ISAYA 29:5 - Biblía Axweesantá Hhohho' ar Mungú 2004

⁵ Wakuuseerók tidá' yaariir i adór teeri tleehhít, nee mukdá' kiíng iga baramaanumaamiis ku adór tsinór balaangw tleehh, kaangwí in gaanslár tleehharuut.

ISAYA 29:5 Iomraidhean Croise

YOBU 21:18

As kahhó' niwa adór hhaanslaá fur'a ir tlatleer tleehhitiyá', nee adór mundoó bambaao ira tleér.

WARA'AMI 1:4

Ala tlakuuse a adooriheeká. Inooín an adór muundoó fur'a ir tlatleer.

WARA'AMI 35:5

Ta adór mundoó fur'a ir tlatleer tleehhiti, malaykamoó AAKOÓ MUNGÚ ngi haritleesi.

ISAYA 13:11

AAKOÓ MUNGÚ i kaahi, «Aníng yaamu i muúx asma muruudá' tlákw i tlehhaahhitiya', nee múk tlákw un muúx asma tlakweemaaín. Aníng daara/ángw daara/uuse un faák, nee sagabi/uuín nguri yaamií hhaáf, sleeme a baabaqasaaká.

ISAYA 25:3

Gawaá adoorihe, múk /uuremaá koóm kuúng u xirfayeemiis, nee gixsadaá xoordaá tlakw kuúng uri da'ayumitiyá'.

ISAYA 25:4

Asma kuúng ana dír guwaay tleehhít dír narkutmoowo, ana koo/ír gawit tleehhít dír heé aa aleni oo baraá slahh'amu, ana dír guway tleehhít qoomár bambaaór xaraasla, nee ana mahhtí tleehhít qoomár siree/iro. Asma slahhtá múk tlákw i xarásl adór bambaaór fukukuú' gawaá koo/i.

ISAYA 25:5

A adór tsee/amuú siree/i oo gwa/aát baraá yaamaá kaahará', ala kuúng tsimaahhír dahaaye an xasltís, adór tsee/amuú taa óh nee huunki, gawaá adoorihe, daa'ángw múk tlákw ku slar/atis.

ISAYA 29:20

Asma mukdá' baramaanumaamiís ku qwaarees, nee kudá' niqaaqimá' i faakiyá', nee mukdá' gigdaadiím as tlakweema kiwa tleehhi ku hhaamiis.

ISAYA 30:13

gawaá adoorihe, tlakweemasingá' kuungá' nu qwaareesiyá', adór koo/ír gáwtí tleér ar aa tsatit, adór koo/ír aa tsatit iri yaamií hú' hamtidár kilae.

ISAYA 31:3

Múk Misri a muu, inooín a Munguheeká, nee farsuuín a makaay, slám a qeeruwoká. Qoomár AAKOÓ MUNGÚ dakós burngwa tleés xooroodá' ale/isoó hanmamiis kan gee/aasl nee tidá' ta alee/iimisi in hú', xoorduuká tsaraawo niri hhaná'.

ISAYA 31:8

Múk Ashuru ku tsuu/ ar paánga ala ar dákw heewooká. Inooín kin /aay nee paánga ala ar dákw hee ba/a, múk Ashuru tari /akumiit, nee masoombar'ín gadiyér tawa bihhií noongo'otiiká gari tléhh.

ISAYA 37:36

Naagáy malaykamoó AAKOÓ MUNGÚ xweeraawo ina tláy slaqwaruusér Ashuru ar kume tsiiruú wák nee mibeeri dakaát nee kooán gari slururu'uús. Matlaatleero looa niwa tleér naxés mukwí sleémeero an tu'u.

ISAYA 40:15

Ga/aawaak dirose xoordu a adór taxaatár ma'aay ar baraá sirwi. A adór teerír baraá xooslmoó tar qoomeemesi. Ga/aaweek, tam yaamaá niina awa baraá tla/ángw tlawi a adór teerír natsatsaa'.

ISAYA 41:11

Ga/aaweek kudá' kuúng ugwa i buhhiye', iga mureekeés nee kaa baál. Kudá' nee kuúng ti tlaampa'aamisá', inooín a gár tawo nee ki hhaamiis.

ISAYA 41:15

Ga/aawaak aníng nu xooslmoó afa xaraásl oo xoosliingw tleéhh, xooslmoó /abén, afa xaraásl nee oo sihhnaá koóm. Kuungá' tlom'i i xoslá' nee kiri naasuurá', gongooama' kay muundáy tlehhá'.

ISAYA 41:16

Kuungá' in haritlesá' nee fur'a giri ar tleér, bambaao gari diyá/, nee kuungá' tay qwalala/á' dír AAKOÓ Munguúhúng wa aleeró. Baraá Kudá' Hhoohhoó' oo Israeliwo kuungá' tari xirfayeemisá'.

ISAYA 47:11

Gár tlaakw in sleér ar ta baloó aleesleeraaká pa/asaro Ala amotlakwe i haraxupút ar ta baloó aleesleeraaká kwirhhitaro, tin hhaamiis ar gaanslaay ar adór ta baloó xu'ka.

ISAYA 48:3

Muruú aa tleehharuut nguna iimír aáng wa oó', Aníng ar afkueénuú kilae una axweés nee nguri dirhúng i xu'utís, nee nguri gaanslár boo/eés.

AMOS 5:9

Inós múk /uureemaá koóm gun hhaamiis, nee koo/ir'ín tidá' gawden gan fee/.

1 Tesalonike 5:3

Qoomaadá' tawa kaahi, «Wayda i deer nee amohhooa,» qoomaadá' an tidár hhitiru'uuma nuwa hhaawis, adoodá' /ameenír tsiiháy asltá xwayla ngir i hardaraarat. Ala guway ku aleeslayká.