ISAYA 29:3 - Biblía Axweesantá Hhohho' ar Mungú 2004

³ Aníng xafoó slaqwaruuse un harweér ar Yerusalemu, aníng ngiri /aampúr harweér, aníng múk kiíng i haraweél ngun amorógí tleés.

ISAYA 29:3 Iomraidhean Croise

2 WAAWITÁ 18:17

Naagáy waawutmoó Ashuru geeraharusmoó úr oo slaqwaruuse nee geeraharusmoó úr oo askaári nee geeraharusmoó múk taa karmuumúy dinkwa nee slaqwaruusér yaariir, gari ya/aáw amór Lakishi wá ale ay amór waawutmo Hesekia baraá Yerusalemu, niri hardihiyé' baraá Yerusalemu. Inooín niwa hardihiyé' nay sihhitiyé' bihhaá maparír ma'aay tidár bihhaá loohidá' ur, ar amór didár hhuuntsitór kaw.

2 WAAWITÁ 19:32

«Gawaá adoorihe, AAKOÓ MUNGÚ tí gana oó' daanduú waawutmoó Ashuruwo, iwa kaahi, ‹Inós i baloó dahiiká baraá gixsarí, laqaá mahaangw gu tsaxaariiká, laqaá ni hardihiiká ar gaamboót, laqaá gixsarí ga harweeriiká.›

ISAYA 1:8

Gixsár Siyoni kaa kilós geexáy, adór islángw baraá qaymór sabiíbu, adór hháw qaymór taangí, nee adór gixsár taa harweér nee slaqwaruuse.

ESEKIELI 21:22

Mahangwdá' aa dakós oo doó /iyáy huu', gár i laqaaqan a kángw Yerusalemu. Xooslár gixsa fee/a gari amohhe'ees, kángw tsu/uta nee tsimaahhír slaqwara guri oo', xooslár afkú gixsa fee/a kaa amohhe'eés, slumaá gixsa ngaa harweeriye' nee /aampu kina tleéhh.

Matayo 22:7

Waawutmoodá' iri ló'wa buúhh, daqtá askaári gari ya/aáw, mukdaádá' aa tsu/uut kuri tsuú/, nee gixsar'ín kari daá/.

DABE 20:20

Xaa'aá hatlá' awa mamuuín ta /ayiiká tlaqaak ki /aampúr tlehhá' awa ta gixsár ar harwedá' ay dír kay hayota'.»