ISAYA 29:1 - Biblía Axweesantá Hhohho' ar Mungú 2004

¹ Tsaxwaawók, aá gixsár Yerusalemu, kitángw ilahhooa kawa hanmiisi dír Mungú, gixsadá' Daudi aa xaftós tleéhh. Kureeri i hardarahiyá' nee i waraahhiyá', nee deeloorók ar uren i kumít iwa tleehharumit.

ISAYA 29:1 Iomraidhean Croise

2 SAMUELI 5:9

Daudi ina hoót baraá gixsarí taa harweér koo/ír gawít, gari umií tsaát, gari báy, «Gixsár Daudi.» Daudi gixsadá' gari harweér tleehhamooro, iimír Milór waá tleemu ay baraá guruú gixsaa.

ISAYA 29:13

Asma Aako i kaahi, «Mukwí aníng in sluufmisiyá' ar afér tawo, nee in xirfayeemisiyá' ar axweesanoó tawo, siwaadár kilae muner'ín ka sawen dir'eene, nee aníng in ilaiwawa/iyá' ar hara'ayár taa dir'íní intsaahhatís nee muu.

ISAYA 29:9

Waa/oo/é' kiloohúng ta baraá waa/oo/amórí metá', taampumité' kiloohúng ta baraá taampu'umárí metá'! Oniimité' ala ma oonimitara' ar difaái, ta/amiité' ala ma ta/amiitara' as buurár aa hamat.

ISAYA 31:9

Waawutmooín kuduú adór tlaa/a iri /akuút daeero, nee geeraharuuseerós bendeérar'ín gari geexeér as dae. Adoorí AAKOÓ MUNGÚ gan kah kudá' asltós baraá gixsár Siyonír wá oh. Kudá' asltós ar gufteeri baraá gixsár Yerusalemúrií dirii'.

ISAYA 5:12

Baraá deelor'ín ar urene gidaandori iqo kahhká, nee seesero, nee mitingarto nee filiímbiro nee difaái. Ala tlehhma'aá AAKOÓ MUNGÚ ngi ya/aa/ana'aaká, tam gadiyér dabaawós ngi gaárí xuiaaká.

ISAYA 66:3

Ala mukwí adór i slaiya' ngin tlehhiitiyá', dir'ine dimbé i káhh bar awu ngwa gaasiyé', laqaá hee, Bar deelmoó bee/i ngwaa ilahhooár wa haniisiyé' laqaá seeaay. Bar balaangw ngwa ilahhooár wa haniisiyé' laqaá tseerér baynamo. Bar ilahhooár inslaslaangw ar mooyángw koóm ngwaa haniisiyé' laqaá bar munguúduú murslaaqat ngwa sluufmiisiyé'. Mukwí lohduuín gina kilooín sláy, nee muner'ín ka sla'atamis nee muruuín kudá' ni waak.

YEREMIA 7:21

AAKOÓ MUNGÚ Aleesleemusmo, Munguú Israeli i kaahi, «Gimsé' ilahhooarhúng ar da/a/aangw doogaak gawaá ilahhooár muruú ta tsu/i nee fu'unaay /ayaak.

HOSEA 5:6

Inooín ta tláy nee bee/aangw'ine nee hikwaaine as AAKOÓ MUNGÚ kuwa leelehhtuú ay, ala ngu ariiaaká. Asma inós taa paraátl dir'ine.

HOSEA 8:13

Inooín ilahhooár muruú ta tsu/i hanmisuuwo ngi slaiyá', nee fu'unaydá' kiri /aay. Ala AAKOÓ MUNGÚ ku baloó sla'atimisiiká nee inooín. Aníng hamí tlakweemaaín kuká' in insláw ngiri muúx as tlakweemaaín kuká', ngiri ki/ís baraá lawaali'iimár yaamaá Misri.

HOSEA 9:4

Ilahhooár difaái ka sangw dír AAKOÓ MUNGÚ i hanisiiká, tam ngu sangw qwal/atisiiaaká ar ilahhooár muruú ta tsu/i. Ilahhooaar'ín ar muruú ta tsui tari adór mikaátér múk tsuunqumiís. Umuúqo heé gaa /ayi kwaa meetagaás. Asma mikaáter'ín tidá' gár iwa hariin a har qwarkuín gun tse'eemís, i harindaaká kawa baraá doó AAKOÓ MUNGÚ i huwi.

TLAHHOÓ LAÁWI 23:4

Deelor'eé' ar uren ar hatlá' ar anuú AAKOÓ MUNGÚ ar dinku'uumár hhoohhoo' kawa tlehha', a baraá qom'iiká taa qoomeés.»

Ebrania 10:1

Hara'ayár Mose a geehhaantamoó tawo oo muruudá' hhó' oo hardáh, ala a muruudá' oo kil'eeká. Asma hikwaá ilahhooa kin adoodár tsu/aa/ín umuúqo kurko. Ala gawaá loohír adoorihe hara'ayár Mose muu boo/eesaro gu aleesleeraaká, kudá' ilahhooadá' ga hanmamiís.