ISAYA 29:13 - Biblía Axweesantá Hhohho' ar Mungú 2004

¹³ Asma Aako i kaahi, «Mukwí aníng in sluufmisiyá' ar afér tawo, nee in xirfayeemisiyá' ar axweesanoó tawo, siwaadár kilae muner'ín ka sawen dir'eene, nee aníng in ilaiwawa/iyá' ar hara'ayár taa dir'íní intsaahhatís nee muu.

ISAYA 29:13 Iomraidhean Croise

WARA'AMI 17:1

AAKOÓ MUNGÚ, firor'eé' iiárií qaaseek as sakwasleemár ganaa' ngiwa slaw. /Aa/ee'eé' iiárií qaaseek, firor'eé' ar tsáp ilaooheek.

WARA'AMI 50:16

Ala Mungú tlakusmo gu babay, «A milá kuúng gár kaahir'eé' kas alki/it, nee alqador'eé' gár kas axwes ar afkók?

AXWEESANOÓ SAGALOOA 30:6

/Aymu mu doogaar dír /aymuudá' inós aa ooi As muwa iigahhaát, kuúng tari lamusmo tleehhít.

ISAYA 10:6

Una ya/aáw xoorór tlaakw ngiwa muxi, una ádbáw mukdá' naa i buúhh nguwa muxi nee ngiwa haasaáng wa ar tlay, ngiwa yaamií kalaa/i adór hhapér baraá loohi.»

ISAYA 29:1

Tsaxwaawók, aá gixsár Yerusalemu, kitángw ilahhooa kawa hanmiisi dír Mungú, gixsadá' Daudi aa xaftós tleéhh. Kureeri i hardarahiyá' nee i waraahhiyá', nee deeloorók ar uren i kumít iwa tleehharumit.

ISAYA 29:12

Nee kitaábuudá' burka huúw dír heé soomár xuaaká kuri bay, «Gím kitaábuuwí soomuusang.» Inós in ooi, «Aníng soóma a xuaaká.»

ISAYA 30:11

Warqawé', lohdaá looeema mawaak, atén ti meere' mawa kumitaán daanduú Mungú axamisuuwo, Kudá' Hhoohhoó' oo Israeli.› »

ISAYA 42:25

Gawaá adoorihe inós gin i daa/atúy buhhtaawo, tiri doogiyá' nee slaqwara. Buhhtaawós inooín ngin al'oohiyá', ala inooín kaa gaárí xuiiká. Kaa mak daá/, ala inooín gar naa tsaahhiyé' i káhh.

ISAYA 63:17

Aá AAKOÓ MUNGÚ, ahaá waáy atén misti paslmís baraá lohduuwoge, muneerén masa gawdeemís kuúng uri ilaiwawa/anaaká. Ki/áng as daanduú sagadiyuuseerók. As tlahh'iidaá aaliirók.

YEREMIA 12:2

Kuúng inooín ina hátl, dee/ár nguri sihhiyé', nina urarayé' mamu ngiri laqwaaliyá'. Kuúng afer'ine burtu kah kwaáo tu tseéw, ala baraá muner'ine tu saáw.

YEREMIA 3:10

Tam adoorihe hhaeeín awa Yuda kudaá al/aymuuse naa amor'eénií ki/i'iiká ar muner'ín sleémeero, aqo har hhahhafiingw kilós. Anuú AAKOÓ MUNGÚ tí ngina oó'.»

YEREMIA 42:20

aga qwadé' nee slafingwhúng ugwa baraá tsaxwáy hubé'. Asma kuungá' aníng ina ya/abé' dír AAKOÓ MUNGÚ, Munguúhúng, tawa kata', ‹Ti aleefiriin dír AAKOÓ MUNGÚ, Munguúrén, tidá' niqo sa ooi, kuúng ngi ó', atén a tleehhaán.›

YEREMIA 5:2

Inooín tam lo'o ngi /ayia' iwa kaahiya', «Adoodá' AAKOÓ MUNGÚ ir hotaatin.» Tam adoorihe inooín a lo'o ngin /ayiyá' ar lama.

ESEKIELI 14:1

Looarka wake bariisér múk Israeli ina haraxeér as iwa hara'ayár slaiya'.

ESEKIELI 33:30

«Heewí, mukók i daanduuwók axwees, ta tlintaá maray'ín i iwiit ta kilooín axwees, ta kaahi, ‹Gusé', axweesantá AAKOÓ MUNGÚ a iiaárií qaasár awaán.›

HOSEA 7:14

Aníng i firirina'aaká ar muunuú ló', qoomár niwa gawaá qateenoín wa /a/amina'. Gár naa i burumburitiyé' a balaangw nee difaái, aníng iga aahhiyé'.

Kolosai 2:22

Muruuwí sleémeero a muruú hhitiruút burku sagadiyuus. Hara'ayduudá' nee intsaahhatisadae amór muu ngi dahhiyá'.

1 SAMUELI 15:30

Saulo iri male oó', «Aga tlakweés, ala hamí u firiím, ilaiwa/áng geeraá bariiseedár muk'eene nee dír geeraá múk Israeliro ya/aamáng, nee kuúng niwa alki/aan, as AAKOÓ MUNGÚ, Munguúwók nguwa sluufiis.»