sleémeero ta tlehhiiti baraá gixsarihe.»

MIKA 7:13

Ala Mungú yaamu gi hhitín, asma tlehhma'aá tlakw awa múk baraadá' wa hoót.

SEFANIA 2:3

AAKOÓ MUNGÚ leelehhaak, kuungásingá' tsatsa'aren sleémeero awa yaamu. Kuungaádá' hara'ayaarós aga eehade', gan'amu leelehhaak. Ti niinawese', doóqa tundu gurtláy bál deelór buhhtaá AAKOÓ MUNGUHE.

MALAKI 3:18

Daqaní kuungá' kay tsahhá' dimbér awa tlakw nee awa ganaa'á', nee dimbér múk Mungú gu sagadiyuús nee oo gu sagadiyuusaaká.› »

Luka 19:19

Tam inós sleeme kuna báy, ‹Aníng kuúng u waawutmoó gixsadaá kooán wa qaás.›

DABE 12:25

Tseere ma /ayaara', asma bar aga /agi'iiká, adór hhoo' aga tlehhé' dír geeraá AAKOÓ Munguhe, nee diihhooa a sleerá', kuungá' nee na/iihunge.

Ebrania 6:10

Asma Mungú i ganaa'. Slám gadiyérhúng tidá' taa tlehhé' ga gunqareesiiká, nee sla'aarirhúng tidá' taa dirós i geehhooesé' ar loohír múk hhohhó' oo Mungú kuwa sagadiyusé' nee slám tam hamí a kumitá' kuwa sagadiyusa'.