ISAYA 29:23 - Biblía Axweesantá Hhohho' ar Mungú 2004

²³ Asma qoomár na/ii'ín birnga ariyé', kudá' aníng naa inooíní haniís, inooín umuueé' nguri xirfayeesiyá', umuú Kudá' Hhoohhoó' oo Israeli nguri xirfayemisiyá', nee Munguú Israeli nguri ilaiwawa/iyá'.

ISAYA 29:23 Iomraidhean Croise

ISAYA 19:25

Asma inooín an kudá' AAKOÓ MUNGÚ Aleesleemusmo aa tsuúq, iwa kaahi, «Muk'eé' oo Misri ku tsuuqi, dinkwa nee múk Ashuru kudá' dabaeene naa tleéhh, dinkwa nee múk Israeli kuduú aalir'eé'.»

ISAYA 26:12

Aá AAKOÓ MUNGÚ, kuúng wayda nguna aténí hanís, kuúng gadiyeérén sleémeero ana tléhh as atén.

ISAYA 28:21

Asma AAKOÓ MUNGÚ ni sihhiit adoodá' aa tleéhh amór tloomár Perasimuro. In daa/atúy buhhtaawo adoodá' aa tleéhh baraá xatstá Gibeoniro, as tlehhmi'iiwós kudaá' waa/oo/amo aa qoomeés ngiwa tleehhi, nee gadiyeérós tidá' xuaawasl ngiwa tleehhi.

ISAYA 43:21

Mukdá' naa tleéhh as aníng as xirfuueé' nguwa alki/itiya'.› »

ISAYA 43:7

Umuúqo heewo oo taa ateét ar umuueé', kudá' naa tleéhh as xirfueé', kudá' naa buqumbuquúm nee naa tleéhh.»

ISAYA 45:11

AAKOÓ MUNGÚ kudá' hhoohhoó' oo Israeli nee tleehharusmoó Israeli, i kaahi, «Xáy, aníng kuúng inqo yaahása daanduú na/iieene? Laqaá inqo gaa beéra daanduú gadiyér'eé' ar ni tlehhiita?

ISAYA 5:16

Ala AAKOÓ MUNGÚ Aleesleemusmo tina xirfayeés ar sakwasleemár ganaa', Munguú hhoohhoó' hhohhoaarirós gan laqaaqán ar hotaá ganaa'á'.

ISAYA 60:21

Muu sleémeero tari múk hota ganaá'. Inooín yaamu kin aal ay alhhe'eesay wasle. Inooín an harma/itaeé' ar dabaaene naa dahaás. As kahhó' aníng ti xirfayees.

ISAYA 8:13

Kuúng án kilooeé' na tsaahháng, AAKOÓ MUNGÚ Aleesleemusmo, tiwa hhoohhoó'. Án kilooeé' na ilaiwawa/áng nee na da'ayumitáng.

ESEKIELI 38:16

Múk Israeli kuri haraxeér adór huunkír giiw gawaá daanduú yaamuwo. Qoomaadae aníng kuúng un ya/aáw yaamuueé' kiwa i haratleer, as múk xoordu ngiwa tsaahhi adór aníng kuúng Gógu ura ya/aáw as hhohhoarir'eé' ngiwa laqaám dir'inií ale.›

HOSEA 3:5

Aluuwo múk Israeli i kii/, AAKOÓ MUNGÚ Munguúín kway leelehhiit, nee Daudi waawutmooín. De'emaá alhhe'eesaywo niri ki/iyá' amór AAKOÓ MUNGÚ nee hhooeemawós ar ilaiwa/ame.

TLAHHOÓ LAÁWI 10:3

Mose Aroni guri báy, «Ar tleehhmuuwí taa aán AAKOÓ MUNGÚ gana slaá' ngiwa laqan tidá' iwa oó', ‹Tin laqaám dír mukdá' dir'eéní tseéw, adór tir hhoohhoó', aníng tiri xirfayees nee muu sleémeero.› » Aroni iri qartlamiít.

Matayo 6:9

Gawaá adoorihe kuungá' bar firiiriindá', ta oa', ‹Baabuúrén oo gawaá doorí dirií', umuuwók i xirfuuti,

Efeso 2:10

Asma atén a gadiyér Mungú. Inós atén tina tleéhh ar baraá Kristo Yesu, as atén tlehhma'aá hho' kiwa tleehhaan, kudá' Mungú aa qaroó amohhe'eés as atén kiwa eeharaan.

Geehhoeemaá 15:4

Aáko, heé kuúng u da'ayumiitaaká a heemá, nee heé umuuwók xirfayeemiisaaká a heemá? Asma oo hhoohhoó' a kuúng kilók. Xoordu sleémeero ni hardihiyá' nee niri dír geeraawók i tumbarara'amitiyá', asma tlehhemi'iiwók awa ganaa'á' naa geehhouyé'.»

Geehhoeemaá 19:5

Afór baraá kitángw aleesleemuú daahh iri ó', «Munguúrén na diidi'iimisaak, kuungaásingá' sleémeero awa sagadiyuuseerós, kuungaásingá' Munguú ilaiwawa/á/, múk ninákw nee múk urene.»