ISAYA 29:16 - Biblía Axweesantá Hhohho' ar Mungú 2004

¹⁶ Kuungásingá' muruú /aankwartsimá', xáy, iqo ya/aánda tleeusmo kuwa harafari bartá tleei? Tam xooslár tleei heedá' gaa tleehh nguwa beer, ‹Aníng kuúng iga tlehhká.› Laqaá xosluudá' taa tleéhh tleehharusmooín nguwa beer, ‹Kuúng gár ta xu' i káhh.› »

ISAYA 29:16 Iomraidhean Croise

WARA'AMI 103:14

Asma inós ga xuu' adór atén ti diriiaan, nee ga insláy adór atén tar teerír tawo.

ISAYA 10:15

Xaysé', tsawo ti kilós xirfayésa dír heedaádá' ga ar gadiyuusa? Xáy, masmeno ti kilós xirfayésa dír kudaádá' ga ar tlaaqa? Geera bar adoorí, hhara mukdá' gar qadimiís gwaa lilikís, laqaá hhara hee gu gáwtí tleská, kuduú xa'anoowooká.

ISAYA 24:1

Ga/aaweek, AAKOÓ MUNGÚ yaamu gi hhitín, nee giri dewa'atis. Inós faltá yaamu gan tukuntuuk, nee yaamuloouusér baraadá' hoot gari diyaa/.

ISAYA 64:8

Hám daxta AAKOÓ MUNGÚ, kuúng an baabuúrén, atén an tleei, kuúng an tleeusmoorén, atén sleémeero a gadiyér dabaawók.

Tlehhema'aá ya/Abuuse 17:6

Ala kiwa slayká, Yasoni kuri óh, nee hhae bahh'alé, kiri huúw dír geeraá múk urén oo gixsa, tari tsimaahhuús, ta kaahi, «Mukdá' yaamu gaa halelee' naa ayaawí hardáh sleeme,