ISAYA 29:11 - Biblía Axweesantá Hhohho' ar Mungú 2004

¹¹ Iigu'utuú muruuwí sleémeero birna dirhúngí hardáh, tari adór axweesanoó taa baraá kitaábií gooín oo taa tuuntuúk kuri dugnií qaás. Kitaábuudá' bura húp dír heé soómár xuú', kuri beér, «Gám kitaábuuwí soomusang.» Inós in ooi, «Anuú aslawká asma kwa dugnií qaás.»

ISAYA 29:11 Iomraidhean Croise

ISAYA 28:7

Múk hatlá' i deer oo aa oonimiit difaáiro, múk ta/amiít as buurár aa hamat, kaahamuusér Mungú nee aaruuseero taa oonimiít as buurár aa hamat, niri leexuutiyé' as difaái, inooín i ta/amiitiyá' as buurár aa hamat, baraá iigu'utuwo muruú aa qwaar ngun kaahiyá', nee baraá sakwasleemaro in dakumiisiyá'.

ISAYA 29:12

Nee kitaábuudá' burka huúw dír heé soomár xuaaká kuri bay, «Gím kitaábuuwí soomuusang.» Inós in ooi, «Aníng soóma a xuaaká.»

ISAYA 29:18

Baalaadae múk ia' waslén axweesantá baraá kitaábu barka soomuús ga axaas, nee ilaá taampu niri qaytsitiyá'.

ISAYA 8:16

Lamabu'uungwí tseegeek, harmagahheek, daqaní tari dabér hota dír eeharuuser'eene.

DANIELI 12:4

«Ala kuúng hám Danieli, muruuwí qaaseek baraá lu/aaráy, kitaábuuwí tseegeek nee ku dugunó i qás ay dír qoomár alhhe'eesay i hardat. Múk yaariír i ta'aaín amorqá' nee taqae, nee fuquraangw i ló'wa doogín.

DANIELI 12:9

«Iri mu/aywaáts, ‹Daniéli, hám daxta tláw, asma axweesantí a naaqo nee slám kaa tseék kay dugunó i qaás ay qoomár alhhe'eesaay.

Matayo 11:25

Qoomaadae Yesu iri axweés iri oó', «Aníng kuúng u sluufiís, Baabá, Aakoó doori nee yaamu, asma muruuwí ugwa lú/ dír múk sagalooár kooma nee fuquraangw, kuri laqaán dír na/aá ninakw.

Matayo 13:11

Yesu giri i ilawaáts, giri báy, «Kuungá' naaqór waawuti'iimár doori aga xue'. Ala inooín ka xuiiká.

Matayo 16:17

Yesu iri oó', «Símon, garmoó Yona, kuúng a heé amohhoó', asma kaangwí heé ngwa dirók i xu'utis i kaahh, ala aqo Baabuúeé' kuduú gawaá doorí dirií'.

Geehhoeemaá 6:1

Aluudae Deelmoó bee/i nguri ár qoomár inós dugnooduú geera nguwa gweér baraá dugeenidá' faanqwe. Nee gár wák baraá muruudá' tsiyáhh oo slafa ana axaás i axwés ar afór adór kududuhaay, i kat, «Qwaláng.»