ISAYA 29:9 - Biblía Axweesantá Hhohho' ar Mungú 2004

⁹ Waa/oo/é' kiloohúng ta baraá waa/oo/amórí metá', taampumité' kiloohúng ta baraá taampu'umárí metá'! Oniimité' ala ma oonimitara' ar difaái, ta/amiité' ala ma ta/amiitara' as buurár aa hamat.

ISAYA 29:9 Iomraidhean Croise

ISAYA 1:2

Iia qaasaak kuungaá doóri, iia qaasaak kuungaá yaámu, asma AAKOÓ MUNGÚ aa axweés, iwa kaahi, «Na/ii ina /aymiís nee ina umiím, ala iga aldee/anuutiyé'.»

ISAYA 19:14

AAKOÓ MUNGÚ inooín gina inslawoó tlaahhírí kwaáhh, inooín múk Misri nguri leexuyé', baraá muruuín kudá' sleémeero ta tlehhiiti. adór xufutusmoó ta/amiít oo hara wa/amiím.

ISAYA 29:1

Tsaxwaawók, aá gixsár Yerusalemu, kitángw ilahhooa kawa hanmiisi dír Mungú, gixsadá' Daudi aa xaftós tleéhh. Kureeri i hardarahiyá' nee i waraahhiyá', nee deeloorók ar uren i kumít iwa tleehharumit.

ISAYA 29:10

Asma AAKOÓ MUNGÚ qeeruú gu'utér ilo' ngi huwahuúw, ngwa gawaahúngí ku'uús, nee ilaá kuungaásaá aaruuse gina tuuntuúk, nee sagér kuungásingá' muruú araa'ará' gana giwísh.

ISAYA 49:26

Mukdá' kuúng u baramaanuús, aníng un /aymiís ar fu'unaá slaqooín i oonitís ar tseerduuín adór múk a oonimiit ar difaái. Daqaní umuúqo heé slafa gari xuu' adór aníng tar AAKOÓ MUNGÚ, Gweerusmoowók, Ba/amusmoowók kudá' /uuruú koóm oo Yakobo.»

ISAYA 51:17

Tlawáng aá Yerusalemu, sihhtanooro gaalalaa'aát, AAKOÓ MUNGÚ iga wahaás ar slooqomoó buhhtaawós, kiíng un tsaanqás wahto tari ta/amít.

ISAYA 56:10

Asma xuumuusér Israeli a taampu, sleémeero i fuqreeraá kon'aaká, sleémeero a adór seeaawér afe waslen ar hhuheelimaaká, kudá' tawo guá' nee tlatitimá', in tawo gufmisiyá'.

ISAYA 6:10

Munér mukwí daktu'uweek, iaaín mindiwa axamiisiyé', ilaaine mindiwa gaa ariyé', iaaine mindiwa axaasiyé' ngiri tsaahhiyé', ar muner'ine mingiwa tsaahhiyé' mindiwa amor'eé' ki/iyé' niri ba/aná'.»

ISAYA 63:6

Aníng muu una yaamií naka/aruurúw ar buhhtaaeé' inooín ngiri xufitiís ar xarasleemaaeé'. Tseerer'ín ngiri yaamií ku'uús.»

YEREMIA 13:13

Daqaní ki beer, ‹Anuú AAKOÓ MUNGÚ múk yaamuuká' un oonitamís, iimír waawitá kudá' waawuti'iím kitángw Daudi wa ale, nee kaahamuusér Mungú, nee aaruuse nee muu sleémeero oo Yerusalemúr hoót.

YEREMIA 2:12

Aá doóri, daanduú tihe waa/oo/é', nee ta amooqwaqwadiindá', anuú AAKOÓ MUNGÚ tí ngina oó'.

YEREMIA 23:9

Daanduú aaruuseero aníng aga diqay tsatiít, slaqwtaeé' sleémeero ina daaraxát, aníng a adór heé aa ooniit, adór heé buura aa ló'wa ooniitís, asma AAKOÓ MUNGÚ nee as axweesantós tidá' hhoohhoo'.

YEREMIA 25:27

AAKOÓ MUNGÚ, aníng iri báy, inooín ki beer, «Anuú AAKOÓ MUNGÚ Aleesleemusmo, Munguú Israeli, a kah, ‹Wahaak, oonimité' nee ta wa/amiindá', ta huhu'uundá', ma baloó tlawaara' malé aleeró, asma tsu/utaadá' ni huuw tla/angwhúng i ale.›

YEREMIA 4:9

AAKOÓ MUNGÚ i kaahi, «Baalaadae pihh'uumár waawitá nee ar geeraharuuse in fák, nee kaahamuuse iri mafá', nee aaruuse iri da'ayút.»

YEREMIA 51:7

Aáng Babuloni dír AAKOÓ MUNGUHE a adór xooslmoó sahaábu, kudá' aa yaamu sleémeerór wahaás, xoordu sleémeero gina difaáirós ar wahaás gawaá adoorihe xoordu niri slarhhamuumutiyé'.

WA/AA/I 4:21

Qwalaala/é' nee qaseesemé' daxta, kuungaá Edómu, kuungaásingá' yaamaá Usír hootá', ala xooslmoowuú sakwasleema kungu dirhúng i haniis sleeme as kuwa wata', tay oonimitá' tlabaahúng kay kwakwahhá'.

HABAKUKI 1:5

«Baraá xoordu i qaytsitaak, daqaní ta waa/o/á' nee ta samqaarutá', asma aníng gadiyérka a tleéhh dír kuungá' tar slafíngwí kahha', gadiyér kuungá' ta haratlintia'aaká tam kingi ooi.

Matayo 26:45

Yesu iri kií/ dír eeharuuseerós, gari báy, «A kumitá'a gu'uteero as tawa hungu/usa'? Ga/aawaagáy, qooma aa xeér, Garmoó Hee ku qaas baraá dabaá múk tlakuuse.

Marko 14:41

Niwa sagaáwa tám wa kií/, giri báy, «A kumitá'a gu'uteero asma tawa hungu/usa'? A ido. Qoomaadá' aa xeér. Ga/aawaagáy, Garmoó Hee ku qaas gawaá dabaá múk tlakuuse.

Geehhoeemaá 17:6

Aníng ngiri tsaáhh adór /ameenidá' kara oonitiís nee tseerér múk hhohhó' sleémeero oo Mungú, nee ar tseerér mukdá' taa tsuú/ as Yesu kuwa lamabu'ún. Aníng inós ngiwa ár niri ló'wa waa/oó/.