ISAYA 29:18 - Biblía Axweesantá Hhohho' ar Mungú 2004

¹⁸ Baalaadae múk ia' waslén axweesantá baraá kitaábu barka soomuús ga axaas, nee ilaá taampu niri qaytsitiyá'.

ISAYA 29:18 Iomraidhean Croise

WARA'AMI 119:18

Aníng iimi gwa/atisáng, as kahhó' muruú waa/oo/amór baraá dabeerók nguwa tsaahh.

AXWEESANOÓ SAGALOOA 20:12

Iiár axamiis nee iltá xumiis, sleémeero tsaraawo a AAKOÓ MUNGÚ gina tleéhh.

ISAYA 29:24

Mukdá' baraá hotaá qeeruuwo aa dakuus tsaahha gari ya/án, tam mukdá' qununu/umamiít intsaahhatisa gari ya/án.»

ISAYA 32:3

Heé ilaawós xumiisá' gi sangw gumaamaiiká, nee heé iaawós axamisá' iri ak axamiis.

ISAYA 35:5

Daqaní taampu niri qaytsitiyá' nee iawasli iri axás.

ISAYA 42:19

A heemá oo taampa ala aqo har sagadiyusmooeé', laqaá oo matooyi adór ya/abusmoodá' aníng naa ya/aáwi. A heemá oo taampa adór sagadiyusmoodá' aníng naa paraátl, laqaá oo taampa oo adór sagadiyusmoó AAKOÓ MUNGÚ?

ISAYA 42:7

Taampu in ila' qaytsitís, múk baraá tseegamo kuri gwét, nee mukduú baraá giwti kuri duux.

ISAYA 43:8

Mukwí geerií duuxare', kudá' ilaá koóm ala tam adoorihe i xumisiaaká, mukdá' iaá koóm ala i axmisiaaká.

DANIELI 12:4

«Ala kuúng hám Danieli, muruuwí qaaseek baraá lu/aaráy, kitaábuuwí tseegeek nee ku dugunó i qás ay dír qoomár alhhe'eesay i hardat. Múk yaariír i ta'aaín amorqá' nee taqae, nee fuquraangw i ló'wa doogín.

Matayo 11:5

‹Taampu i xumiisiyá', taqooraay i hi'iimiit, múk tiqtír tsatmit ku hheehhe'eemiis, múk iia wásl i axamiis, tu'u ki waasle/atimis nee liitlakuuse ka Ya/abtór hhó' i alki/iit.

Matayo 16:17

Yesu iri oó', «Símon, garmoó Yona, kuúng a heé amohhoó', asma kaangwí heé ngwa dirók i xu'utis i kaahh, ala aqo Baabuúeé' kuduú gawaá doorí dirií'.

Marko 7:37

Waa/oo/amooro tari harwaaraáhh, tari káh, «Mura' sleémeero tlehhemuuwo gwa qoomeés. Heé iiawasli i axamiis, nee heé afewasli axweesani gaa aleesláy.»

Luka 4:18

«Aako aníng iga Qeeruuwós i haniís, asma inós aníng iga tsawaár, Ya/abtór hho' ngiwa alki/iit dír narkuute. Iga ya/aáw amór múk baraá tseegamo as kángw gweermor'ín nguwa ooár aw, nee taampu iwa malé qaytsitiya', nee kudá' ta slahh'eemisi ngiwa amohhooár i haniis,

Luka 7:22

Yesu mukdá' tinda ya/aáw guri báy, «Tlawsé', tí taa aandé' nee taa axasé' Yohane ti beere', gídaabá taampu i xumiisiyá', taqooraay i hi'iimiit, múk tiqtír tsatmit ku hheehhe'eemiis, múk iiawasle i axamiis, tu'u ki waaslee/atimis, nee liitlakuuse ka Ya/abtór hhó' i alki/iit.

Yohana 6:45

Kaa gooín baraá gooír aaruuseero tawa kaahi, ‹Muu sleémeero ku intsaahhatis nee Mungú.› Gawaá adoorihe, umuúqo heewo oo Baabá gwa axaas, nee gari dirós wa intsaatsaáhh, i amor'eé' hardah.

Yohana 9:7

Guri báy, «Tláw, hamtlo aweek baraá tlahhasár Siloamu.» (Gídaabárós, «Oo taa ya/aáw»). Iri tláy, iri hamtlór áy. Niwa kií/ naxés i xumiis.

Tlehhema'aá ya/Abuuse 26:18

Kuúng ilaaín in qaytsitís, nee inooín in warqés baraá giwtír wa aleeró, tari dah baraá gwa/aateema, nee in baraá /uuruú Neetlángw wa dúx, nee kiri húp amór Mungú. As kahhó' tlakweemaaín kiwa gurtlay, nee niwa aaluusér Mungú tleehhiitiya' baraá tla/ángw kudá' taa hhoohhoeés, asma aníng iwa haratlinti'iiyé'.› »

Efeso 5:14

Gaarí an gár tasa oó', «Tláw, kuúnguudá' guaiím, waasleé/ baraá múk aa qaátl wa ale, daqaní Kristo kuúng u i gwa/aat.»

DABE 29:4

Ala tam ay laarí AAKOÓ MUNGÚ fuqurángw muruuwí kur tsahha' nee ilaá tar xumisa', nee iaá tar axasa' nga hanisiiká.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

Geehhoeemaá 3:18

Gawaá adoorihe gár kuúng wa hariim a adoorí an tléhh, Sahaábuudá' taa hhoohhooeés ar asla dir'eé' tiwa tlaxw, as kuúng tawa daqaarmo tleehhit, nee tlabaadá' /awak kiwa tlaxw, nee kiwa dahas, as /aankwetsuuwók kudá' murér koóm mukuwa ara'ár. Nee slám maasáy na tlaxweek, ilaawók kiri slík, as kuúng tawa xumis.