ISAYA 29:19 - Biblía Axweesantá Hhohho' ar Mungú 2004

¹⁹ Múk tsaén qwal/uú tsuaaiím gun sláy baraá AAKOÓ MUNGUHE, nee múk narkuute iri ló'wa baraa/ as Kudá' Hhoohhoó' oo Israeli.

ISAYA 29:19 Iomraidhean Croise

WARA'AMI 12:5

AAKOÓ MUNGÚ i kaahi, «Asma liitlakuuse kawa baraamaanusi nee narkuute iwa wa/aa/us, aníng daxta ni hardáh, aníng kudá' i harahhiifá' i amohhooárií haniís.»

WARA'AMI 149:4

Asma AAKOÓ MUNGÚ mukós gu sa qwalalaa/. Múk tsaén gun parootuus ar arba/ati.

WARA'AMI 22:27

Múk baraaká' yaamu sleémeero kaangwí oo AAKOÓ MUNGÚ ku insláy, tari amoorósí kii/. Múk xoordu sleémeero nee tlahhi'i sleémeero AAKOÓ MUNGÚ kway i tumbarara'aat.

WARA'AMI 25:9

Múk tsaén Mungú gu geerahaar baraá hotaá ganaa'a'a, múk tsaén gu intsaahhatis loohirose.

WARA'AMI 37:11

Ala kudá' tsatsa'aren yaamu ngin aaliyá'. Nin qwalaala/iyá' baraá diihhooár faakaaká wa ale.

WARA'AMI 9:18

Mungú narkutmo gu baloó gunqareesiiká. Harahhifór múk liitlakuuse i baloó qwatká ay alhhe'eesay wasle.

ISAYA 11:4

Ala ar gan'amuuwo narkuute gan sakwasleemuut, inós kudá' tsaén awa yaamu gi kasi tsaat ar adór qoom, nee inós muu gu slaahh ar /aymuú afkós, tlakuuse gan tsuu/ ar hinsluú afkós.

ISAYA 14:30

Asma na/aá baris awa narkuute in aaxiyá', nee múk gaawásl ta hoot a saxareema. Ala aníng na/iihúng i tsuú/ ar qwari, nee panmoó aa meet dirhunge un gaás.

ISAYA 14:32

Gár hee ya/abusmoó xoordu ngur mu/aywatsi a milá? Gun bay, «AAKOÓ MUNGÚ gixsár Siyoni gaa tleéhh, nee mukós kudá' taa slahh'eemiís, dir'ín ar guwaay kaa sláy baraá gixsarihe.»

ISAYA 25:4

Asma kuúng ana dír guwaay tleehhít dír narkutmoowo, ana koo/ír gawit tleehhít dír heé aa aleni oo baraá slahh'amu, ana dír guway tleehhít qoomár bambaaór xaraasla, nee ana mahhtí tleehhít qoomár siree/iro. Asma slahhtá múk tlákw i xarásl adór bambaaór fukukuú' gawaá koo/i.

ISAYA 26:6

Daxta gixsadá' ya'aá muu ngin adarahiyá' ya'aá narkuute ngin adarahiyá' nee ya'aá múk alemaá koóm sleeme.

ISAYA 3:14

AAKOÓ MUNGÚ i dah baraá sakwasleema, dinkwa nee bariise nee geeraharuusér mukós, «Kuungá' an kudá' qaymór sabiíbu aga /age', daqaari'iimár taa dír narkuutér wa hayohindé', aga batsé' baraá marayhúng.

ISAYA 3:15

Gár muk'eé' kus baramaanusa' a milá? Nee gár narkuute kas slahh'eemisa'? Anuú Aakoó MUNGÚ Aleesleemusmo, nu yaahamiís.»

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

ISAYA 61:1

Aakoó MUNGÚ, aníng iga hatsiís qeeruuwose, asma AAKOÓ MUNGÚ iga tsawaár, as ya/abtór hho' ngiwa alki/iit dír narkuute. Inós iga ya/aáw kudá' naa munesi'iye' ngiwa gurkwa/as. Iga ya/aáw as kángw gweermo nguwa oo' dír kudá' taa tsegiít, nee ilaá taampu niwa qaytiya'.

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

ISAYA 66:2

AAKOÓ MUNGÚ i kaahi, «Muruuwí sleémeero a gadiyér dabaaeé', gawaá adoorihe muruuwí a kwe'eé'. Ala aníng heé ni i qaytsiit a heé adoorí: Heé tsatsa'aár nee oo aa gwadiidin, nee heé axweesante'eé' ga da'ayumiít.

DANIELI 12:4

«Ala kuúng hám Danieli, muruuwí qaaseek baraá lu/aaráy, kitaábuuwí tseegeek nee ku dugunó i qás ay dír qoomár alhhe'eesay i hardat. Múk yaariír i ta'aaín amorqá' nee taqae, nee fuquraangw i ló'wa doogín.

HABAKUKI 3:18

aníng aqo an kumamiít AAKOÓ MUNGÚ nguwa saqwalalaa/, un saqwalalaá/ Munguúduú ba/amusmooeé'.

SEFANIA 2:3

AAKOÓ MUNGÚ leelehhaak, kuungásingá' tsatsa'aren sleémeero awa yaamu. Kuungaádá' hara'ayaarós aga eehade', gan'amu leelehhaak. Ti niinawese', doóqa tundu gurtláy bál deelór buhhtaá AAKOÓ MUNGUHE.

Matayo 11:29

Taqwante'eé' gawaá sum'iihúngií qaasaak, dir'eé' wa intsatsaahhaak. Asma aníng ti tsatsaa'aár, nee muunaáeé' ku gurhhoó'. Daqaní kuungá' amohhooa a sleerá' baraá munerhunge.

Matayo 11:5

‹Taampu i xumiisiyá', taqooraay i hi'iimiit, múk tiqtír tsatmit ku hheehhe'eemiis, múk iia wásl i axamiis, tu'u ki waasle/atimis nee liitlakuuse ka Ya/abtór hhó' i alki/iit.

Matayo 5:3

«Múk amohhoó' a kudá' narkuú qeeremooín gu tsatsahhaám, asma waawuti'iimár doori a tooín.

Matayo 5:5

Múk amohhoó' a kudá' tsaén, asma inooín yaamu ngi aaliyá'.

Efeso 4:2

Umuúqo daqto masók ti niinaweemisá' nee tawa múk tsatsa'arén, nee oo qiqtliím, tam tiwa sa qiqtliinda' ar baraá sla'aari.

Filipi 4:4

Qwalaala/é' daqisleém baraá Aakoó wa ale, slám nun malé baw, qwalaala/é'.

Yakobo 1:21

Gawaá adoorihe, slasla/aru sleémeero hingeesaak, nee tlakweema sleémeerowo. Axweesantadá' tinda baraá munerhúngií dahaás ilaoohaak ar tsatsa'areema, tidá' kuungá' ba/amisaro nu aleeslaw.

Yakobo 1:9

Hhiya' kudá' uroó koomaaká i qwalaa/i qoomár burku uráy hanmiis nee Mungú.

Yakobo 2:5

Hhaee'eé' awa sla'aaruúse, iia qaasaak. Ahaá, Mungú liitlakuusér baraakaá yaamu gaa tsawaáriíke, tawa daqaarér haratlintaao, nee aaluusér waawuti'iimadá' aa al'axweés ngiwa haniisi dír mukdá' inós gu slaá'.